【歐遊百幾日遊記】夏遊東南歐篇 (十九)克羅地亞 羅維尼 Rovinj, Croatia —— 不能錯過既城市及完美日落

【遊記】DAY 8 抵達克羅地亞 Rovinj 完美日落

Rovinj, Croatia 係克羅地亞北部一個小城,即使名氣不大,但其美麗程度比起 Zadar、Split等城市絕對係過之而無不及。而家回想起克羅地亞,腦海首先跳出既,就係Dubrovnik同迷人既Rovinj啦。順帶一提,Rovinj既日落絕對係一匹黑馬,寂寂無名,但令人難以忘懷。我地有幸同佢相遇,亦十分享受呢個醉人既日落。

到達Rovinj,已經五、六點,天仍然好光。一落車,就見到有間士多可以唱當地貨幣,rate亦唔錯。

都搵左幾耐,終於搵到我地間屋,原來兜錯左路 。我地住既叫Guest House Marta,係booking.com訂既,有d似airbnb whole apartment,到之前要同屋主聯絡定。http://booking.com/c9aa4776469b53f

間屋個位好靚,一出就係海邊同餐廳! 而且入面環境都好舒服,出面仲有露台添!但太多蚊,無出過去。呢間只嫌佢張被唔夠滑,有毛粒feel。克羅地亞既屋睇黎全部都用儲水式熱水爐,會沖沖下用曬熱水……

好特別既牆
呢兩晚我地呢棟屋(一共三個單位)似乎得我地兩位住客,太正了!

settle down後,急不及待出去行下。


海邊好靚,好多遊艇、漁船 。仲有一列沿海既餐廳 ,全部外面露天既位都放曬大LCD MON係度播歐國盃。

呢日係歐國盃既開幕日,有表演同法國果場波,成條街都係電視傳出既講波佬同球迷聲,好好氣氛


我地已經決定係一定要係呢頭睇返幾場波!而克羅地亞既賽事就當然唔少得啦!

途中見到好多動物!

被太陽整醒既小狗。

我地求其入左間餐廳,價位都係5x 至 7x既pasta,即係六七八十蚊港紙,比其他國家既12歐平。

照舊叫一紅一白既意粉,有趣地個味又同意大利/其他地方既唔同,反而有種港式意粉醬既味。

甜品 Panna Cotta ,大大件 ,雖然無我地之前係意大利餐廳食既靚同美味

另外,Rovinj街頭好多蒼蠅,四圍飛,明明衛生唔錯。不過,佢地又唔會飛落人同食物度 ,(大陸果D會走上人既身同面 ),所以都接受到

食完後,waiter問我地飲唔飲杯酒 ,我地唔飲既但試下都得,佢話sake之後就轉身走左,比左一shot我地。哇 ,一飲一啖已經咳死,飲唔到 勁唔好意思地襯佢見唔到放低閃人。

出到去,行去海邊,咁啱到左日落時份,好靚。

左邊呢個凸出黎既舊城區係夕陽照射下變左金黃色,真係好有舊墟既感覺。

金黃色。

一定要影下合照啦

碼頭呢邊人凐稀薄,睇日落既只有我地同另外兩三個人,

期間仲有D海鷗飛下、叫下,少少海浪聲,睇得好舒服。

呢度影剪影一流。

出海睇日落

一個優美既日落,仲要係食完飯出黎恰巧遇見既,唔洗逼住坐住呆等幾粒鐘。Perfect timing

可以好肯定地講:我鐘意呢個多過Oia果個。

 

【歐遊百幾日遊記】夏遊東南歐篇 (二十)克羅地亞 羅維尼 ROVINJ, CROATIA —— 市內漫遊 尋找Canon廣告取景位置

【歐遊百幾日遊記】夏遊東南歐篇 (十三)希臘聖托里尼 SANTORINI OIA 伊亞(下)號稱全世界最美日落 —— OIA 伊亞日落

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.