【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克Trdelník煙囪卷 看查理大橋

上篇:【歐遊百幾日遊記】東歐四國篇(奧捷斯匈)(二)Day 2 布拉格 老城區 Old Town 一日遊(上)古城建築的一、二事;詳說天文鐘、舊市政廳登頂資訊分享

template27

上篇講到,我地唔小心中途離左Free Tour隊[sosad],於是有營養地聽故仔扮深度既時間就告一段落(會唔會太短暫[sosad]),而家就展開我地遊蕩飲飲食食既旅程#yup#

SM-6944.jpg
繼續不斷影街景,又一個華麗既街景#yup#。我覺得呢度幾好既係,雖然車可以入黎,但街上主要都係行人,所以你唔會行兩步又被人呠一呠,行得都好舒服#yup#

SM-6943.jpg
之後我地黎到是日既目標之一——哈維爾市集 Havelské tržiště #yup#。有睇開我遊記既,都應該發現我地好鐘意行market,因為我地咩無聊野都鐘意睇,仲要係特別鐘意睇無聊野,而market就最多呢D林什野#yup#

SM-6945.jpg呢度有一整列既檔口,基本上主要都係賣手信:畫、磁石、吊飾、明信片、杯,間中有D就賣下水果咁,主要都係做遊客生意既,如果你將左右既樓想像成唐樓,中間既變曬紅白藍膠布X棚架既檔,基本上呢度就成條女人街咁。唔…咁講好似有d大剎風景[sosad]。當然呢條行得舒服得多,亦無咁多老翻,而且美觀無數倍[sosad][sosad]

係度買磁石是基本吧!#yup#
SM-6039.jpg
藍天既古城廣場,一定要買啦#yup#,都好似要80-120CZK 30-45HKD左右。佢仲有好多版本 例如黃昏、黑夜版本,不過因為省錢就無買曬啦。呢種磁石我好鐘意,因為你會見到好多細節,好得意,得一張相平面果d磁石我一定唔會買#yup#
SM-6040.jpg
呢個另一個風格,木質version,應該平D,唔記得幾錢了,分分鐘其實係係CK買既。圖中既就係一陣會去既查理橋#yup#

佢仲有另一set黑白紅畫風既version,都好靚,係玻璃黎,男友好似買左,仲爛埋[sosad]
係呢種畫風:
charlesbridge.jpg真係幾靚,唔知點解我無買返個[sosad]

SM-6946.jpg呢頭附近有間其實四圍都有既Trdelník煙囪卷,似乎係捷克傳統名物啊,不過原來呢一類卷狀麵包成個東歐都有,仲要好似話各自有D唔同,匈牙利果隻叫Kürtőskalács,望落一樣咁,而我不知佢地是咪同一樣野黎。

呢個卷唔好睇佢只係個包,大舊到,我地兩個share食,塞到我地飽曬[sosad]。食落本來諗住係糖包,原來係有d玉桂味,因為佢外面果層係塗左層玉桂糖,個味都幾特別,頭一兩啖都幾惹味,黎到東歐點都要買件試下啦!不過,其實可以揀下店先,因為有d店賣既現代版本係會加下雪糕加下醬咁,個味同口感會立體d,因為全舊咁食都會食食下悶,我地share一件食都有食剩。

話說返黎之後我係香港就食過現代版(加雪糕),勁好味,一熱一凍既配搭真係不得了,係香港食果個感覺啱我口味多過圖中食既呢碌[sosad],想試下可以去尖沙咀既 「煙囪捲 Chimney Ice-cream」。

SM-6952.jpg
繼續無限亂影。

基本上沿途你會見到好多好多中小型既theatre,乜都有得睇:魔術、音樂劇、雜技、馬戲、歌劇等等,好多人會R你入去睇,其實有時間既不妨去睇下,係古城區既某個角落入面即興睇場show感覺幾正咁,不過我地無咩時間[sosad]

SM-6966.jpg
係歐洲買既第一支雪糕!(雖然背景係starbucks但唔係starbucks買[sosad])之後就展開我地每日一雪糕既習慣[sosad]呢支雪糕唔知係咪因為我地第一次係度買既雪糕,佢成為左我地整個百幾日歐遊入面最好味雪糕既TOP3之一[sosad]我地由年頭講到年中都會數佢出黎[sosad]佢係一支焦糖味雪糕(印象中好似係),我都唔記得有幾咁好味,只記得第一下食果下就雙眼發光,覺得好幸福[sosad][sosad]然後我地就搶住食[sosad]

行下行下,不知不覺我地就遊到去查理橋喇。(以下其中有d相係翌日既相黎)
呢條橋係布拉格既一大景點,又一古建築——查理四世係1357年開始建佢,到15世紀初完成工程,建左起碼五十年!不過,當時佢無名,大家只叫佢石橋,直到查理先生過身多年後,19世紀後期先將橋叫做查理大橋。佢條橋除左老,仲好威水,由以前直到1841年,佢都係布拉格唯一一座大橋——個個想陸路往來古城同城堡都要靠佢,所以佢非常重要。
SM-7003.jpg
我係一個超懶既人[sosad],並無走高走低去搵個靚位影大景[sosad][sosad]所以是日查理橋既相只有在橋上既角度[sosad]呢個時候,其實都開始天黑,而應該只係4點幾左右。
IMG_6988smsm.jpg
查理橋底下既,係伏爾塔瓦河,呢條河係捷克境內最長既河流。
呢個時候,望住查理橋兩邊既景色,我地係度諗,唔知頭先個free tour到左呢度未呢[sosad][sosad]
IMG_6990.jpg
查理橋真係好闊下,根據維基,佢全長516米,寬約10米,有16個橋拱,兩端共有3座橋塔,其中兩座位於布拉格小城(我成日講既城堡區)一側,一座位於布拉格老城一側(頭先一直行既古城區)。唔好睇佢咁硬淨,當年佢N度被洪水玩殘過。
SM-7079.jpg
以前佢係可以比馬車通過,期後電車、汽車都可以通過,所以以前橋面係有瀝青路面。不過,到20世紀末,因為大橋大重修加上其他橋樑陸續建成,查理橋上面就全部轉曬做石面,並規定只有行人可以通行佢——簡直係德政,咁樣靚好多呢。

