【住宿攻略 + Review】Dubrovnik, Croatia 克羅地亞 杜布羅夫尼克

【住宿】Dubrovnik, Croatia 克羅地亞 杜布羅夫尼克

呢篇係解決住宿位置選擇既疑難,以及Review兩間我地住過既Apartment。

到達Dubrovnik,已經係差唔多4點,係Dubrovnik我地住左兩晚,住左兩間Apartment,原因係第一間中大伏,於是第二日轉左第二間

攻略

住宿方面,根據經驗,最理想係住古城入面,因為呢度所有野都係係古城果頭做,住其他位就要日日搭車,無咁方便,住古城可以行行下攰就上去抖下,抖完晚上又出黎行下
當然,住古城入面比出面貴,但未去到威尼斯、Amsterdam咁誇張,所以覺得都住得過。
至於位置,只要係城牆內既古城範圍,其實都係好方便,無話邊個位最靚。

住宿體驗

至於我地既住宿體驗,首先,第一間係 Apartments Majkovica(馬克維卡公寓)千其唔好住!我唔知點解會揀左,剩係記得見到地圖上面,間酒店出面有個巴士站又有沙灘,無咩深究就覺得應該方便就book左。點知,原來要行好多樓梯先到,唔係特別近大車站,又唔近古城,出面果D灘都無乜特別(加上玩到呢站,已經去夠沙灘了)其實呢d都小兒科,戲玉在後 。佢而家得5.8分,但我訂果時應該無咁低,否則應該唔會揀 但都想記下有幾伏。

http://booking.com/22ef2802e915227

D相睇落幾舒服的 但住落係最唔舒服

到左後,爬左好長既樓梯終於到門口,我地禁鐘,跟住,有個大大舊、咬緊支煙、成身男人除既佬睇落未ready好既款,慢慢行出黎開門接我地,果下已經心諗,咁古怪 之後佢話,佢裝修整緊間屋(個廁所廚房),之前唔記得左今日有客,所以無同cleaner講,但佢呢幾日放假,所以而家間屋未ready,但係咁話唔緊要,佢會搞完同clean埋,我地玩完返黎就’everything’ll be ok’,講左幾次呢句。講完一輪,咁我地就放低行李,係咁依行個圈望下間屋。佢有一條走廊,兩個廁所,一個廚房,兩間房,應該係shared apartment黎,但因為得我地兩個客,變相成間都我地既

其實屋主本人係幾nice,又比凍可樂我地飲又keep住係咁講下野咁。我地行一圈時,間房見到未鋪床,廁所一個就整緊,好多工具放係度,用唔到;另一間就似整到尾聲,只係地面好多裝飾完既沙石呀咁 。至於廚房,入面張食飯枱反轉左放左堆唔知咩機呀工具咁,成間屋都有灰塵feel,我地相信返到黎會唔同曬啦。

點知,晚上返到黎 ,係,廚房張枱整返正常位置,d工具就係咁依收埋左,但都係四圍灰塵咁 ;最大問題係兩個廁所個地面d沙石仲係度 !!無清走!!shower地面又黑灰又沙石溝d地面既水積咁 ,勁嘔心,廁所面又有層灰呀石粒,臭臭地,總之慘過去公廁/shared bathroom。我唔知有無記錯,可能洗完水缸定乜,水喉d水出黎都黃黃地咁 ,總之我剩係去個廁所已經想死,唔洗講沖涼,果晚我係唯一一次係歐洲無沖涼既一晚,嘔心到唔知點沖,直頭覺得沖完會烏糟過唔沖!不過!我地要係度住兩晚!!點算!!

網上圖片,佢本身已經好窄,想像入面仲要好多石仔沙粒黑黑地

圖中果個soap,我果日都仲見到!!邊有人用?!

返到房,雖然床係鋪好,但諗起係咁lae fea既屋主佬親自鋪,加埋頭先所見到既,就覺得硬係唔係好乾淨咁,成晚都坐立不安咁。 特別諗起聽日要係度刷牙洗面沖涼 因為太伏,同埋呢兩晚係我地最後兩晚一齊歐洲trip,唔想住得咁唔舒服,破壞整體感覺同回憶(開頭同結尾好重要 ),於是當晚我地就上網搵酒店聽日搬

我地係hotels.com搵酒店,因為有1晚hotel reward未用 今次就搵古城入面既,平既都唔多,最後我地揀左間六、七百蚊既,再用hotels reward果3xx抵返,即係變左一晚3百幾蚊,每人比多百幾蚊就可以住返好D 即刻覺得人生有返希望 諗起聽日可以沖個靚涼訓個靚覺就好感動

至於呢間野,我地未比房錢,但會聽日一早就比曬兩晚錢之後搬 豪比佢 (諗過覺得有D太易放過佢,都唔值得比錢

第二日住既,我地覺得舒服得多 有廳、有房、有私人bathroom,重點係乾淨 (雖然見到有幾隻螞蟻 ) 接我地既屋主呀伯都非常慈祥

密涅瓦公寓 (Apartments Minerva) 

https://zh.hotels.com/ho525652/mi-nie-wa-gong-yu-du-bu-luo-fu-ni-ke-ke-luo-ai-xi-ya/

位置方面,係正old town入面,基本上無得彈架啦 都係要上樓梯,但成個old town都梯,無乜野 仲有無之前果間行咁高

總之,係由地獄上返人間或者天堂既感覺!

見到香檳色已經覺得好舒服

最重要既浴室廁所

廳,正正常常,一入黎有得坐下抖下 有冷氣就夏天必要啦。

搬屋之後就開心出發

歡迎 Like Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.