【遊記】Day 7 意大利：五漁村 Cinque Terre — 第二站： Vernazza 韋爾納扎

上篇: 【歐遊百幾日遊記】意大利（北部）篇 （十九）DAY 7 五漁村 Cinque Terre — 第一站： Monterosso al Mare
上一條村我地吹完海風，村都無望過 ，我地就出發去第二個站 ，

搭車去 Vernazza 韋爾納扎 。
一落車就覺得Vernazza就真係心目中既五漁村 ，

呢個係從街度望上去火車站 好鐘意佢呢個高架式車站，特別有風味 。

由石路鋪建而成既斜路，夾係兩行黃色橙色既意式屋仔中間，地勢時高時低，街上一片熱鬧 ，陽光灑係一片金髮人海上，人人都拎住杯Gelato一路行一路睇風景，成陣歐洲風情一野爆出黎 。

包圍住呢條路，就係一座座梯田山，山上有d農屋仔，有d人行緊山咁。

黃金小狗

沿住街道一直走到盡頭就係碼頭啦 ，


呢度超熱鬧，由水泥造既堤壩上坐左唔少遊人 ，

係石壩上面既風景好靚，

村屋建築、梯田、教堂、小灘、漁船映入眼簾，有地貌有建築既景正中我所好。

呢度有個沙灘仔，有人係度玩水，不過比起頭先Monteroso al mare，呢個灘仔真係意想不到地多人過頭先果個沙灘 ，明明呢度似碼頭多D，點睇都唔似個玩沙玩水既地方 。

真係幾多船仔

呢度既海都靚，湛藍色，間中會有一艘艘戴滿遊人既遊艇泊岸、離岸。

我地係呢度逗留左好一段時間，瘋狂影相，

仲叫鬼妹幫我地影張合照…

點知佢完全影唔到重點（d屋仔） ，
於是都係自拍算 。

另外，當然要買返支Gelato啦

d光爆到

Vernazza呢度超多人，間間餐廳都爆曬 ，唔係一般既熱鬧 ，想買d野食都要排返咁上下隊先，於是我地決定下一站先食野。 （已經好餓下 ）

見過Vernazza山上影落去既景，我都想睇下 ，講講下終於成功令到男友同我一齊上山啦！
網上示意圖：

點知 ，行錯路 ，我地見梯就上，結果去錯入口，行左上教堂果條堀頭路… 係唔會通往到去果個觀景位，
剩係睇到：

咩料 成道氣已經洩左，都唔洗指意可以重新行了 ，
我都唔敢chur佢同我再落去再行過了…
於是帶住遺憾離開

因為我一條山徑都無行過，無實戰經驗，對於邊D路（無買pass）要比入場費，邊D路最值得行同點入呢方面，我就做唔到包膠了 。
但係想睇景既記住唔好好似我地咁白痴行呢條梯入

同埋如果想影到靚相就可以research定咩鐘數去D光最理想啦，
因為有D人話佢地上到去背曬光，咁就無咁靚啦

byebye Vernazza

（續）
【歐遊百幾日遊記】意大利（北部）篇 （二十一）DAY 7 五漁村 CINQUE TERRE — 第三、四站： Corniglia 及 Manarolla 中伏午餐