【歐遊百幾日遊記】【酒店報告 住宿資訊及攻略】意大利(北部)篇 (十七)DAY 6 La Spezia 拉斯佩齊亞 – 五漁村住宿之選 及 中伏住宿包膠

template14.jpg
因為聽日既行程係五漁住,我地無住係村入面既打算,於是就住係同五漁村屬同一火車路線既 La Spezia,去五漁村相當方便,同時又可以避開到住係遊客區入面既昂貴住宿費,黎五漁村,我都推薦住La Spezia,不過絕對不推薦我今次住既呢間酒店,因為實在太伏了…以下係是次中伏體驗既報告…

 

五漁村因為係著名景區,村內酒店唔少都相當貴,而且假如有抵玩住宿既都好早就已經被人Book曬,咁點算呢?其實唔一定要硬食昂貴住宿既,除非你有伍漁村情意結,一定要住係村內,否則你絕對可以放眼落同五漁村各站屬同一線既La Spezia 拉斯佩齊亞  — 10分鐘內既火車就到第一條村 Riomaggiore。同一道理,其實住呢條路線既另一端總站 Levanto 亦一樣得。住係呢兩度,普遍搵出既住宿可以平近一半架!以下既遊記同報告係講我地係La Spezia住宿既體驗。而係五漁村呢頭預要玩幾耐、住幾晚,請看下一篇。

黎到La Spezia,我地(本來)住既係 利亞 2 號旅館 (Via Privata Antonio Bertoloni, 5),不過最後我地無住過呢間,住左第2間。[sosad] 因為去到先知佢唔知裝修定點,屋主幫我地 book左另一間酒店。:O :O

話說佢又係類似Airbnb Whole Apartment果種,要同屋主聯絡check in果種。點知去到果時,打比佢,係個唔識英文既意大利Auntie接,佢係咁講一堆意大利文,之後狂講 Via Roma 139! Via Roma 139! 唔識意大利文既男友鬼知佢講咩[sosad] 我地估大概係講緊街名,search一search見到Via Roma 139個位離 利亞 2 號旅館個位並唔近,而我地都勁攰。#ng# 接住個女人類似問我地識唔識去,當然打死都話唔識去,焗佢過黎車我地過去[sosad] [sosad]

於是佢就派左佢個女黎車我地#yup# 本身其實有d躁,因為去到先同我地講要轉酒店仲言語不通咁,不過好彩佢個女係英文幾好既[sosad] 而且幾nice#yup# 揸車果陣會聊下我地講野,問下我地會去邊玩果D,仲話轉完既呢間酒店會包早餐,聽落唔錯咁(雖然結果係個好頹既早餐,第2朝都無再去食)所以之後我地都無咩野。

轉左之後,果間酒店係叫 Hotel Astoria,所以以下既報告,其實係Hotel Astoria 既Review黎。佢個位置其實都算唔錯,7分鐘到火車站,行起黎都算係大街,會好過本新個位(地圖上近車站但其實要兜路同有d僻靜)。

順便講一講La Spezia,佢最旺最似中心既街係 Piazza Giuseppe Garibaldi 果頭,橙色圈住果條大街


星星篤住果度係我地住果度,位置係唔錯。不過服務同設備就……:o)

首先個reception係個西面呀叔[sosad] 勁惡個樣[sosad] 好有大爺既感覺。果時我地想電視睇波但唔知邊個台,成300個台[sosad] 於是男朋友就想落去問佢,一出走廊就見到佢經過,男朋友話佢叫佢,想問佢,但果條友好似聾左咁掂行掂過[sosad] [sosad] 勁怪[sosad]

但最大問題係,然後成間房勁舊,殘舊到極點[sosad] [sosad] 而家上booking.com 睇,d房唔知點解好現代,可能裝修左?因為我地果時係咁樣:(網上圖片)


d地板、傢俬,完全係70年代[sosad]

張椅[sosad] [sosad]

個bathroom先係極品,


old school到[sosad] [sosad] d鬼佬影得好衰,但個浴缸…真係咁樣,


見到真係唔多想沖涼[sosad] 但都要沖:o) 一開水,沖下沖下,覺得d水好似開始變黃色[sosad] [sosad] :o)
頂,都唔知燈光問題定個浴缸d生鏽色之下既視覺效果定點[sosad] 總之就係一個感覺越沖越污糟既涼[sosad] [sosad] :o) 仲要漏水,沖下沖下成個地面都水浸咁[sosad]

不過而家上d酒店網睇,d相係咁


差極遠[sosad] 都係果句,唔知裝修左定點:O 因為其他大堂果d相都係同果時一樣既,所以係無認錯酒店。有冒險精神既可以試下[sosad] [sosad] 話唔定有新房住[sosad]

而翌日既早餐,就係好多頹包、頹果醬,果汁都係好頹,真係麻麻地,無咩特別。

所以呢間酒店,以我地既體驗黎講,唯一可取就係位置OK,但其他野都係差差差。

是日晚餐,因為已經成9點幾,四圍d野都關得7788,得間pizza 店開緊。其實佢已經準備關[sosad] 入到去指唔同pizza名都無[sosad] 因為已經收起曬d料[sosad] 於是個後生仔就用僅餘既材料整左個pizza比我地[sosad]
印象中都幾平,4-5歐有成個大圈,飽到痴線[sosad]

另外,呢個城市既人好似未見過Asian咁,一路行,所有路人都由街頭開始望到街尾,行到邊就被人望到邊[sosad] [sosad] 不過呢度d店員都幾nice#yup# #yup#

返到去,訓個覺聽日就去期待已久既五漁村^3^ ^3^

(待續)
………………………………………………………………
歡迎 Like Facebook Page 緊貼最新既遊記及攻略 : 芒果豆腐花遊記 
Advertisements

Leave a Reply

This site uses Akismet to reduce spam. Learn how your comment data is processed.