【歐遊百幾日遊記】夏遊東南歐篇 (六)希臘雅典 希臘雅典 深入當地警局同遊客警局記

見到標題,都知唔方好野
是日行程係去山上既衛城仲有宙斯神廟

十一點我地出門口,搭 metro 出去 acropolis啦

希臘既 metro 車票係以鐘數計既,一歐幾既車票用到90分鐘,任出任入(據我所知) 今日既 metro 都幾多人,係有DD逼。

我將所有車票入場券都keep起左上圖呢張係去機場果張所以貴D。

之前提到,希臘男人個個賊樣咁,衣衫不整、頭髮蓬亂、駝住背行既人一街都係,最重要係眼神怪異,你一上車,都會feel到幾個男人同時望住你、打量你,唔係因為D乜,其實純粹都係望你既袋、研究你D銀包放邊,應該點落手。

我之前講過我所有財物都放我既斜揹袋既,於是一上車我就攬實我個袋放係心口前面,企係呢個位,用張mtr 相頂住先

我挨住個角落頭,男友就面向住我,背住後面d人,於是我同男朋友講小心個背囊被人開袋,不過因為佢背囊無值錢野,佢唔太擔心,佢反而係護住我,因為果時夏天我著吊帶衫短褲,而D人個樣太猥瑣,於是佢擔心變態佬多過賊。

一路搭我都望住佢後面有無人埋身, 直到埋站時,我地未落車既,但有條友想落車,不過明明門口好多位,佢就偏偏係咁向我左邊壓 ,但佢剩係用身位壓埋黎我地度,隻手無亂伸(唔係抽水),加上我既財物已經被我攬實左,唔知點解係咁壓埋黎 ,咁我男友就雙手都護住我咁啦,廢時條友抽水 不過條友剩係壓埋黎地行,之後就落左車。 我地就唔明佢做乜,因為佢又要壓過黎,又無抽水,又偷唔到我D野,我係咁覺得好奇怪,但都係諗唔到佢做乜。然之後我地無理到繼續吹住水搭車啦。

然後,就黎落車果時,男友話,發現佢今日無帶銀包,咁因為我自己成日唔帶銀包,所以都無乜野,但佢接住話:奇怪啦,我好少唔帶銀包,出門前都會摸一摸褲袋,點解今日會無帶既呢 係佢仲係覺得自己唔記得帶既時候,我諗起頭先條友,我問:
會唔會係頭先條友…
唔係掛

不過因為佢都係唔肯定自己有無帶銀包,所以我地照去Acropolis先,但排緊隊(好短)入場時,我地都不斷諗究竟係無帶定被人扒左,最後因為覺得唔睇下既我地全日唔會玩得安落,於是都係折返酒店check下。

結果 房搵唔到 真係頭先條友偷鬼左

如果重組返案情,相信係上車無幾耐,將銀包放褲袋既男友已經被人 target 左,我唔知佢銀包放褲袋 ,所以無幫佢睇實埋 其實左右褲袋都算貼身,所以正常情況被人拎左一定知。不過,因為果條友係壓埋黎我地度,男朋友就focus係我有無被條友抽水 雙手剩係護住我無禁住自己個銀包,而條友就一路壓落佢褲袋一扒到個銀包就即刻走,於是男友完全feel唔到銀包被扒出 一直以為target緊我,原來係target佢 食屎 其實我地心情係唔知講乜好多過嬲,因為無諗過大半年一直無野,馬德里巴黎意大利都無事既我地竟然最尾個trip先奶野

不過,第一件事當然係報警(當然唔係expect會搵得返,係要報警先claim得保險
希臘每個火車地鐵站都有個警衛既 而家終於知點解 我地就搵佢「報案」啦。經過一輪手語後,地鐵職員寫左個站名比我地,叫我地去果度既差館報警

搵左一輪後,終於到左警局 搞笑地,間野出面成個香港D極舊工廈咁,地下果層唔係正門,係一個更亭,入面果個一D都唔似警察,你話係大毒梟我都信 佢隔離就有部lift,可以上警局果層。

