【歐遊百幾日遊記】夏遊東南歐篇 (三十二)DAY 16 Bosnia & Herzegovina Mostar 莫斯塔爾 超好酒店推薦 (上)

【遊記】DAY 16 Bosnia & Herzegovina Mostar 莫斯塔爾

+ 超好酒店推薦 (上)

Mostar 莫斯塔爾 係Bosnia & Herzegovina一個近克羅地亞邊境既城市,由於位於Split同Dubrovnik中間,而且早前做research時發現左呢個優美既東南歐小鎮,於是係去Dubrovnik前,我地決定先去一去Mostar!

呢個地方係我期待已久既行程

落車就見到

Mostar有自己既貨幣,但佢接受歐羅付款,所以去到毋須為唱錢等事苦惱 。佢既物價好低,係其他城市既一半,以雪糕為例,半歐就有交易喇! 住宿更加係超平又高質,黎到好應該留宿一晚。

從Split乘巴士到達Mostar車站後,我地前往古城。途中會經過唔少清真寺同佢地既塔

白雲翩翩

巴士站同古城有段距離,約十五至二十分鐘路程,古城以外既範圍比較殘舊,感覺亦有點窮困,我有朋友係度遇到扒手 (幸好得個扒手失手 ),因此黎到最好加倍小心

不過沿途(越近古城區越多)都有唔少手信店,已經見到一/兩歐磁石

一到古城,已經被呢個小小既東歐古鎮深深吸引住

首先放眼望去,往下既石粒斜路路段兩旁都係由石頭、草木搭建而成既店舖,呢種灰沉既木色同石頭顏色真係好有味道 ,店前門口都坐住出黎吹風、傾計既店主,而佢地賣緊既係民族色彩極濃既民族風花紋袋、玻璃燈、金屬器皿等,成陣東歐風味傾瀉出黎

我以前心目中既東歐

剛巧有旅行團經過,於是街道變得非常熱鬧,成個墟市咁。

都未夠,重點係Mostar既舊橋 ,舊橋係半空懸掛住,連接住兩邊既熱鬧街道,好有架勢 ,底下仲有條清澈、碧藍既河流流動著,整個古鎮生氣勃勃

沿住石級,經過又斜又滑既舊橋。佢真係好滑好滑,行親都差D仆街

過左橋,路過呢個小瀑布,

行不足50米,就我地到達今晚既酒店——Pansion Nur。
超!級!推!薦!!!
努爾磐斯尼別墅酒店 http://booking.com/f2929eb505430d
每人只須比 135 hkd 一晚

佢係booking.com上面得分9.6,絕對對得起呢個罕見既高等評價 ,佢亦係我地係整個旅程感覺最完美既住宿——平、乾淨舒服、近、完美服務 。佢唔係豪華既villa,唔係歎世界果D,佢最正既係屋主

一到達,屋主已經好親切地招待我地,仲話知道今日好熱,於是去沖杯凍飲比我地。 賓至如歸 都未夠,佢介紹完間房,仲帶我地去pantry打開冰箱,展示佢為客人準備既自製雪糕!! 自製!! 一入黎就受到「二連擊」,我地已經就黎企唔穩 ,點解咁好架!! 如果你逼我講,成間野唯一講得出既「缺點」係唔近車站,但呢個全因佢既優點,就係因為佢係正古鎮入面,先會遠車站 ,不過呢點比起所有優點,真係微不足道 。但最屈機既係 ,屋主竟然主動提出check out後車我地去到車站 !!免費!! 主動!!! 最後一個「缺點」佢都剔除埋,真係無得彈! !!完全係受寵若驚!!!!!

黎到 Mostar,一定要住完美既 Pansion Nur
用左一陣子定驚(其實settle down)後,我地就出發啦!

【歐遊百幾日遊記】夏遊東南歐篇 (三十三)DAY 16 Bosnia & Herzegovina Mostar 莫斯塔爾 回望 Stari Most 古橋的歷史 (中)

【歐遊百幾日遊記】夏遊東南歐篇 (三十四)DAY 16 Bosnia & Herzegovina Mostar 莫斯塔爾 漫遊古鎮 享受一餐波斯尼亞菜,夜遊Mostar (下)

歡迎 Like Facebook Page 緊貼最新既遊記及攻略 : 芒果豆腐花遊記 

 

Advertisements

Leave a Reply

This site uses Akismet to reduce spam. Learn how your comment data is processed.