日頭,呢條橋非常熱鬧,好多遊客、賣藝、地攤檔主係度聚集;晚上,呢度非常寧靜,都好浪漫下。
SM-7097.jpg
SM-7094.jpg

SM-7006.jpg

SM-7100.jpg
SM-7010.jpg個人鐘意城堡區果端既橋塔多D,相當有feel。發現我幾buy哥德式既塔,見親都讚。
SM-7012.jpg
呢個橋塔所見到既景絕對係我最深刻既景之一,真實型過上鏡更多。
SM-7015.jpg
晚上未黑曬既布拉格景不得了啊,呢d燈光配上呢D建築,成個聖誕小鎮咁啊!!!真係覺得呢個世界如果無左古代歐洲人,絕對會少左超多靚野。

之後我地因為有d凍,求其入左間店飲杯熱朱古力。黎到歐洲,係冬天我地特別鐘意飲熱朱古力,而布拉格既熱朱古力係從來無令我地失望!不過呢個時候,相機無電[sosad]加上天黑,所以都無乜相了。[sosad]

因為城堡區果邊我地係留返聽日行既,所以我地係度不留太耐,聽日再黎,於是就慢慢行返去老城廣場,係果度坐左陣,感受下晚上既歐洲廣場氣氛,就返去酒店。

基本上是日我地1點開始行古城,行到5點左右天黑,就已經行完一轉古城區同查理橋,如果早d出發,絕對係可以上中午行完古城區,下午行埋城堡區。

晚上,我地係酒店附近食,我地揀左至今仍然好有印象既餐廳,佢叫Secret of Raws。點解咁深印象,並唔係因為佢特別好味,而係因為去到先知原來佢係食齋既[sosad]誤變Vegan[sosad]

餐廳名:Secret of Raws
種類:素食
詳情:https://www.tripadvisor.com.hk/Restaurant_Review-g274707-d3976073-Reviews-Secret_of_Raw-Prague_Bohemia.html

不過,原來佢而家已經執左[sosad]但我見市內似乎有其他分店。
呢日入到去,店員非常nice咁同我地簡介佢地既menu,我地揀左佢推薦既tasting menu,基本上就係佢地既唔同菜式分成小份咁放成一碟。

IMG_20160115_211824.jpg
(手機相)
介紹下,呢個目測就係sushi, chocolate pie(其實係mushroom pie), panini, 意粉、薯條,以一個set黎講,真係相當豐富。有趣既就係全部都係用超級raws既手法造,就係素食啦[sosad]

個panini,佢唔用包,而用左脆口類似殼物造既餅做個面同底,下面就係生菜、蕃茄,食落真係有d dry 同淡[sosad]好彩有片蕃茄,可以稍為有d juice。

個sushi roll都好搞野,佢唔用紫菜,用左d質感有d怪既野去卷,印象中係類似普通菜黎既[sosad]入面就係一堆瓜菜既碎粒,總之係無一樣有特別出既味[sosad],非常青。

意粉都好搞笑,佢又係唔用意粉,而用幼既菜黎扮麵[sosad][sosad]食落去expect係意粉結果係另一樣野,相當神怪[sosad][sosad]真係超級試食大會。

薯條都係唔係正常薯條味,有生薯仔既味道[sosad][sosad]終於明點解佢叫secret of raws[sosad]真係好raw [sosad]

全碟最有味既,係mushroom pie,真係超級濃味,濃味到over左[sosad]所以我地都無法完成佢[sosad]餅底一樣係穀物[sosad]

以上就係呢一碟野既解說,對我地黎講呢個素食體驗真係相當新奇[sosad]。你見到既野同你食到既野係好唔同[sosad]一路食一路覺得好搞笑,又唔可以話難食,但絕對唔係好味,不過就超級自我感覺良好,因為呢餐絕對係係歐洲好難得既好清淡既一餐,仲好多蔬菜,可以話同之前餐餐扒做左個平衡作用[sosad][sosad]

因為無肉落肚,食完好似都仲有點唔知點咁[sosad]其實我ok既,不過男友就覺得個肚相當空虛[sosad]於是我地食完後,去左搵熱狗食[sosad][sosad][sosad][sosad][sosad],至於成唔成功,我就唔太記得了[sosad]

聽日,我地就會去布拉格重點景點範圍既另一邊——城堡區。#yup##yup#

(續)
下篇:【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)Lennon Wall 連儂牆 查理橋一帶 最好美既香腸


【起步必看】東歐四國行程懶人包: https://goo.gl/Q37F3F
歡迎 Like Facebook Page 緊貼最新既遊記及攻略 : 芒果豆腐花遊記 

更多遊記:芒果豆腐花遊記網站 https://mangotofufa.wordpress.com/

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報

 

Advertisements

Leave a Reply

This site uses Akismet to reduce spam. Learn how your comment data is processed.