【歐遊百幾日遊記】東歐四國篇(奧捷斯匈)(七)DAY 4 Cesky Krumlov 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦

今日既行程係去距離布拉格近3小時車程既捷克必去小鎮—— Cesky Krumlov ,亦即係我地通常叫既CK啦。CK小鎮係個我幾鐘意既地方,城堡同小鎮內既一堆屋仔被馬蹄型的伏爾塔瓦河(查理橋底下既都係呢條河)相隔住,從城堡高處望落去既景色相當特別,CK亦係我第一次見到白雪滿蓋既小鎮,所以印象特別深刻~

WM-7515.jpg

CK真係一個小小小鎮,可以做既野唔多,一日、半日都足夠睇曬主要景點,但因為佢距離布拉格都3小時,而且如果東歐四國遊,佢絕對係順路落Hallstatt果D,所以想去CK既話,唔建議從布拉格即日來回,最好直頭落去住,就唔洗用太多時間搭來回車,行程亦唔洗因為要就長途巴士而變得緊湊同辛苦。

todock


今日早上從布拉格既三十分鐘之屋出門口果下,真係好震憾,因為門外好似變左另一個世界!!
SM-7494.jpg
哇!無諗過琴晚D雪大到有積雪!!

對比圖:
SM-6853.jpg
上面呢張係無雪版本,下面係有雪版本。
SM-7495.jpgSM-7496.jpg
整左容咁!
SM-7499.jpg
不過因為趕住截的士去巴士站,我地都唔得閒慢慢欣賞。真係好想去古城中心睇下變成點。

話說睇返資料,其實唔建議係街截的士,因為有機會會截到黑的,屈你錢,打去call台叫的士會好d。不過幸運地呢三程我地並無中伏,只係差d因為截唔到的士而遲到。

由布拉格前往CK小鎮 Prague to Cesky Krumlov

今次呢程搭既係Student Agency (RegioJetBus)由 Prague, Na Knížecí  到 CK 既巴士,全程近3小時 (Eur7.6/person)(HKD65)。呢間公司真係特別正,因為佢唔單止D位闊,每個位仲好似搭飛機咁有Mon,你可以揀電影睇!佢仲有免費Coffee、hot chocolate等比你叫黎飲,簡直係搭飛機咁款,D 熱朱古力仲要係高質好飲架!!

布拉格個長途車巴士站有好多唔同巴士公司既車,所以好多人,仲會有乞衣同你講佢好肚餓,可唔可以比d錢佢…呢個時候,一定要扮唔識英文或者無視佢,係歐洲有惻隱之心係大忌!!

上車後,我開左套 Boyhood 黎睇,睇左陣又訓著,睇左陣又訓著,不知不覺已經訓到到站。


一落車,我地已經哇左出聲…嗚哇,白雪小鎮啊!!可以同你講,D相影得唔好,真實係靚 1000倍!

IMG_7501_p.jpg

WM-7516.jpg
呢個位比較多樹,隔得有D遠,其實最靚既位應該係從城堡睇落去既景觀。
由於好凍,我地都無逗留太耐,起行去搵我地既酒店。

其實冬天既CK係超級淡季,街上無咩人,有好多店都無開架,所以如果你係度留兩個全日,好肯定你會好悶…

WM-7517.jpg
一路行,沿途除左剛落車既遊客,其實真係無咩人,偶爾你會見到一兩團韓國人路過咁。
WM-7522.jpg
白色小屋加白雪。
WM-7524.jpg一路行一路哇哇聲,好靚好靚好靚,但相片表達唔到啊!!!
WM-7535.jpg
呢個係CK既城堡,係14世紀已經存在,佢係1992年被列為世界文化遺產。呢個城堡叫做Krumlov,而 Krumlov就係解高低起伏既草地,正正就係城堡所處既地貌特徵。城堡設有多個導賞團,入面有好多個華麗既展室,不過冬天(11月至4月)基本上都係無得參觀既,當時我都無為意有呢D活動。但係如果你想從城堡睇風景,係做到既,我地呢日都有入城堡,係可以免費去到觀景台架。

城堡上係CK另一個最著名地標——彩色塔,同其他塔一樣,佢可以登頂,連冬天都開放。彩色塔真係好靚,係我最鐘意既其中一座歐洲塔(另一座係Maastricht既紅色塔)。

WM-7537.jpg
沿途建築,並無深究,因為我地黎到CK係咩行程都無計劃過。

呢個係CK既廣場,夏天應該好熱鬧,而當日黎到,就得我地咁濟啦哈哈。

WM-7542.jpg

呢個廣場一帶既都係酒店同餐廳。

WM-7539.jpg

就連廣場既餐廳都只係開左部分。

WM-7543.jpg
夏天既CK廣場相信會有好多餐台放曬出黎,大家齊齊曬住太陽食野。
呢度D積雪特別厚,最厚可以去到半隻小腿,完全蓋住呢度既凹凸路面,所以超容易PK。

