【歐遊百幾日遊記】夏遊東南歐篇 (十六)希臘聖托里尼 遊 Santorini Fira景點

【遊記】DAY 6 希臘聖托里尼 遊 Santorini Fira景點

呢日我地要搭晚上7點機到Verona, Italy,於是我地4點幾先出發去機場,由於要check out,十點十一點我地已經出現左係條街度,有大半日hea 首先第一樣要做既係搵位寄左個背囊佢,仲有print機票

KEEP LUGGAGE 及 印機票資訊

話說Fira有個好顯眼專做遊客生意既 Leave luggage 店,寄行李價錢都尚算合理,五六歐左右。不過,print野就…
我地要print兩張A4紙,佢報左個好驚人既價,係幾多我都唔記得,好似係近十歐 就黎100hkd 一兩張A4紙
可以買過張機票了 我就唔信全鎮得佢有printer
不了
最後,我地係Fira市中心條路行入少少,見到有間書店,果度無咩人流,但就有超平print service,好似10 cents都唔洗 平到有d唔好意思剩print野走 於是買多一兩張靚postcard

食飯時間!今次食中餐,因為又有D掛住亞洲菜,去左食蛋炒飯  仲因為要鄧下波鐘,坐係度寫埋千字文postcard先


上面果張Athens買既,Santorini果d真係唔同D 仲有:

  btw黃色郵筒係foodcourt隔離

出發今日行程 其實無乜行程,剩係知上D有個教堂呀果D,即管睇下

終於有影街景了 睇返覺得影得唔夠多,有D後悔 呢度d街景咁有feel

呢度就係個教堂出面了

搵左好耐先搵到個位影到 因為又電纜又牆角咁
免費內進既小教堂。

明明出面好熱,但呢度就好涼

之後再向上行,就有呢度

更高處望Fira

再高D

合照是不可少的,記住影返幅呢類相 btw打格都見到好黑,明明日日有搽防曬
日本Biore果支果然係舒服但唔防黑

仲有得再高,不過,太攰 不了 廢柴mode全開

好型既崖邊啊 地形膠又出現了

之後因為唔知再可以做咩,就去搵間cafe坐下,聽講黎到希臘要飲熱朱古力(朋友講,唔知點解 )我地又好鐘意四圍飲熱朱古力,於是

求其入左間有海景既 仲有隻貓四圍行

但hea完先兩點 接住我地都唔知做左D咩,行行企企坐坐,玩盡曬個Fira悶到發霉既我地終於等到夠鐘上車去機場 所以除非第三日想去多個Santorini既鎮,唔係既兩個fullday應該夠玩

除左被炸完既臨時Brussels機場外,Santorini呢個係我暫時見過最updup既機場一入去見到條長過長城既單行隊在排隊check in 同放行李 好彩我地一早網上check in 又無野要寄倉 所以,like a boss咁pass曬班友闖入去啦 之後佢係d staff係呢一刻先turn on部勁updup既xray機果d黎同我地做安檢

呢度係登機大堂呀閘口呀果度 頹過唔少火車站 不過,小島有機場已經好難得了

又等左好耐後,終於上機 平時未飛果下開始訓到落機果刻既我,今次竟然 0 睡意 於是同一向搭飛機唔會訓到覺既男朋友搵野玩

天下太平、鬥畫畫、估呢樣估果樣……  今次仲餓到買左機上面d 不值1歐但賣二三四歐既cake仔

係Verona訓一晚後,第二日我地半年內第二度去Venice 因為要係果度搭去Rovinj 不過因為廢時一次搭咁耐車,加上上次Venice唔係幾好天,視威尼斯作dream place既我當然要見到佢好天為止於是我地會係Ventice stay一日半

【歐遊百幾日遊記】夏遊東南歐篇 (十七)意大利威尼斯 略遊

歡迎 Like 我既Facebook Page 緊貼最新既遊記及攻略 : 芒果豆腐花遊記 

 

Advertisements

Leave a Reply

This site uses Akismet to reduce spam. Learn how your comment data is processed.