【歐遊百幾日遊記】東歐四國篇(奧捷斯匈)(二)Day 2 布拉格 老城區 Old Town 一日遊(上)古城建築的一、二事;詳說天文鐘、舊市政廳登頂資訊分享

template26.jpg

一早起身,我地先食個自助餐。呢個自助餐係係個幾現代、簡單、光猛既環境,同多數扮豪華既五星級酒店設計有d唔同。#yup#

SM-6808.jpg因為當時無諗過返黎真係會打遊記,所以無咩都影一餐作紀錄,剩係影左我地拎左乜。[sosad]SM-6803.jpg各種包、Tart、蛋糕等質素都幾好,不過仔細味道真係唔記得了,因為都兩年前啦~
SM-6806.jpg
好可愛既芝士片:P
食完飽到傻左,所以基本上係個brunch黎,省返餐。:P

食完酒店自助餐後,我地就要轉酒店,因為連住三日五星級就有點奢侈…[sosad](但其實一D都唔貴,只係呢個城市可以再平D咁住一樣可以好舒服)。不過Central Studios 同 Grandior Hotel 真係路程距離有D遠,連埋搵路果D,我地行左近半個鐘先到:o),真係唔知點解我地無諗過可以搭車(大鄉里出城只識行路:o):o))。
SM-6823.jpg
呢度求其一棟野外面都有d細節位睇到當時既人對環境美觀既要求係幾咁高,窗外都要整個雕像。

Central Station Studios 呢間酒店既外面只係佢地既普通街道,但已經好靚:P
SM-6853.jpg
好糖果色,好似好甜咁:P:P
入面就係上篇酒店報告篇都一一介紹過了。

【歐遊百幾日遊記】東歐四國篇(奧捷斯匈)(一)Day 1 抵達布拉格 機場出市區交通 酒店住宿攻略、酒店報告 — Grandior Hotel Prague 、Central Station Studios

Settle down後,我地就出發喇!是日我地行程係黃色地帶。
todopraguemap1.jpg

todopraguemapoth.jpg
黃色地帶基本上就有呢D景點,不過其實你路過既每一座建築物,都可以係個景點。起點我地就由火藥塔開始!基本上,火藥塔就好似古城既入口咁,一見到火藥塔,成陣老城味出曬黎啊#yup#

SM-6866.jpg
火藥塔(Prašná brána)係15世紀建成,歷史悠久,你見佢既外牆顏色都知佢真係好古老,而佢個風格同查理橋好似,係因為當時設計師就係依照住查理橋咁設計佢架。其實話佢係老城入口的確無講錯,因為火藥塔其實係布拉格既十三座城門之一,亦係唯一一座呢度仍然保留住既城門#yup#。不過,佢係18世紀曾經被人消爛左,好彩後來重修返,我地先欣賞到佢。#yup#

火藥塔起初既作用其實真係就係城門一座,當時既君主前往教堂加冕時必須經過佢,可見佢幾咁重要:P。咁佢同火藥塔個名有咩關係呢?就係17世紀開始,佢上面被用作儲存火藥,所以就有左呢個名。都唔知話個名改得好,定應該話將佢用黎放火藥放得好,佢個樣真似好有軍火庫既感覺,同火藥塔呢個名襯到絕#yup#

同火藥塔相連住既,係市民會館(Obecní dům),現今既用途主要係音樂廳,呢個音樂廳叫做斯美塔那音樂廳(Smetana Hall),佢有一個威水史架——佢係1918年捷克斯洛伐克(Czechoslovakia)脫離奧匈帝國(Austro-Hungarian Empire),宣布獨立的地點#yup#
而呢一件事中提到既名詞,已經包曬今日講既東歐四國喇。

點解我知咁多呢?因為我睇左Wiki。#yup#

SM-6873.jpg
穿過火藥塔後,我地進入前往Old Town Square既路,其實無論「新城」定「舊城」,呢度既建築物都係咁彩色繽紛、咁典雅,舊城入面果D可能會保養得靚掛。
SM-6871.jpg
呢度仲放左D好靚既車,唔知係咪一年365日都放係度做裝飾架呢~#yup#
SM-6877.jpg由磚一塊塊砌出黎既古城地面,靚過混凝土太多了,不過自從係荷蘭踩單車返學後,見親呢D地我都諗,係度踩單車、拉篋就慘了[sosad](毫不浪漫[sosad]),雖然係咁,我都覺得呢種地面絕對要keep啊。