因為我地想Check in先,於是一野前往旅館。我地既旅館就係下圖紅色果間,係河邊既屋仔啦。

WM-7561-2.jpg

到喇。佢叫做Penzion Kapr,我好滿意呢間旅館

螢幕快照 2018-05-13 上午12.59.20.png
由於CK實在太細,基本上任何一個地方都方便。如圖所見,紅色屋仔距離城鎮中心只需步行5分鐘,真係散散下步就到左。關於呢間住宿,下面會有報告!

不過因為未到check-in時間,屋主唔係入面,所以我地就去食野先,一陣再返黎。以下係從屋仔行返返去既沿途景色

WM-7551.jpg

 

WM-7557.jpg

呢個位係上面地圖過橋既景色,真實睇好靚好靚。

WM-7553.jpg呢度既屋仔真係好可愛,真係木屋仔咁。

WM-7563-2.jpg

WM-7564.jpg

偶爾會遇到竟然有開的小店。

WM-7566.jpg

我地去返廣場搵食。
WM-7543.jpg

今日午餐時間出名既地窖餐廳係淡季都有幾個人係出面排隊,店員仲要話full左,手勢咁睇似乎連排都唔排得,無特別話想食既我地就睇下廣場d酒店餐廳。最後入左去其中一間無記低名,但google map同trip advisor 都搵唔返名既餐廳,可能因為無人打過評價所以無係上面出現,不過呢間既食物好高汁!真係可惜唔知名,因為好好味!推薦。^3^

WM-7584.jpg
餐廳入面係咁樣既,黃色牆、黑色皮椅。我睇過幾間餐廳既相黎認樣,發現呢頭既屋仔全部內部都係拱形,但外面睇又正正方方架喎,唔知點解會咁,幾得意。

WM-7570.jpg

我地叫左兩個Dishes,一個係鴨,一個係有曬四種芝士既Pizza。

WM-7571.jpg
呢隻鴨好鬼好味,肉質好軟,唔洗咬到傻,而且鴨味好香,用佢既醬黎點住食好惹味,仲要d皮又索曬d汁,好正,平時係香港見鴨都唔夾多件既我拆呢隻鴨拆得好開心。:P :P btw,今次呢兩件捷克包正常過上次係間劣食果個好多。

WM-7575.jpg
大大隻。上圖會見到仲有d酸菜,呢種菜係中東歐好常見,德國serve腸仔、薯蓉、奧捷波蘭等serve肉都好鐘意放佢係隔離,不過我真係唔識欣賞呢種菜,好怕d食物痴到佢陣味,簡單d黎講,好憎酸菜啊!![sosad]

WM-7573.jpg
歐洲既Pizza好平,印象中呢個只係4、5歐左右就有曬成個批。呢個四種芝士既pizza聽落好變態,食落又幾正[sosad],正宗邪惡芝士pizza,有無拉絲我就無咩留意,不過係個好味既pizza,尤其係正中我心水既薄皮pizza:P(睇圖都知好脆口[sosad])。其實我本身唔好pizza,不過呢個係好味,我地食完隻鴨已經好飽,但都食左好多pizza:P。不過,最後我地都係食唔曬[sosad],於是打埋包。職員好好,幫我地打包埋:P

見d野食咁好味,服務又唔錯,而雪櫃d cake幾靚,於是我地就叫一件試下:P,不過件cake反而就一般,或者話無咩特別,正正常常。
WM-7580.jpg

佢比較硬,蛋糕位打得唔夠鬆軟,亦有點乾身,但朱古力味都濃既,就係口感爭d。所以,黎到既話叫正餐就可以了。食到飽曬後,我地再次嘗試Check-in。#yup# #yup#

下篇會介紹下我地既住宿(推薦),同埋有我地晚上參觀城堡行程、去人氣餐廳KRČMA V ŠATLAVSKÉ食晚餐既遊記。#yup#


【起步必看】東歐四國行程懶人包: https://goo.gl/Q37F3F
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

下篇:
【歐遊百幾日遊記】東歐四國篇(奧捷斯匈)(八)DAY 4 Cesky Krumlov 庫倫洛夫 (下)夜遊冬日童話小鎮CK小鎮 住在白雪小鎮裡 | Pension Kapr住宿報告(推薦) + 著名地窖餐廳 KRČMA V ŠATLAVSKÉ

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報

 

 

 

 

 

 

 

 

Advertisements

Leave a Reply

This site uses Akismet to reduce spam. Learn how your comment data is processed.