【遊記】Day 6 意大利：佛羅倫斯 The Mall Outlet 行程、攻略、報告

上篇： 【歐遊百幾日遊記】意大利（北部）篇 （十四）DAY 5 佛羅倫斯市內一日遊 行程（下）— 老橋、Michelangelo廣場、逃票終於有報應、共和廣場

是日行程係去Outlet 幫母親買袋 ，呢間 outlet 就係位於距離Florence 50分鐘車程既The Mall Outlet啦 。因為純買野，就懶得帶相機啦，全部手機相/好少圖。

呢個Outlet入面既品牌唔廣泛，睇落都係貴價名牌，折完都可能過千，所以窮遊以行個街睇下有無野啱既心態去既就唔太建議啦，因為唔似日本果d 大outlet咁有廣泛既品牌選擇、可以有機會五百蚊有堆收穫 而去一去都要十幾歐車費同搭車既時間，成本唔低。但如果係下定決心要買件名牌袋，尤其Gucci/Prada 既，呢度可以一戰啦。 因為折得都幾勁下。我既經驗係，退完稅，買返黎既袋係原價（標示價）既35折！

交通 及 攻略

根據當時既Research，最方便既方法係係Florence 火車站隔離既巴士總站坐The Mall既 Direct Bus，直通車直達啦。 如果自己搭就要搭火車再轉巴士咁，價錢就無研究，不過direct bus來回先13歐，如果自己慢慢搭去平d既都唔會差得幾多啦

巴士站個位打左星星，係個火車站隔離，係停車場入面既，售票處亦係入面。如果想做第一批客既，建議日前先行一行，探個路先。
其實都可以上官網買車票，不過就會每張貴 0.5 歐，小問題啦

我係 5月頭去既，無預先買飛，係當日提早少少去買票，都買到最早果一兩班（唔記得係咪第一架車了）9:40 AM到左，距離開門時間10AM有一段時間，所以係出面等。

點解我咁早去呢，因為睇台妹遊記講到要入去搶咁，因為驚唔早d去就無曬靚既貨，所以我就跟佢地建議搭 8:50既車，9:40到左。

係Gucci外面等開門既人並唔多，幾個人，未去到要排隊，入到去都唔見有D咩限量野係個個衝過去買，個人覺得如果買Gucci既未必要捕住佢開門咁入，因為間店好大，而多數既人都係去等Prada既。Prada果邊就好似真係幾多人下，唔係長龍既，但都有一堆人係門口咁，而且D台妹韓妹係一落巴士就跑過去 真係跑的 係咪真係有野搶我就唔清楚啦 因為我行完Gucci先去Prada既，我去到當時情況就正正常常，無咩特別。

Direct Bus 班次：

官網資料：
https://www.themall.it/en/outlet-italy/visit-the-mall-firenze/direct-bus-service.html
Direct Bus係一架幾靚下既雙層巴士，收費每人來回13歐。

官方圖片：

情況

以下全部偷拍，所以亂曬大龍
架車幾靚幾舒服，不過坐到最後5-10分鐘坐後面既強國B嘔 頂，臭到仆街，全程掩鼻
10點開門，輕鬆進入 人唔多，間舖都幾大

Gucci 退完稅後見到大部分皮袋折實價係三折/四折左右，兩萬hkd都可以變六千hkd，真係幾抵玩 。

款式方面，因為我完全無追蹤開呢d牌子，所以唔知邊季打邊季 ，係咪d好舊定有無新款呢我就唔識，但幫母親買黎講我都揀到三四個款啱心水既 ，所以我覺得都有唔少唔錯既選擇，唔係得返D怪款果d。以下既偷拍相係影比母親睇的，所以影既款都skip曬D後生款。

至於對20零歲既我黎講，Gucci呢邊既款都有D Young d 既，如果後生既想買個黎返工用既，應該都有既，望落young d 既有呢d，簡簡單單。

因為呢度入到間野唔知點解就收唔到data ，個wifi又斷下斷下咁，加上唔比影相，所以要同呀媽live ‘online shopping’既我又要偷拍又要出出入入間Gucci黎同佢whatsapp （要狂經過門口好似bell boy咁開關門個staff ），勁奇怪、勁鬼祟 。

除左袋，呢度都好多銀包呀果d，我立下眼都唔錯既，正路款啦，要買既應該點都會揀到個既。

另外都有時裝既，折頭幾多就唔記得了，因為完全無諗過買 。

最後幫母親買左個原價2萬蚊左右，折同退完稅5千幾6千蚊既袋
當然唔是我出錢啦，我只係出力
仲比左極大個紙袋我 誇張到。 去到市中心真係好驚被人搶野

Prada既折都應該係咁上下，D款普遍好似多d 後生d既款，不過我無咩影相，因為已經幫呀媽買左，唔洗再影黎send比佢，剩係影左堆我覺得好醜樣既黎同fd笑

帆布袋仔賣勁貴

其他品牌就少人好多啦，主要都係攻完Prada/ Gucci既人順便黎睇下咁，間店都細間D，不過都係貴野啦 窮J表示得個睇字 最後我地用左兩個鐘內都行曬呢個outlet，可能因為其他店都無仔細睇，行個圈就走，無野行到係餐廳坐住等車到  之後就入返Florence食野 所以呢度預返一個上午到一點左右就差唔多