IMG_6881.jpg

路開始闊,即係就黎到古城廣場啦!(唔係上圖)其實事前我無research過,好似freeride男友咁[sosad],所以我對呢度咩樣係無咩概念,所以我真係好驚喜。btw,呢個角度見到可愛既橙紅色屋頂。再btw,圖中擔遮既人唔係怕曬,佢地其實係當地網上報名既Free Tour 既tour guide,拎住把遮黎方便大家辨認去集合,佢地唔興用旗仔。點解我會知呢?因為是日我地正正就報左個free tour,所以我地其實搵緊個tour guide,打算聽下呢個城市既故事~#yup#

SM-6887.jpg

嗚哇!古城廣場啊!:D:D呢個係我第一個見到覺得好有心目中歐洲既廣場啊!:D(利物浦果個凍到無人)好熱鬧好多人又彩色繽紛既古城啊:D:D!!當時見到呢度真係好開心:D

SM-6890.jpg
大鄉里表示一定要求其喪影一千張先:D
SM-6892.jpg
對住呢座個頂同火藥塔好似,但佢地兩樣野黎,呢座係布拉格舊市政廳(Old Town Hall)既塔,著名既天文鐘(提示:2018年正在維修,直至8月)就係佢之下喇,佢比火藥塔更老——14世紀已經建成!其實當年既市政廳外型經過多年黎既整容已經無左7788,而家我地見到既高塔可以話碩果僅存既一部份啊!:D

順帶一提,當時我地無點research,其實呢座塔係可以登頂的,上左去會有好靚既景色,個人認為不應錯過啊!!!@_@ #bye# #bye# #:)#fs (仲要有得搭lift唔洗爬梯架:D!!)遺憾!請click睇風景圖。
入場費用:250 CZK ~100HKD (都唔平…但呢個價包埋參觀市政廳同地底)

詳情請看官網:https://www.prague.eu/en/object/places/188/old-town-hall-with-astronomical-clock-staromestska-radnice-s-orlojem

我地集合既地點就係呢度啦:
SM-6898.jpg
果堆人就係我地個團啦,都幾多人,印象中有十幾人。
後面果座又係好鬼靚,真係好童話大屋咁,佢就係國立美術館,果然好美術。集合完後,tour就開始喇。

SM-6901.jpg
後面呢座有兩支高塔既,係泰恩教堂 (Church of Our Lady before Týn),又稱魔鬼教堂,又係哥德式設計,自14世紀開始就係布拉格既主要教堂。不過,佢其實11世紀已經存在,係13世紀大整容,由以前羅曼式既造型改成哥德式(相信最明顯就係塔頂既尖型外形),直至16世紀先完全完工。講起佢個名,又改得好好,真係好有魔鬼感覺,再加埋前面果個黑色大雕塑,成個魔鬼感覺出曬黎#yup#——但其實個雕像同魔鬼無咩關係,佢叫做胡斯雕像。
IMG_6897asmaller.jpg
(…張相唔知點解會入埋果兩條友入黎…)
呢個雕像上面果個就係反教廷威權學者胡斯,果堆人就係佢果派既勇士同新教徒等人,當年呢個雕像放係度,係紀念胡斯既殉道500周年(因為佢最後被教廷以火刑處死)。有興趣補補佢既歷史背景請看呢度

好記得當時tour guide話,呢兩支塔其實真係一高一矮,並非角度問題,仲一肥一瘦,而高既就代表Adam 阿當;矮既代表Eve夏娃。上網睇過有人話,望住呢兩支唔對稱既野,真係會令強逼症病發[sosad][sosad],哈哈哈,都真係有D。

SM-6908.jpg
頭先張相右邊矮D,呢張右邊高D…難分真與假。不過應該呢張作準,因為我記得高D果支係粗D的。

SM-6918.jpg呢個表演者好勤力,我地兩日黎都見到佢[sosad],但佢真係相當creepy,小丑樣,BB身,坐係類似bb車既野入面,好多bb玩具吊住,前面個錢箱放住藍精靈同傻豹公仔,而佢就不斷扮可愛,發出怪聲,玩口水之類,好怪異!!
ssss.jpg圖中creepy人後面果個人玩緊果d車成個Prague都有,好多人係度玩,直頭好似係個tour,佢地會一行人咁遊,係古城入面見到呢舊先進野四圍遊走感覺怪怪地咁[sosad]
SM-6919.jpg

