【歐遊百幾日遊記】東歐四國篇(奧捷斯匈)(一)Day 1 抵達布拉格 機場出市區交通 酒店住宿攻略、酒店報告 — Grandior Hotel Prague 、Central Station Studios

template25.jpg

第一日黎到Prague係晚上,由機場落機一刻,有d以為去左韓國,因為每個路牌都有韓文,亦見到唔少韓國人,睇網上睇歷史又唔見有相關殖民史,後來睇到一段唔知係咪真既解說,係話當年有套韓劇係係布拉格取景,於是吸引左大量韓國人前往旅遊…移民…韓國旅客多到要整韓文路牌…仲有一個解說話捷克同南韓既貿易往來相當緊密, friend到帶動埋捷克既旅遊業…以上係咪真既我都唔太清楚了,反正真係幾多韓國自由行同團係度出沒。

離開機場後,上左機場巴士,關於機場巴士,比起其他地方5-10歐既機場巴士車票,呢度真係歐洲入面既良心價。


機場交通

布拉格機場出市區既公共交通方法主要有兩種:
一、巴士 + 火車
32CZK 12HKD
中途起碼要係城外轉一次車/地鐵
全程1小時15分鐘左右
5-10分鐘一班
螢幕快照 2018-04-15 下午11.47.15.png

二、Airport Express 其實都係巴士 只係唔洗轉車但「貴D」既巴士
60CZK 22HKD
直達中央火車站
全程1小時
10-15分鐘一班

結論:只係差果十蚊,仲要貴完都只係香港機場巴士價,緊係揀方法二啦!!!

溫馨提示:車票可在車上買(只限CZK現金)
如果無CZK想碌咭既要先在機場內買車票哦!


晚上到機場,出機場既過程中,已經一片漆黑,但隱約見到機場附近一帶既樓都比較現代化…舊區公屋外型咁…直至近布拉格中心一帶,終於見到好靚既歐洲建築!不過因為天黑,其實唔算好清楚。

今晚我地住既酒店係一間高質酒店,叫做 Grandior Hotel Prague,呢間連自助早餐既五星級酒店係當時既一月入面一晚連稅只需519HKD!!(不過我睇過,除左1、2月,其餘多數要一千蚊)。布拉格物價低,所以我地決定係度不妨住好D—房大、廁所靚、包自助早餐。第一晚東歐之旅就舒服地展開了。

順道係度做個布拉格住宿報告:

布拉格住宿攻略 及 報告

布拉格好大,應該住邊呢?
todopraguemap1.jpg
布拉格住宿,最好就選址老城區,因為城堡區算比較偏遠,你只會去一次,無必要住入去。最理想就係老城區既老城廣場同中央火車站中間一帶——既可步行到景點,又可步行往返中央火車站搭車走,到步時都方便D!

不過,其實古城同中央火車站都有20分鐘既步行距離,所以近得古城廣場就唔會太近車站,近得車站又唔會話勁近古城中心,點算呢?我認為近中央火車站係比近古城好,因為主要都係行李顧慮,你出去玩既話上落電車、行黎行去都方便,但行李係身時就路程越短越簡單就越好啦。不過,如果你到布拉格或離開布拉格根本就唔係經中央火車站(e.g.搭長途巴士)既,你就直接住近古城廣場一帶啦~仲有如果你打算係呢個城市留三、四日既,咁都係住近古城會方便D。呢一帶範圍好廣,真係好多選擇!

而係布拉格既四日三夜入面,我地住左兩間酒店,兩間都舒服乾淨,相當推薦:

一、Grandior Hotel Prague 布拉格格拉迪爾酒店 

螢幕快照 2018-04-15 下午11.55.46.png
圖片來源: Hotels.com

酒店詳情:https://zh.hotels.com/ho447952/bu-la-ge-ge-la-di-er-jiu-dian-bu-la-ge-jie-ke-gong-he-guo/

Prague物價低,當然要襯呢個機會住下靚既酒店舒服咁訓個靚覺展開行程啦~而呢間酒店都無令我地失望。

設備、環境:
佢係一間係五星級酒店,所以設備果D點都齊全,有酒店大堂、有五星級質素既房間,浴室亦有浴缸,房間同浴室都相當寬闊,整潔乾淨,住得好舒服。

價錢:
1月份可能係淡季,一晚一房連稅只需要519HKD,真係相當抵——我睇過正常四至十月係要1000HKD以上一晚架!所以一、二月黎東歐玩,真係可以住好D啊

呢個價錢佢亦包自助早餐,環境、食物質素都幾好,係個唔錯既住宿選擇。
SM-6806.jpg

位置:
酒店附近並非市中心,但都係大街而非小巷。
呢頭有找換店、有九點都仲開緊既手信店、餐廳。

另外,呢間酒店個位唔算特別出眾就腳便利,但又唔算唔靚:
距離我視為古城入口既火藥塔10分鐘步行路程—唔算遠
距離中央火車站 15分鐘步行路程;6分鐘電車路程—一出門口就有電車站
其實都算正常,但當然,以1000既價位你絕對可以搵到更近火藥塔、更近火車站既良好住宿!
所以不妨搵多幾間比較下。
螢幕快照 2018-04-16 上午12.03.09.png

總結黎講,呢個係間舒服、美好既五星級住宿~可以一戰!

