【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…

上篇:【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)Lennon Wall 連儂牆 查理橋一帶 最好美既香腸

template30
上回提要:我地行完Lennon Wall就亂入左間餐廳(唔係上圖)。

呢間餐廳叫做 Restaurace Černý Orel 不推薦)Link: https://www.tripadvisor.com.tw/Restaurant_Review-g274707-d4209790-Reviews-or10-Restaurace_Cerny_Orel-Prague_Bohemia.html 

我地因為出面門口個menu睇落好似價錢正常就入去。入面環境都唔錯,感覺類似地窖餐廳,印象中店員帶左我地落地下室果層,感覺幾得意:P。點知入到去,set好曬枱,先發現入面個menu同出面個價有d唔同,平均每碟野貴2-3歐…[sosad]但因為都知附近無咩野食,又覺得都set好曬佢又企定定望住曬,而家走唔多好意思…[sosad]就算啦硬食[sosad]

首次歐遊 關於在餐廳只想飲清水 你要知既事

係歐洲入餐廳點餐時要知道既一樣係,店員好鐘意問你飲咩,如果想飲水,好容易會中伏搞到比左幾十蚊HKD買支細水。

話說歐洲餐廳係會問你要咩餐飲,有時你都未睇menu就一野問左你想飲咩先。之前幾餐我地都會叫可樂飲,但因為頭先先飲完野,於是呢次係我地第一次唔想用錢買野飲,於是就想要水。對於大鄉里黎到歐洲,易中伏既位就黎啦[sosad]

除左希臘會自動送冰水比你之外,你係歐洲大部分地方,當你講要水,店員實會問你still water定sparkling water。Sparkling water就係有氣既水,你可以當係完全無味既7喜,所以係汽水咁既產品,當然要收錢啦。而如果你諗住答Still water可以唔洗比錢買水就錯啦,佢會拎支玻璃樽裝普通水出黎,有時再加隻有冰既杯,好好服務咁同你開蓋再倒少少落去比你享用(下圖個可樂杯…)最後就盛惠3-5歐啦。3-5歐一支300ml都唔知有無既清水…太奢侈了,正常人都唔會咁叫。

我地見佢一黎就拎支靚水都有d驚喜,大鄉里心諗真係得意啦,咁有feel既[sosad],唔知洗唔洗錢呢,最後就緊係要,之後我地就唔敢再係餐廳叫水[sosad][sosad],想飲都士多買定先[sosad]。不過到開學讀書跟外國同學出去食飯就知,你只要好似佢地咁,
人地問你飲咩,你清楚講要tap water/ glass water就唔會中伏,最多佢同你講佢無glass water,但你就唔會再需要答still定sparkling water,只要講tap/glass water你就會得到正常免費既水喉水(歐洲可以直接飲)一杯
會唔會唔好意思/好似唔跟人文化咁呢?至少連鬼佬自己友都咁叫,我地照跟就得啦[sosad]

除左水,我地照舊每人叫左個扒餐,基本上我地多數都係一豬扒、一牛扒咁叫,每扒配d薯菜咁。下圖係bf亂影的[sosad]
SM-7202.jpg
右邊果d包極乾…聽聞捷克野黎,咁睇似餅多d…係佢夾硬送又夾硬收錢既野黎,原理類似意大利既Coperto咁[sosad] 而呢兩碟野,我頂佢個肺,好乾啊!!乾哽硬扒咁,一d都唔好味,無肉汁既,近鏡果個都話有d醬,對面果塊…無架!!
竟然要100幾蚊一碟,食到黑都面曬,最後每人只食左一半(早知只叫一個啦[sosad])。

係歐洲亂入餐廳真係又浪費盤纏又浪費食好野既quota!第一個trip就係中唔少呢d伏,所以最好都係點都係事前上tripadvisor,係沿路mark定幾間餐廳,睇下食評先好入。我地之後靠佢食左好多超級好味既野:P:P,當然都中過一兩次伏(但機率遠低於亂入)。

頹皮地走出餐廳後,都唔知話入面暖導致有個反差勁定點,總之一出到黎,完全覺得係凍到傻左,個天色都變埋。

SM-7205.jpg痴線個天變得咁快。

就算著住好保暖既大褸都凍到打曬冷陣,彈下彈下,要賽跑黎保暖[sosad]
不過因為跑黎保暖對我地呢d唔做運動既廢柴黎講太chur,我地決定用另一個方法——買杯hot wine暖暖胃[sosad][sosad]。琴日講過,呢度興飲杯暖酒暖胃,你唔洗入餐廳,求其一個stall仔已經可以買到,就係直接一個紙杯仔咁比你。:P 拎上手都暖:P 好似下圖咁。