SM-6906.jpg

SM-6913.jpg
接住,我地就去睇呢個天文鐘。
天文鐘外面好多人係度圍觀,所以係度都要小心扒手。
IMG_6912.jpg
天文鐘係1410年創造,佢有三部份:上面既細圈、上面既大圈同下面,分別作用係表達太陽月亮等位置、時鐘同日曆。(PS 日曆部份係後期先加上去既)

Astronomical_Clock_(8341899828) (1).jpg
下面既解說我用左好耐先總結到[sosad],因為呢個鐘點睇我已經唔記得曬,當時個導遊講左好耐,但我又發呆又睇風景又影相[sosad],除左24小時制外,我咩都唔記得曬哈哈哈[sosad],係度重新整合下。

用上面Wiki張圖黎講下,上面既細圈你會見到有幾支針係連住左個太陽公仔、月球公仔、星星公仔。大陽公仔就係用黎表示太陽位置,點表達呢?原來個鐘既背景係代表緊天空:鐘既中心係地球,外邊上面既藍色係天空,橙色係日落(地平線以下既「天空」),黑色就係黑夜,太陽公仔係會沿住果個星座鐘既細圈外圍去移動,而太陽既位置就代表佢而家係天空既邊個位,所以佢每日係首先由下面黑位向左邊(反而係左邊叫東邊)升起到上面藍色既位,向右邊(西邊)移動,落入橙色區域(黃昏),再入返黑色位,咁就係一個一日啦。

Astronomical_Clock_Old_Town_Square_Prague_Czech_Republic.jpg
由於一年到晚日照長短都唔同,果個可移動既星座鐘細圈係冬天會係鐘既偏左下方(好似上圖咁)太陽公仔個路軌自然會比較少時間係藍色地區,4點就開始黃昏——日短夜長;相反,夏天,你會估到個星座鐘細圈係係鐘既中上方——太陽公仔大部分時間都會係藍色地帶——日長夜短,因為咁,你睇個盤都會睇到埋是日個日出日落時間。哇……呢個表達方式點諗出黎………[sosad]

月亮位置,同太陽差唔多方法表示,而個月亮自己果粒珠仲識自轉去show埋比你睇月相,即係今日月亮係半月、全月定點。細圈既框上就係十二星座既符號,星星篤到邊就係咩「恆星時」,呢個真係唔知佢up乜[sosad],初步睇同而家咩月份係無咩關係既,當係古人觀星睇時間既方法之一啦。總之,呢個細既係星星月亮太陽既鐘。

上面細圈以外既大鐘你會見到好多羅馬數字,佢其實係個24小時制既時鐘,係睇內圈既羅馬數字,大陽公仔所連住既針,其實亦係時針黎,最上面既12就係正午12點,所以上圖幾點呢?無錯,就係上午6點半左右啦,呢位旅者真勤力,咁早就起身出黎行。返返正題,我地用既鐘通常都係12小時制,呢個24小時制既鐘真係幾特別,外圈係咩呢?果個係古捷克時間尺,即係古代野,可以無視,睇完都唔會知咩黎[sosad][sosad]

仲有仲有,特別既係,每逢搭正,鐘上兩個窗仔就會打開,12門徒公仔會係果度自轉咁,聽落幾可愛,不妨搭正留意下,而我地,係(因為唔知所以[sosad])無留意到既。不過我係Munich廣場都見過類似既野,其實就係望全場抬頭睇,睇完就會心諗:我頭先究竟睇左D咩[sosad]

以上所有我真係睇返再研究先記得,但經過今次整合,我諗我五年內都唔會唔記得[sosad]

最後,最下既,係個日曆,點睇架呢?如果你行近d,你會見到,白色果個外圍其實寫滿字,再借wiki既圖黎用,果D咩字黎架呢?原來捷克每一日都有個名,所以佢除左show數字,仲會show埋個名出黎,據說佢地除左慶祝生日,仲會慶祝埋佢地生日個名既命名日,即係假如1月1號叫Mango Day,而Mango Day呢個名係10月1號作出黎既,就要慶祝埋 10月1號?都幾有趣,又可以收多份生日禮物,食多次蛋糕#yup#。(睇黎係D過節撚諗出黎既計仔)
565
哇…換然之,你想知今日幾多號,你首先要有對千里眼一野望上去……[sosad]唔……我諗呢個就當裝飾啦…應該上面個鐘實用好多[sosad]。可惜睇唔到啦,否則,一場黎到,就可以望下自己生日究竟叫做咩名,個名幾時生日啦。當然,上網實有[sosad],但係個鐘上面搵有趣好多。

