【歐遊百幾日遊記】荷蘭 AMSTERDAM 篇 (十一)瑣事篇 — 高瘦小屋既來源

Amsterdam 街上有時會有呢D,成堆人坐架啤酒車,瘋狂一路隊啤一路踩住腳踏(睇腳步),一齊好似踩單車咁踩住車遊街,佢地會狂歡呼 唔知會唔會飲飲下醉駕呢?

另外,話說我地係Amsterdam市內行緊時,無啦啦變左思考家,研究點解Amsterdam既屋頂全部都要有條柱伸出黎,再加個勾呢?好似呢度咁:


唔係河邊屋先係咁,內街都係,而且間間都向前傾。

我地係度不斷9up唔同既可能性,例如會唔會係以前用黎勾住街燈呀,會唔會勾住鐘,我就亂咁講笑咁講話,會唔會係吊條繩上去,係上面拉d行李上去

熱烈地討論同笑完,當然要用google解答下
點知,我竟然up中左一部分

原來因為呢度既屋全部都好窄,包括樓梯,佢地搬入屋時,大型傢私難以運往上層,於是
就加個滑輪係屋頂個勾度,再吊傢私上去,佢地上面d窗全部都可以拆開既,咁傢私就可以吊上去,經大窗運到上層既室內啦,

而所有屋向前傾,都係為左方便吊野時多d空間比件傢私四圍fing,唔會咁易撞向下面幾層既窗同牆,變成而家見到呢d屋既特色

哇,竟然真係用黎吊野上去,不過唔係因為怕重唔搬,而係太大件搬唔到,所以要吊,同埋估唔到連傾前都係特登的

另外,點解全部屋都咁窄咁長條型呢,原來因為當時(我估而家都係 )當地地價好高,每塊地闊少少都會貴好多,於是當地人就興買塊好細好窄既地,但就向上發展,結果Amsterdam就變成而家見到,成個城市好多一排排高高瘦瘦既樓啦

簡直好似每樣特色背後都有段故咁!
google完知道左呢幾樣野後,再望下d屋仔,
就更加欣賞到佢地既特色同當中人類既生活智慧

最後玩到盡興後,
我地係Amsterdam Centraal 車站買個smullers大薯條配 mayonnaise 醬加洋蔥粒 ,就搭火車返Maastricht了

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.