入lift,個玻璃lift門有被人打爆左既裂痕 係咪D賊發爛炸?
上到去,入去。

一入,男友哇左聲,我向左望
我真係「哇X 」左出聲

一入門口,左邊係D臨時收監所,有3個超級樣衰喪屍大毒梟咁款既監犯被人囚左係入面,三條友都企係D鐵欄度,平排地對手伸曬出黎,死屍咁望住我地

你望過去,就會見到呢個境況

個樣絕對無咁正常,我想google搵個似既都搵唔到
網上d人樣太正常 絕之就係頭髮又亂又灰白,面一達達灰黃色,面好lip,反曬白眼,d牙好似蛀鬼曬,寒背,成身爛衫,真係誇張過電影D賊樣 無忽正常 你一睇就知係超級道友同賊果種

佢地望住我地個樣好似我殺左佢全家咁, 我地望左一秒就唔敢再望,但我地都記得勁清楚佢地個樣 真係好din

之後再望右邊,有幾條友坐左係度,我都諗左陣先估佢地係被人拉既定報案既,因為D樣都係成個賊咁 入面一個便衣職員同緊local講野,見到我地後,問我地咩料,我地話被人偷野,佢就叫我地坐低等下,仲一路講一路指住果張對正果個監倉既長椅 不了

我地不約而同地走左唔洗被果三條友瞪住既位企

成間野都好舊,咩傢私都爛爛地咁,監倉果邊既前面既範圍直頭係好污糟,入面實好臭 等既期間有兩個軍裝警入左黎,終於係希臘見返個似返個正常人正氣D既local 頭髮好整齊、青靚白淨、企得四四正正咁 除左佢地,差館入面你求其篤個話係賊我地都會信

隔左陣,頭先個便衣帶左條友出黎,的佢入頭先個拘留所度 果條友又係同D道友一樣style既 然後便衣終於得閒理我地

佢知道左咩事後,就問:邊個叫你地黎呢度報警既?我地話:係個地鐵職員。佢覺得好奇怪,佢話因為呢度係local警局,我地應該去另一間差館。之後就寫左個地址叫我地去果邊報警

原來我地唔小心深入左當地差館 真係見識不少 最痴線既事之一 再搭多轉車搵左輪後,終於到左佢講既另一間差館

間野開係一橦野既地面果層行入dd,又係極唔顯眼 出面見到佢寫住Tourist Police Station 原來遊客係要去專for遊客既差館 明顯呢度遊客中招率太高,要起返間黎專處理佢地

遊客差館真係遊客差館,入面竟然有免費wifi 又有張sofa。基本上入面係得幾張office枱,幾張sofa咁,擺明就係專比人黎拎口供紙 佢求其比左張紙同張form我男友填自己唔見左D乜,仲有佢既個人資料,期間都keep住有d遊客黎報案,我地仲係張茶几上面見到一張廢紙,上面寫左個香港人既英文名、passport no. 同埋佢被人偷左D乜 就咁掉左係度


做乜帶個價值1200既金幣出街

好慘既受害者,唔見左成千歐,睇黎係成個幾月既旅費 睇黎佢要返hk了
我地無咁不幸,因為身家 passport 果d都放曬係bf防盜腰包,銀包係有220歐左右,煩在有d香港既銀行咭IDcard學生證果D,不過都即時cut左,比起呢位香港巴打bf算無咁損失慘重。(最後仲claim得返果220歐,只係D證件果d錢claim唔返,但已經算好了)不過入面有幾張靚既即影即有合照就真係永久消失了

交完form,個警員再confirm多次佢唔見左咩,見到「回鄉證」,bf解釋左好耐條友都唔明咩黎 最後佢就print左張寫滿希臘文既口供紙比佢,就收工了

整完呢壇野,一兩點左右,我地重新出發去衛城
因為呢個奇遇對我地黎講都充滿娛樂性
所以我地心情都幾輕鬆,無受影響繼續出發

下篇:

【歐遊百幾日遊記】夏遊東南歐篇 (七) 希臘雅典 衛城 Acropolis

【資訊分享】希臘雅典 Athens, Greece (一)衛城 Acropolis 門票及注意事項

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.