【資訊分享】荷蘭 Amsterdam 篇 (二)OVCHIP CARD

資訊篇
OV CHIPCARD

Ov chip card係荷蘭版8達通,用佢搭巴士會平比現金一半(注:市內既GVB巴士而家唔再接受現金買票),買火車票都會每次省到一歐,上車落車都要拍咭。  由於上落車拍咭,所以只能一個人用一張!

荷蘭巴士電車火車個玩法可以話無得逃票,又set閘口又狂查票,所以點都要比錢既,一係現金一係ovchip

張咭好似7歐左右一張,呢7歐就無得退既,所以要計下省埋有無多過7歐先決定買唔買

退餘額方面,有絲打send過email去問NS,得到答案係可以去大既車站退餘額。(有可能食兩三歐手續費)

因為初時我地覺得係maastricht會踩單車唔洗搭巴士,所以就無買到,直至去左兩三次旅行,發現我地係maastricht次次由車站往返宿舍都一定會搭巴士,而比現金會貴ovchip一倍,(呢個case黎講每次貴1.5歐姐), 再加上amsterdam要搭好多程巴士,好多程都差價兩三歐,於是就買左張ovchip card

買完張咭,入面係無錢既,要增值
咁我見到ovchip個網有得用銀行咭比錢增值咁方便,就一野入50歐啦

之後就中伏啦 ,第一次搭巴士順利like a local咁一duk即入啦
第二次搭司機竟然話我地ovchip負錢所以用唔到,要比現金

我地就唔明,入左幾十歐點會一次過無曬,點知原來我地係未完成增值,第一次搭ovchip有0蚊,可以duk到負錢,第二次負左錢就無得duk,咁果50歐去左邊!!

上網睇一睇,原來網上過完數,仲要再憑佢send去你email個code,親身去到火車站或者超市既ovchip機,去插咭打code先完成增值

果部入code機
我頂,咁膠既,咁網上增值個意義係邊?點解我唔直接係火車站入錢增值呀
呢個係我一直覺得ovchipcard好膠既位

ovchip仲有好多膠位,例如張咕入面明明有幾十歐,入火車站有時唔可以好似香港咁直接duk入閘,佢會話咩ovchip入面無車票, 又係要去部機度用ovchip入面既錢買個電子車票再入落ovchip,咁張咭就有票了,咁先可以再入閘,頂,ovchip意義除左省錢仲有乜

當然都可能係我唔識用哈哈哈

其他膠位等大家慢慢發掘

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.