【歐遊百幾日遊記】夏遊東南歐篇 (三十一)DAY 15 克羅地亞 CROATIA — Split 沙灘附近美食 + 同當地人睇Croatia歐國盃賽事

【遊記】DAY 15 克羅地亞 Croatia Split 美食 + 同當地人睇Croatia歐國盃賽事

是日呢場賽事期待已久,唔係因為人馬,係因為終於可以身處克羅地亞睇克羅地亞既歐國盃賽事 (利申:非克羅地亞球迷)
感受氣氛 之前幾場次次撞正搭車/去左Slovenia

一出門,今日明顯好天好多,風和日麗,沙灘都風平浪靜,好有夏天既感覺
於是我地決定又落水玩

事前先去食下野先,求其入左間沙灘果頭既美式餐廳,點知勁好味
佢叫做Papa’s,日頭無咩人,裝修幾特別,有好多美國果邊既經典人物既畫像、相片做裝飾,MJ、Obama果堆

https://en.tripadvisor.com.hk/Restaurant_Review-g295370-d8399784-Reviews-Papas_Split-Split_Split_Dalmatia_County_Dalmatia.html
本身只係想填下肚,點知好驚喜

真係要新假期式吹奏下佢:
隱世小店既足料極邪惡爆汁漢堡!脆口重薯味厚切薯角 (仲帶薯皮
得劣質手機相

我自己唔係特別鐘意食burger,但覺得呢個真係好正 成口肉汁,鮮甜可口
連個Brownie都高汁過人

由佢見到熱辣辣既Brownie上面放左個冰涼既雪糕既果一刻起,
我已經知佢一定好鬼好味
一直唔識欣賞brownie既我終於明點解d人會入甜品店叫brownie
超滿足 直頭想再黎

之後落水! 今次真係玩左好耐
仲坐低堆左好耐沙 整左個城堡、堤壩、河流、分流
完勝隔離D鬼仔整果D D沙好幼,好玩
但我地咁樣乾煎就一野黑左好多

一樣,近近地返去梳洗後,就去古城,
琴日已經target左個餐廳睇波
經常去sports bar睇波既我地都知道要早d去,開波後實無位

今日成街都著波衫
我地坐低叫支可樂 佢仲送花生、手環


突然克羅地亞迷出現了

有個捷克佬成身誇張造型黎挑機企係後面舉曬czech頸巾大叫
但大家都好友善,都係笑住互叫下咁
開波前電視台好似香港倒數前夕咁直播各個城市d fan zone情況
好有氣氛,成個嘉年華咁

開波! 上半場入左粒 捷克佬係度微笑

班友好hyper,中場休息時,餐廳播歌,佢地都拍曬手唱
幾好聽佢地D歌 有片:
https://drive.google.com/file/d/0B4GzsqpS4qDBemtUVXpaa2dSSGs/view?usp=sharing

下半場一開波就入左粒
慶祝片:
https://drive.google.com/open?id=0B4GzsqpS4qDBN0cxUC1fR09mbUE

捷克佬已經走左
點知之後被人追返兩粒 成班友頹曬
捷克佬走左miss左贈興機會
最後都係和左 無得睇班友係街狂歡
散水散得好快。

傍晚碼頭有非洲佬表演,呢個位有爆屎渠味,但都仲有好多人圍觀

佢地幾搞笑,表情浮誇滑稽,

大家都好開心

仲請左個細路


Fing

初頭佢行一圈時勁驚佢搵我地,全場得我地Asian
好彩搵細路

最後,就到搵食環節
極餓,於是求其入,入左間等超耐既餐廳
味道正常,無特別深刻既印象

就咁樣結束我地 Split既旅程

準備聽日去 Mostar

歡迎 Like Facebook Page 緊貼最新既遊記及攻略 : 芒果豆腐花遊記
Advertisements

Leave a Reply

This site uses Akismet to reduce spam. Learn how your comment data is processed.