印象中唔貴,仲要比頭先支still water平,但實際幾錢真係唔太記得,我估20HKD左右甚至有找啦,仲要係都幾多,唔係用試食果d迷李杯,係正常紙杯size,仲超級有效,一飲即暖:P,唔單止d飲品本身暖,仲會搞到個人自動識製造暖氣:P,即時舒服好多:P:P

講真對唔飲酒既我地黎講,杯酒都算幾重味[sosad],唔算好易入口(又好過啤酒既[sosad])。但因為太有效又唔想浪費,我地不禁飲呀飲,我都飲左半杯有多[sosad]

SM-7206.jpg

就係飲住佢,不知不覺終於捱到去城堡山腳,而去到呢度,d酒意就開始黎啦[sosad][sosad],明明係上圖呢d好闊、一d都唔斜既樓梯,我地行到好似要行上珠峰咁chur[sosad][sosad],行得勁慢,一路覺得好攰好無力,好想抖下[sosad][sosad]

初頭我地都未知點解咁虧,之後醒起一定係因為d酒[sosad]!!對於呢d得隻紙杯無名無盛既酒,我地真係唔多知亦無諗過幾多%酒精就飲,到而家我都唔知個答案[sosad],剩係知食飽左飲幾啖仔都己經整到我地好想沉睡[sosad]

螢幕快照 2018-05-07 上午1.03.46.png
話說由餐廳行起,就係一條順既直路行,毫無難度。到到上圖紅點位,就係城堡梯上既觀景台啦。

SM-7224.jpg
我地好不容易終於爬到上城堡出面(其實正常係無難度的[sosad]),呢度就係個觀景台,可以睇到布拉格既天際線。今日天氣其實唔好,睇到既都唔鮮色,呢d相我已經落足味精,十足假相[sosad][sosad]。或者咁講,真係假相黎[sosad]。係度hea影左幾張就走了[sosad],連搵個好位都廢時,勁多枯樹。

SM-7233.jpg
如果天色好,你絕對會見到藍、橙分明既景緻,大可以影一千張相。可惜因為天色太差,加上我地飲中伏完酒只想訓覺[sosad][sosad]
都幾可惜,我見到人地天氣好果時好靚,嗚哇。我見到既景並無呢度d相所見既咁鮮色tim。 

SM-7236.jpg
唔怪得城堡咁鐘意建山上,要國王要日日出黎望下,感受返大地在我腳下。

睇完、影完後,我地就入到去城堡區。首先我地被一間寫住玩具博物館既牌前面隻雕像吸引左
SM-7238.jpg
係一隻擁有金色JJ既男仔銅像。佢個名叫做Youth,上網search下睇唔到咩大道理,剩係見到一段幾頂癮既文字[sosad][sosad]
螢幕快照 2018-05-07 上午1.14.16.png
有無咁重要,要講到most important[sosad][sosad]
再睇…越睇越多痴線佬…
螢幕快照 2018-05-07 上午1.18.18.png
how to properly handle the golden penis…[sosad][sosad]

side track完[sosad][sosad]其實,除左個銅像,我地都真係被個玩具博物館吸引既一黎玩具館好似會幾有趣,二黎博物鐘多數有椅坐,被d酒整到懵左既我地好想坐下呀!!!!![sosad][sosad][sosad]

SM-7239.jpg嗚哇,係幼稚園d玩具農場

布拉格玩具博物館 The Prague Toy Museum 

布拉格小城區既玩具博物館樓高2層,原來係全世界第二大既玩具博物館(呢點我好懷疑,雖然唔細,但都唔係話特別大,可能世界上太少玩具館,又可能佢亂講,因為個網都話「was said to be the 2nd largest」[sosad][sosad])入面展出多個年代既珍藏既玩具,講到古代古希臘時期都有…而我地太醉太眼訓…可能見到都無為意…[sosad][sosad] 總之係你會見到幾十年前既人既玩具,有d都幾creepy,而你細個玩既都會有,就係呢個年代既無,因為而家好似已經唔興玩玩具了[sosad]

如果有興趣去,要注意以下呢個資訊,因為城堡區維修,連個館既展品都暫時搬埋,去左古城區中心啊。

資料來源:http://www.myczechrepublic.com/prague/toy-museum.html

During renovation work at the Prague Castle (expected to last into 2018), the exhibition has temporarily moved to the Clam-Gallas Palace on Husova street.