另一間我地住左兩晚,係間平D既酒店,住落都幾好!叫做Central Station Studios

二、Central Station Studios 中央一室公寓 (點擊到酒店詳情)

26bccdda_original.jpg
圖片來源 官網:http://centralstation.cz/

酒店詳情:https://www.booking.com/hotel/cz/central-station-studios

呢間Studios 位置其實可以話幾方便,對我地黎講都好抵住,價錢一房(連浴廁)每晚只需二百零蚊,即係每人百零蚊晚,真係幾抵玩!住落都幾舒服,比五星級酒店有家既感覺。

設備、環境:
佢比較似民宿,傢私果D基本上都係典型歐洲民宿——ikea產品,唔會太有酒店既感覺,房間好寬廠,真係幾舒服,幾有返屋企既感覺。雖然話民宿咁,但基本上除左Check in check out外你都唔會見到屋主,所以唔會有回房後要social既問題。另外,屋主幾友善,會同你介紹下點去景點果D資訊~

我地住左間雙人房,正正係上圖既2號房,不過佢呢間個雙人床係兩張單人放埋一齊,所以會有條(會感覺到既)罅係中間。

好重要既係,佢有舒適既獨立浴廁(我好憎shared bathroom),而佢浴廁方面都好,正正常常,舒服企理。因為係Studio,佢仲有個開放式房內廚房、食飯台。

不過,當時我係hotels.com上面訂既,但而家上面似乎無左呢間揀,而booking.com上既幾間房係房型相對細小既房間,有興趣的話要留意下房間細節啊~

價錢:
一月黎住真係抵——一房每晚250HKD,百零蚊舒適地解決住宿,真係唔錯啊。不過夏天就無咁平啦——平均一房4XX HKD晚,唔算平又唔算貴啦~

位置:
呢間酒店同火車站距離好近,只需5分鐘就行到,所以你搭火車、Airport Express黎或走既,呢個酒店位置就方便啦!唔洗拎住行李搭黎搭去、行黎行去嘛。
螢幕快照 2018-04-16 上午12.45.25.png

去景點方面,基本上步行距離近火車站,就唔會太近Old Town。初頭鐵腿既我地日日純步行遊走,行路黎講佢離old town都幾遠,要步行20分鐘左右,真係幾攰,不過你絕對可以搭車出去,出面轉個彎就有電車站可以出到市中心,車程6分鐘左右,車費就正常歐洲價 24CZK~1 EUR~8HKD一程,住呢度既就絕對唔建議行路往返,初頭大鄉里出城唔識電車買飛所以係度無搭過電車,都幾遺憾(同攰)啊。

總括黎講,以百幾蚊一晚黎講,呢間真似好抵住!!


第一晚因為settle down後已經幾夜,我地都唔打算行太遠,就算係求其地去左酒店隔離既一間仲未收既餐廳晚餐,叫做 La CorteLink),氣氛唔錯,燭光晚餐。

食物質素就正正常常,就係扒、薯條。以下既相影得比較……講明…唔係我影既哈哈 。
IMG_20160114_215432.jpg
IMG_20160114_215438.jpg
無特別勁好味或中伏既印象,但都每人十幾歐架。

我地Exchange開頭呢個東歐Trip 成日入餐廳食,仲要係無特登揀過咁入,食方面research得唔充足,於是洗費方面都幾高,但又唔係真係食到好精彩既食物。所以之後既Trip我地都好揀擇,係食物方面好好控制返個budget,珍惜同善用食好野既quota,睇定似係好好味既先入,所以你會見到後面d trip會多d美食推薦哈哈,今個trip就無咩食神了~

飯後我地係附近既手信店行下——好多韓國店主,手信店好鐘意賣呢種娃娃…
IMG_20160114_222731.jpg

Creepy得黎其實做裝飾都可能唔錯哈哈哈~

因為夜,其他店都關左,於是我地都返去休息,好好期待聽日既古城之旅!

下篇:【歐遊百幾日遊記】東歐四國篇(奧捷斯匈)(二)Day 2 布拉格 老城區 Old Town 一日遊(上)古城建築的一、二事;詳說天文鐘、舊市政廳登頂資訊分享


【起步必看】東歐四國行程懶人包: https://goo.gl/Q37F3F
歡迎 Like Facebook Page 緊貼最新既遊記及攻略 : 芒果豆腐花遊記 

更多遊記:芒果豆腐花遊記網站 https://mangotofufa.wordpress.com/

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報

 

Advertisements

Leave a Reply

This site uses Akismet to reduce spam. Learn how your comment data is processed.