【歐遊百幾日遊記】夏遊東南歐篇 (五)希臘雅典 滋味晚餐 Alexander The Great

話說男朋友一早係酒店用trip advisor搵定左幾間餐廳比我地呢幾日check既  (幾乎所有trip既美食都係佢搵出黎 )間間都好好味,今晚我地決定去一間叫做Alexander The Great!
https://www.tripadvisor.com.tw/Restaurant_Review-g189400-d1076442-Reviews-Alexander_the_Great_Greek_Restaurant-Athens_Attica.html
呢間餐廳離廣場呢帶一D都唔近,佢係係另一個metro 站 ΣΤ.ΜΕΤΑΞΟΥΡΓΕΙΟΥ果頭,不過我地見未餓,又想省返車錢,就慢慢行過去啦
都真係行左幾耐,仲經過左一條差D以為返左香港深水埗既街,
因為成條街都係批發野黎,仲要好多間都係繁體中文既招牌
仲有好多似南亞人樣既佬係度搬野呀咁,有d就企係條街無所事事咁,
真係好深水埗
由於感覺有D雜,所以女仔都係唔好自己黎啦
搭車啦 行左好耐之後,終於都到,仲開始有D餓啦 於是就叫餐
呢個餐廳有分室內室外,基本上佢 default 帶你去出面坐,
我建議想去既人坐入面既,因為我地被蚊針到飛起 噴蚊怕水後感覺好d

Menu 係好新奇,因為唔係我地去邊都見到既 Pasta,D 菜式名同combination都好新鮮,係香港同歐洲大部分地方都見唔到既,所以一場黎到希臘,我強烈建議大家儲定彈藥黎食多幾餐好野!(上網搵定D好餐廳先 )不過唔洗太多錢,因為呢度既美食並唔貴 都係十零歐就有好野食

我地叫左個BB羊 ,仲有芝士焗D肉醬呀薯仔咁,菜式對我地黎講太新鮮,黎之前係唔會知咩樣既  我地叫完後,三個字後,waitress放左一D個樣既特別既包仔,仲有D醬,我地果時見到又唔似其他國家d硬餐包,諗左陣究竟係咪我地叫既其中一樣野黎

食下食下…個包,D野食好耐都未到 希臘又或者全歐洲上菜都好慢,多數起碼四五個字,希臘就更加耐,好似等左九個字 我地都由唔餓變到好餓,狂食包 btw 連d包都正過人

另外希臘有樣野好好,就係入到餐廳default會自動比壼冰水你,唔會逼你買貴水呀野飲,係歐洲黎講好難得,呢度仲要好熱!

仲有仲有!間間餐廳都會送飯後甜品! 第一次見到真係受寵若驚 (其實係人都有 )歐洲其他國家應該仿效返啦

終於到了 呢個就係BB羊肉,我已經唔係好記得詳細既味道,但肯定係好驚喜,同平時食開既醬汁好唔同,食落D肉都好鬼好味

期間,有幾個大陸妹黎左,佢地路過望完餐牌入左黎,其中一個話:「太好了!我都餓死了!」我地笑而不語,要等多9個字先有野落肚呀

呢個就係另一樣,芝士焗D肉醬呀薯仔咁,都好重口味下,又係好好味同係未試過既野 不過都係果句,唔記得咩味


好快飽,因為好肥的

食完後,我地都飽曬了
呢個時候,我地一埋單,佢就會上埋個飯後甜品。

不過一黎已經飽,二黎佢有D似D豆糕呀果類,我同男友都唔係話好鐘意食呢類食物,所以就無食曬,有D唔好意思

推薦大家去食下 係Athens頭100既餐廳

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.