【歐遊百幾日遊記】夏遊東南歐篇 (二十二)【資訊 + 遊記】DAY 11 不能錯過既大自然奇觀 —— 巨型鐘乳石洞 Slovenia Škocjan Caves

【資訊 + 遊記】DAY 11 Slovenia Škocjan Caves  

Slovenia其中一樣必去既係鐘乳石洞,佢有兩大鐘乳石洞 —— Škocjan Caves & Postojna Cave,各有千秋,同時兩個行程都需要一定既時間,於是多數遊客都只會二選一黎去,咁究竟應該揀邊個黎去呢?


網上圖片

Škocjan Caves VS Postojna Cave

是日行程就係去Slovenia兩個著名既鐘乳石洞之一——Škocjan Caves。
另一個係Postojna Cave,事前其實我地同樣struggle左好耐應該揀邊個去,上網睇完相同遊記後,得出既結論係:

  • Skocjan Caves 係係UNESCO’s World Heritage List入面;Postojna,根據佢官網講法,只係申請緊被列入世遺,所以理論上前者價值應該係高D。
  • 去S既交通係比較複雜同耐,要轉車又盛;P係易去D同快D,一程巴士直達門口。
  • P 係比較 touristic,多旅行,多數旅行團都會黎呢度,入面有架好鬼違和既觀光小火車(google下會見到),個cave外面都有個幾特別既位,就係有個城程插左入座山咁;S就少人D,入面個境D人話壯觀D,而我亦都覺得真係好壯觀同震憾,因為係聲音上(大瀑布)同視覺上都係好令人驚歎,簡直好似入左魔戒既場景咁

一場黎到,想睇最勁既,於是,最後決定,Skocjan Caves

遊記
琴晚天氣一般,今日一出門天氣靚到

呢個位係龍橋,因為橋上面有幾隻龍既像係度 係trip advisor上已經係呢個地方頭既位既點,但其實呢條橋唔知有無10米長

佢係正hostel出面既路口,所以日日都經過


上面個城堡

一路行一路四圍影下街景

間中會見到呢D幾靚既屋。

好熱鬧 唔知係朋友定siblings呢

無啦啦有馬係馬路上面行,係歐洲係幾常見既事。

交通

去呢個cave既路線基本上係咁:
Ljubljana — bus / train —> Divača —free shuttle bus—-> caves
巴士係平過火車

到左Ljubljana既車站,只需要入去巴士售票處,同佢講你想去 Divača Ljubljana/Postojna、Koper/Piran 呢兩條線都會經Divaca,我地搭前者,佢會先去Postojna,所以你車程中會見到Postojna Cave外面個城堡,果頭仲有酒店添,的確係比較 touristic,配套完善。

到左Divaca,你會有D lost,因為要搵個shuttle bus站出黎。我地係佢drop off個位行左一個圈先見到個站。

我無影低,但上網搵到呢張圖:

 

我地果時架車遲左少少到,一直擔心係咪其實唔會有車  佢係架7人車黎,得我地兩個客 一上客就走 車程五分鐘 其他外國人唔知點解揀行路 要行一個幾鐘的 (都可能因為我地廢先搭

你見到出返黎既尾班車係3點05,意味住D咩?就係唔早去既,走時都要行路

至於點解我會知有shuttle bus,我都唔記得了,係網上得出既結果,但剛才我上返官網,又搵唔到相關資訊,明明係官方service黎。不過trip advisor果度D人都會講有,所以決定利申下,建議先research / email d staff 查清楚而家仲有無呢架shuttle bus既service,我係上年6月去既

如果真係無,一係的士,一係行google map幫到你
所以話,呢個地方係難去好多

門票

門票有分好多種,路線1、2、路線1+2、路線3 (呢條跟導遊先要錢)
一條已經要行1.5-2個鐘,除非你好鐘意行同想行盡曬呢個地方,
否則,路線1(行最貴果部份)理論上應該已經睇到曬果D奇觀

( 1 ) Through the underground Canyon – guided tours
成人 16
學生 12
小童 7.5

( 2 ) Following the Reka River underground
奇怪地,佢話可以有guide無guide都行得,由於我唔係參加呢個,唔太清楚佢玩法
成人 11
學生 8
小童 5.5

