【歐遊百幾日遊記+美食】夏遊東南歐篇 (三十八)DAY 18 Dubrovnik, Croatia 克羅地亞 杜布羅夫尼克—— 搬屋記 + 美食推薦 Taverna Otto

【遊記】DAY 18 Dubrovnik, Croatia 克羅地亞 杜布羅夫尼克 —— 黎到一定要上去行一行既古城牆!!(上)

—— 搬屋 + 美食 Otto Taverna

SMM-6063.jpg

早上,首先我地執好行裝,拎定錢準備上去屋主間屋磅水,之後就搬去住新Apartment 點知…佢唔係屋企,只有佢媽媽係屋。

一個超級好客既屋主啊媽

佢媽媽比較老,亦完全唔識英文,我地一句英文、佢一句克羅地亞文,雞同鴨講 結果我地要手語同寫字(數字)溝通

得出既結論係,佢個仔出左去,應該過一排先返黎,唔知佢想講二十分鐘定兩個鐘定乜 我地想隊D錢比佢呀媽就走,但佢呀媽就唔敢,於是想我地等下,仲邀請埋我地入屋 於是就無啦啦深入當地人既屋企

我地去左佢既露台度坐,佢媽媽非常好客,一黎就問我地想飲咩,我地話水,之後佢拎左支酒出黎 仲要係支好似放左好耐既酒 感覺好似好勁咁 不了 一見到就好驚訝地揮曬手話nonono 但發覺全世界既啊婆都係一樣,你越話唔洗,啊婆就越鐘意隊比你,驚渴親你,克羅地亞既呀婆亦唔例外 我地fing曬手話 nonono,佢就去拎杯,狂: 由於我地空肚,又見D酒好似好勁咁,就當然唔敢飲,但佢都好堅持要比D正野我地試

香港既呀婆鐘意逼人飲水/茶,外國既呀婆就鐘意逼人飲酒 之後佢就倒左D比我地 仲放支野係度比我地添飲 最後有無飲過,我都唔記得

望個樽面,唔知同Dalmatia有無關,一search就彈左Croatian Wine出黎,可能係當地既特色酒,所以佢力推比我地

坐多陣後,因為唔想浪費時間,但我地又好肚餓(已經搵定左一間餐廳,係正下面),於是我地就同個婆婆示意,我地要食野,會放曬D行李係度(比D信心佢),食完再返黎找數 於是,我地就落去食飯

美食 Taverna Otto

今次呢間叫Taverna Otto 既餐廳又係正野黎

佢全Dubrovnik排名第15,位置並唔係古城入面,叫做係近車站果頭,果時揀呢間去係因為佢近我地住既位置,夠方便。

佢可以坐出面或者入面,我地當然揀有冷氣又唔會被蚊針既室內啦

(室外=吸曬外國人D二手煙

以下既相將會好劣 餓到傻左。

個廁所牌幾得意
成個室內位得我地 好似包左場咁 環境好舒服,但真係超餓

首先,我地叫左個ribs (影到好災難)

極!好!味! 對於極餓既我地黎講,簡直係地獄一野被扯左上天堂 仲有d薯角 仲有果個醬!果個醬!記得好好味!(已經唔記得咩味

詞窮了

另一個我地叫左pasta,係羊肉醬味既闊麵

又係好濃味 同埋好特別,未食過羊肉醬

實際上既味,我已經唔係好記得,但記得果時我地講,呢間餐慶絕對可以列入半年內既試過既頭五位

食完滿足既一餐後,我地就上返去,屋主已經返左黎 於是我地拎返D野,磅水同道別,佢有問點解咁早走,可能因為佢兩個真係幾nice同好人,我地並無講到因為間野,話因為我地轉左plan 而佢又真係照收兩晚 之後我地就出發搬去古城了

SMM-5709.jpg

今日既古城景——湛湛藍空、雲淡風輕,同琴日既氣息差太遠了

SMM-5710.jpg

城牆正面

SMM-5712.jpg

SMM-5716.jpg

SMM-5715.jpg

SMM-5736.jpg

今日天氣

首先,搵左新屋先

SMM-5725.jpg

係城入面既中高層,都花左D時間搵,上到頂又落返去

因為只有號碼,無好明顯既標記。

SMM-5720.jpg

SMM-5718.jpg

搵左一陣,終於成功check in 放低曬野就衝出去玩
關於呢次住宿既資訊,請看:
【住宿攻略 + Review】Dubrovnik, Croatia 克羅地亞 杜布羅夫尼克

下一站係行城牆

【歐遊百幾日遊記】夏遊東南歐篇 (三十九)DAY 18 Dubrovnik, Croatia 克羅地亞 杜布羅夫尼克—— 一定一定一定要上既城牆!!!


歡迎 Like Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.