【歐遊百幾日遊記】夏遊東南歐篇 (二十六)DAY 13 克羅地亞 Croatia — 係Zadar海中坐semi submarine 半潛水艇睇魚 Review

【遊記】DAY 13 克羅地亞 Croatia Zadar (下 )

上回:【歐遊百幾日遊記】夏遊東南歐篇 (二十五)DAY 13 克羅地亞 Croatia — 絕美的 Zadar 海景 (上)

係Rovinj miss左機會既我地,今次黎到zadar終於有得玩了
Semi-submarine 係克羅地亞海邊城市常見既玩意,相信主打小朋友,但貪得意玩下既大朋友都可以試下,而我地呢D大鄉里當然要去玩下啦。

【資訊】

  • 票價:名城有別,多數90-110 kn /adult
  • 時間:全程約 45 分鐘 ,佢官網話10 AM -11PM 每小時一班,但我地係Rovinj見到佢當日出現左半晝後接住幾日都失蹤,所以覺得都係要撞彩。
  • 登船位置:一個城市有成堆船話去boat trip呀出島果個碼頭位,就會有semi submarine
  • 玩法:半潛艇,即係一半船身係水面;一半水底。上船後,佢會建議你係船面坐,睇海景,因為呢個時候下面係無野睇既;去到近對岸,你就可以落去睇了,佢會駛近D大石一路行,果度會有多D魚聚居,呢個時候你就會睇到魚啦,係度睇幾個字,就會駛回碼頭。

呢個網站整得幾吸引,條片好睇:http://www.semisubmarine-split.com/ 

唔洗講了,登船位一定係左邊遙遠既碼頭度上船 一於去呀

Zadar既海濱好長,我鐘意佢地唔會係咪都加D欄杆,影響觀感


好得意,睇佢船身都覺得target既係小朋友

我地既同行船友

上呀 好似同Rovinj果個差唔多價,100kn左右,姐係百零蚊港紙一個。

出發,呢個就係頭先講既Sea Organ啦

好快已經遠離呢邊岸。

佢既建議係去程回程期間都坐上面睇海景,去到對面岸先落下面睇魚

下面係咁既

點解去程回程係上面會好D,因為其實過程中一路行得好快,D魚都避開曬,下面D水都好多泡泡咁,其實唔會見到咩魚 直頭係咩都見唔到,只會見到綠色既水,間中有D疑似浮遊飛過。

去到對面岸,佢就會慢慢停靠近岸邊既石,果度會多魚好多


埋岸時就會見到石,中間會有D魚游黎游去,唔算好清清到海洋公園咁,但都睇到既
神怪大魚果D物種就唔會有架啦,但會有極多游得極快既魚毛群快速向同一方向閃過
呢度應該唔係好影到,因為游得太快
直頭覺得見到超過一萬條魚 因為無止境地成群閃過,我地見到係咁「哇好多魚啊 !哇勁快啊!!!

而同船既鬼妹細路係完全無反應,好靜 佢呀媽好想搞到佢high d係咁話:look at those fishes! 但佢都high唔起

好似我地似細路多D

放大睇會見到好多魚毛 無錯,魚毛都睇到我地哇哇叫
間中會有幾隻大隻D既魚游過,係真海底睇到魚既感覺係興奮D,少少野都好興奮
我地去到海洋公園水族館一樣係哇哇叫
真係好鐘意睇動物

影左唔多相,因為時間寶貴,親眼睇

我覺得呢個係過下submarine癮,係真海底唔洗游水地睇魚仔既一個體驗,玩得好開心 ,回程仲送張postcard比我地

Review:

如果expect呢程船會睇到山珍海味、奇異大龍蝦、海豚、珊瑚、八爪魚、雞泡魚、小丑魚等海底奇兵同水族館景緻既,我強烈不建議你玩呢個  因為你一定會覺得好伏,片到佢上天花板 而無抱呢d期望既我地就覺得,有魚睇已經達到目地
因為我地見過有人係split定dubrovnik玩,
寫到自己一條魚都見唔到 即時降低期望

另外,如果你玩過浮潛、深潛既,應該會覺得超級小兒科,因為呢度既魚種絕對唔係奇特既靚魚,魚毛好多,中型魚不出十隻,水質都唔係清到爆,你去過東南亞 / 澳洲等玩水既見到既一定會比呢度多,亦會靚好多,呢個只係過下潛艇癮既玩意,但我地之前無浮潛、深潛過,就覺得好新奇好開心

【歐遊百幾日遊記】夏遊東南歐篇 (二十七)DAY 13 克羅地亞 Croatia — Zadar 必吃美食推薦 La Familia

歡迎 Like 我既Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.