( 1 + 2 ) Through the underground Canyon /
Following the Reka River underground
最強組合,有排行
成人 21
學生 16
小童 11

( 3 ) Along the Škocjan Education Trail – guided tours
呢個剩係睇山景,無理由黎到剩係行山掛!所以唔貼價錢過黎啦哈哈。

唔行得又要睇正野既我地當然買路線一 學生票 12歐
我係去到先買飛既,感覺無必要book定先去


買完飛,食野先

唔知係咪太餓,我竟然影完紙巾就無再影食物 印象中係食fries 同包咁。

好多注意事項

食完野,就去集合處集合,出發

最主要要知既就係:

  • 入面唔比影相(話驚你掛住影,唔睇路出意外同唔跟隊)
  • 入面比出面凍,佢話12度,不過因為一路會行身體會發熱,所以我無著褸都覺得唔太凍。
  • 入面好多石級要行,地面濕滑,建議著防跣既行山鞋。
  • 入面成日好多水滴落黎,好似行旺角被水滴中咁,所以最好著有帽既外套/帶頂帽,唔洗成日被水滴中頭頂
  • 個人認為,最理想係痴實個tour guide,因為如果你唔行近D,應該無咩可能聽到佢講野,但佢講既野內容都幾幫到你了解多D個洞,行後面無可能會聽到同知道

因為入面唔比影相,亦暗到影唔到,以下會用大量網上圖片幫手講

集合後,會行五分鐘左右先到洞口,途中會經過D小山坡

去到洞口,導遊會brief下D注意事項先,之後就入去。 唔係一入就呢個景,係有條山洞隧道先 的確係不斷滴水,好彩有帽

呢個鐘乳石洞入面分兩大部分,首先我地由洞口入,會先進入「靜洞」——silent cave。洞如其名,叫得呢個名就係因為呢一帶係好靜,無聲既,只有好多形態唔同既千年老鐘乳石,一路行你只會聽到導遊聲、腳步聲同水滴聲。我都幾鐘意聽呢D洞中滴水既聲

網上圖片

佢地呢D一條條既石,係從洞既底部慢慢地伸延落黎,真係好慢,佢話每100年只會「生」1 CM,所以呢度呢D石有幾「老」,大概可以估到

每行一段路,導遊就會用機關開前面既燈、熄後面既燈,熄燈後真係漆黑一片、乜都見唔到,走失左就真係GG。

除左一條條既,仲有一大塊、一大碌、一層層既,都唔知生左幾耐

唔知點解會生成咁既樣呢

好似朱古力噴泉咁

過程中既梯級都真係幾steep,有D位視野好廣闊既真係覺得好壯觀

有D真係壯觀到忍唔住影張 這是錯的  影完都唔知影緊咩

呢個應該係 the great hall,係silent cave呢邊最大最廣闊既部份 見到一個天然形成既空心大山洞,真係成個特登建出黎既大hall咁,感覺都幾神奇

接住,就係聲畫俱全既Murmuring Cave!亦係壯麗到令我地望住講唔到野既既一個地方 呢度既「聲」係源自洞底既一條河——Reka River,呢條河既水流極急,係由山洞外既一個瀑布之類既位湧落黎既,我地係洞入面見到有一堆水由細洞口果邊爆落底,成條河貫穿整個長300長*60闊*100高既洞。

呢條河係洞既底部,而我地觀賞既位應該係洞既中部,河可能係我地近70米既腳下,呢幕令我聯想起魔戒入面,係山谷地底既果個地下武器工場

魔戒一 screencap

成個cave都係超級響亮既隆隆流水聲。呢個本來無人無物、靜鷹鷹既洞,洞底居然有條咁急既河,我即刻覺得成個洞好有生命力。洞入面有條河呢個景觀對我黎講真係好 Amazing,自己身處陸地上面見到河,只會想像到水由山落黎,流入大海,無乜特別,但無諗過河水會穿過一個咁奇特既山洞 如果唔係有人發現左呢度,呢條河依然會每日繼續咁樣係一個人類未知既地帶度流動,然後出返地面,而我望住地表上既佢,只覺得佢平平無其,但其實佢係有過一個咁特別既經歷……只能夠講,我所知道既野實在太少