Address: Husova 20, Prague 1
Getting there: Metro A to Staroměstská
Hours: 10:00 a.m. – 6:00 p.m.
Admission: Adults 70 CZK, children/students/seniors 50 CZK, family 200 CZK

黎到呢度,我地真係醉到瘟瘟燉燉,呢d相可能都係係好想訓覺既情況下影。

SM-7240.jpg
絕對係我細個極想要既玩具!!好好玩!!!但隻bb會唔會太恐怖。[sosad]
SM-7243.jpg
港女tea道具都有,原來玩玩具都有貴族風格。
SM-7245.jpgD bb坐曬係樓梯[sosad][sosad]不過講真,d玩具真係造得幾靚。

一路睇,真係越黎越眼訓[sosad],絕對唔係因為悶,我地係可以一隻公仔都笑一輪既無聊人黎[sosad]。我地係因為杯酒,一路係好想快d行曬睇曬既感覺[sosad][sosad],只想快d搞掂快d返酒店訓覺[sosad][sosad]。而有趣既係,呢個館係一張椅都無,你只能一直行行行[sosad],我地唯有係樓梯附近挨下牆抖下,期間直頭想即刻返去訓[sosad],訓到晚上去睇演唱會為止。

不過好彩好彩,再捱多陣,我地好似同時又開始精神返[sosad],真係同步[sosad],終於可以精神d咁睇館,四圍影下相

SM-7253.jpg我小學小期最愛既玩具[sosad] barbiessss[sosad]不過我果d靚d

SM-7254.jpg
成堆barbie入面,小矮人完全有亂入feel[sosad][sosad] 痴住個女巫王后都係咁話[sosad]

SM-7255.jpg
呢個仲搞野[sosad][sosad]無啦啦整個愛恩斯坦[sosad][sosad][sosad] 睇黎佢有好多老婆[sosad]

SM-7257.jpg
中學時期最愛 最右邊果隻好得意[sosad]

SM-7258.jpg又有亂入玩具[sosad][sosad]呢隻黑熊完全唔啱風格[sosad]

SM-7259.jpg本來d船好型,加左d bb 落去成件事又搞野左[sosad][sosad]重點係中間d外星人……

SM-7260.jpg
呢個真係當玩具?[sosad]

SM-7261.jpg
玩老師:P:P

SM-7262.jpg
痴線乜黎[sosad][sosad][sosad]其實呢個館真係好搞野[sosad][sosad]

SM-7265.jpg
我最鐘意呢個,真係超正,完全係細個既dream toy,有張postcard係呢個玩具,我地買左黎做紀念。不過講開又講,佢又要係度放3條大魚係出面搞笑[sosad][sosad]

SM-7266.jpg賣玩具既掌櫃熊。我地見到怪物就會去扮佢黎影相[sosad]
SM-7270.jpg

SM-7271.jpg
[sosad]無聊到,但我真係好鐘意呢d屋仔玩具!!!
IMG_20160116_144925.jpg
呢張手機相黎,玩具中既玩具[sosad]左邊間屋d細路玩緊玩具[sosad]
IMG_20160116_144944.jpg
IMG_20160116_144930.jpg
[sosad][sosad]做乜鬼,all屎都有玩具[sosad]

最高果層係手信店,我地係度買左張postcard,上面正正係上面有張圖果座山,我話最鐘意既果個玩具:P:P。我地去旅行鐘意儲postcard同磁石,用黎紀念我地去過既地方,當係比自己既手信:P:P

離開玩具博物館後,出到黎行多幾步發現,嗚哇無啦啦落雪啊!!
我地兩個都第一次見到雪,所以都覺得好新奇。人地可能係一野到左個好多雪既地方,一見到哇一聲,而今次我地係本來完全無雪,睇住d雪花慢慢落,感覺真係有d似以前海洋公園冬天果d泡泡假雪[sosad]當然,d雪花既detail多好多。

IMG_20160116_145358.jpg
你見到雪,但佢地一落到你身上好快就好快會消失,同埋你唔會見到積雪。
不過第一次見到雪真係好開心!

SM-7275.jpg
呢張相有雪架,見唔見到[sosad]
呢個時候,當然瘋狂影相,留低呢個自己成身白雪點點既時刻。好彩d雪只係好細,你唔會被佢搞到眼鏡一達達,比毛毛雨更輕鬆。[sosad]
IMG_20160186_14dd5asaq2.jpg
防雪褸用黎防雪,checked
而家終於明點解頭先食完野凍左咁多,天氣又多左咁多雲,原來係因為就黎落雪[sosad][sosad]

SM-7277.jpg
城堡區一帶既建築都比較大型。唔再係一間間細既排埋一齊,係另一種風景黎。

SM-7279.jpg
一路向前行,就係城堡上面既教堂同廣場位置,亦係城堡區既重點啦。

(待續)


【起步必看】東歐四國行程懶人包: https://goo.gl/Q37F3F
歡迎 Like Facebook Page 緊貼最新既遊記及攻略 : 芒果豆腐花遊記 

更多遊記:芒果豆腐花遊記網站 https://mangotofufa.wordpress.com/

下篇:
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報

 

Advertisements

Leave a Reply

This site uses Akismet to reduce spam. Learn how your comment data is processed.