講完一大輪,呢個鐘設計真係好屈機,能夠用幾個圈,幾支針去自動化地表達曬咁多複雜既天象,當中計左幾多條數,真係唔敢想像。你仲會見到,佢唔係每一個資訊分別用一支針表達,佢係幾個資訊既針連動住一齊,再加埋D圈圈既自轉去表達N個資訊,呢個人定必對天象同時間既關係非常了解,以及精通機械、數學,先造到呢個鐘出黎,佢就係…哦…原來有兩位[sosad],係Mikuláš of Kadaň同Jan Šindel,前者係鐘錶師博,後者係數學專家同天文學家,好…睇完兩位來頭,一切都明曬了[sosad]

上面講過,呢個天文鐘塔,亦即係舊市政廳既部份,係可以入去同上頂既,而我地一方面要跟tour四圍行,亦無留意可以上頂,就無去到。睇以前既遊記,登頂同參觀市政廳可以分開去,門票分開,但而家睇到資料,似乎只能夠一次過買張250CZK 100HKD既門票,無得分開買,所以想上去既,而家就貴左喇(好似係,有錯請指正)。再貼一次:請click睇風景圖。
Prague_07-2016_View_from_Old_Town_Hall_Tower_img3.jpg
(Wikimedia Commons)
入場費用:250 CZK ~100HKD (以當地物價黎講都幾貴…但呢個價包埋參觀市政廳同地底,有Lift搭上頂)

詳情請看官網:https://www.prague.eu/en/object/places/188/old-town-hall-with-astronomical-clock-staromestska-radnice-s-orlojem

另外,呢個Tower隔離有間屋,叫做一分鐘之屋,其實佢無咩特別,最特別就係個名,而佢點解有呢個名?就係因為佢一分鐘就行到過去 Old Town Hall…[sosad]好…咁Central Station Studios要改名做30分鐘之屋了。

睇完呢個天文鐘,我地就繼續去其他地方。個Guided Tour真係會帶你去每間屋仔,你睇落覺得無乜野既,佢都講到個故比你聽,所以,係幾好既,而且免費——當然啦,佢會預你比下tips既[sosad],5歐10歐20歐不等,隨你鐘意。

SM-6920.jpg
我地係度都聽左d故事,不過因為佢講野唔算大聲,我地又懶得湧埋去聽[sosad],好多時我地都好分心,所以我都唔太記得內容…[sosad][sosad]

SM-6922.jpg

呢間屋幾得意,突然有個好Harry Potter既騎樓類物體,有d覺得佢以前應該成座都係果個style,不過翻新完就只保留果度。[sosad]

SM-6942.jpg
呢兩間屋有兩條橋連接住,呢個風格令人聯想起劍橋。

話說呢個 Tour suppose會一直帶我地四圍睇,最終會去到查理橋既。不過…我地就係係行呢段路既途中有d肚餓…又見到有街邊賣香腿既檔,於是就停低買一買一陣再追上,點知一買完…[sosad]成個tour唔見左[sosad]無錯,我地走失左[sosad][sosad][banghead]所以後最係想比tips都比唔到[sosad]

因為我地聽左陣都有D眼訓…所以我地決定將錯就錯,唔刻意搵返佢地,就當中途離隊自己遊蕩下[sosad]發現咁樣自己行就反而更加適合我地:D:D

講開又講,唔知點解買條腸,個店員會送埋杯酒比我地飲,佢話hot wine叫我地飲下,我地又真係接黎飲[sosad]雖然我地唔飲酒,但又幾暖胃,所以就飲下啦[sosad]不過之後都發現呢度係好興飲hot wine。

接住,就係我地半日漫遊布拉格古城區喇。(待續)

下篇:【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克Trdelník煙囪卷 看查理大橋


【起步必看】東歐四國行程懶人包: https://goo.gl/Q37F3F
歡迎 Like Facebook Page 緊貼最新既遊記及攻略 : 芒果豆腐花遊記 

更多遊記:芒果豆腐花遊記網站 https://mangotofufa.wordpress.com/

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報

 

Advertisements

Leave a Reply

This site uses Akismet to reduce spam. Learn how your comment data is processed.