山谷底既河可能唔特別,但係呢一刻我地係係「地底」見到呢個景像,地底就係格外有神秘感 而家呢刻真係有種感覺好似自己去左地球入面既另一個世界咁

導遊話呢度之前有洪水,D水係多到漲到上黎,因為太嘈我無聽得好清楚,剩係諗,究竟要幾多既水先可以填滿呢個咁巨型既洞   記得洞口附近有D巨木,佢話,係當年既洪水沖入黎既木頭黎

頭先呢個橋既scene係好吸引到我揀呢個洞黎去,

又令我諗起魔戒:

仲有呢個scene

洞入面D路都真係咁上下 但呢邊仲有黃燈,遠睇就好似好多火炬咁,令成個洞更加型

同時我係度諗,係度建呢D梯道既人實在太勁啦,究竟係點做到架呢?我見地面既梯級係一刀一刀咁削出黎既,唔係水泥加建,係呢個又暗又濕又地型複雜既地方做建築真係好令人佩服 就當近代建築科技發達,可能其實無咁難。但導遊話,我地所行既,其實已經係新既路,然後指向高處既遠方,果度有好窄好斜又無欄杆既梯道 佢話以前D人黎睇呢個洞,係行果度既 突竟係何等唔畏高同唔怕死既人先會黎整果條梯同行果條梯 一跌就無度深淵,無人搵到你 我真係覺得第一個入黎探險既人真係好勁 亦因為佢地,我地先有機會睇到呢D景色

接住,不禁係度諗,呢個山洞入面究竟曾經有幾多人意外失足死左、或者無光源、迷路出唔返去,留下一副無人搵到既骸骨?

呢個咁壯觀既景當然係是次tour既高潮,接住就係結局啦,出口

呢個位係可以影相的。

其實去到呢個位,我覺得啱啱好,有種哇我終於返返地球既感覺 如果再耐D,可能覺得太多 因為頭先實在太暗、太唔真實、太不安(對大自然既恐懼 ),見到洞口,真係會覺得重見天日既感覺係好美好

洞口既世遺標誌
接住,係一輪行山 係自由行既,佢話會行到去瀑布果度,當然要睇下

呢度既landscape都係幾型既,其實有點中國山水既感覺

呢度望落去,見到有個瀑布位,右邊應該就係頭先洞入面見到既入水位
行行下會見到一個咁既小山洞


緊係要練下仙先

呢張相令我諗起一個rpg軒轅劍3既天山山洞果D景

頭先個瀑布太遠啦,有得近距離睇


兩個一齊爆!勁大聲 我影得有D頹,其實真係好快好多水

呢張好似好D

D水係入邊黎


流向果邊

之後我地返轉頭去一個𨋢

手機相 係免費上返去入口既一個纜車,更似一個打斜既lift

上返去後,正如前面所講,已經無shuttle bus,要係微雨中行山路、公路去返Divaca站 5分鐘既車程,一粒鐘既步行

不過,途中都有靚景

呢個位睇到成個路線C既景,山頂一個教堂,下面見到瀑布

之後其他就咩靚景都無 其實段路都幾唔好行,加上落雨,好多黑泥地 所以,建議早D黎,早D搭shuttle走
行左個幾鐘,終於見到火車站,今次搭火車回程 印象中好似係尾/尾二果班車 返到 ljub已經入夜,我地行old town

粉紅色果個有D似澳門果D葡式建築

山上面綠色係城堡,點解開咁既燈
個town其實幾靚

我地仲去左間甜品店食朱古力cake,本新寫4歐左右,食完埋單果時個店員竟然話唔好意思唔記得講個cake加左價,係5.5定6歐,  痴線不如等我痾完先講 明屈

之後返去抖,聽日去碧湖

【歐遊百幾日遊記】夏遊東南歐篇 (二十三)【資訊 + 遊記】DAY 12 Slovenia 斯洛文尼亞 無想像中咁靚既 Lake Bled 碧湖/布萊德湖

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.