【歐遊百幾日遊記】東歐四國篇(奧捷斯匈)(八)DAY 4 Cesky Krumlov 庫倫洛夫 (下)夜遊冬日童話小鎮CK小鎮 住在白雪小鎮裡 | Pension Kapr住宿報告(推薦) + 著名地窖餐廳 KRČMA V ŠATLAVSKÉ

續上篇:【歐遊百幾日遊記】東歐四國篇(奧捷斯匈)(七)DAY 4 Cesky Krumlov 庫倫洛夫 漫遊冬日童話小鎮CK| 從布拉格前往CK小鎮交通 | CK小鎮美食推薦

template33.jpg

上篇講到係CK廣場既一間酒店餐廳完成午餐後,去到check-in時間,我地就去酒店Check-in 啦!試左好幾次終於成功打比屋主,其實一打佢就聽,只係因為外國電話有時又要加區號,有時又唔洗,有時又要多個零etc.先要試幾次。(所以唔多鐘意打電話),屋主話佢即刻渣車黎,於是我地就係門口hea下。

WM-7585.jpg

WM-7590.jpg

WM-7602.jpg

結冰的水滴

WM-7608.jpg

WM-7623.jpg

WM-7622.jpg

過左陣,屋主黎啦!

Penzion Kapr — CK住宿推薦

Pension Kapr呢間旅館係Booking.com上面,係有9.1/10分——相當高既分數。
當時我地淡季去,一晚 360 HKD 一房連私人浴廁 (1,188CZK),每人200HKD都唔洗,
包豐富早餐,真係好抵玩。

酒店連結:
https://www.booking.com/hotel/cz/penzion-kapr.en-gb.html

WM-7549.jpg
對住河景既旅館,係房入面望出去景色一流。
螢幕快照 2018-05-13 上午12.59.20.png
位置方面,正如上面所講,由於CK實在太細,基本上任何一個地方都方便。如圖所見,距離城鎮中心只需步行5分鐘,而佢附近亦有間士多,方便補給零食飲品~
WM-7624.jpg

IMG_20160117_141402.jpg
(以上為手機相) 門口好有聖誕feel~

一入去係上樓梯既,然後就見到入面有廚房等設施,可以係度煮野食、煲水等。
WM-7640.jpg
當初揀呢間旅館,除左因為位置方便、價錢抵,仲因為見到佢既房好特別——你會見到有D無啦啦有舊大石係房入面,又或者好多木頭,成個感覺好RAW,所以吸引左我地。




(以上3圖為官方相片)

而有趣既係,我地最後入住既房間雖然唔係以上風格,但反而好似仲靚(但當然上面第3張應該大房,唔夠佢黎),我都勁鐘意:
WM-7638.jpg嗚哇,好靚好有feel好溫馨,個窗直望頭先外面個河景架!!有片睇,落緊雪…
https://drive.google.com/file/d/10jYrLk1Bx2l_iHRpbGf882FV1rW6t8Qk/view?usp=sharing
雪花紛飛既情景,好記得我坐係窗邊睇左好耐。
WM-7639.jpg
間房其實好長,我地d野一堆放sofa好影響房容,因為果時諗住純自我紀錄,所以無執好先影[sosad]

WM-7644.jpg
門內有門,房門係打開左果個,勁大。左邊係廁所。呢間唯一一個缺點就係廁所有時會有少少公廁味,所以一定要常關,唔關既話你路過個廁所會聞到陣味。不過好彩有兩層門,可以確保係房入面唔會聞到。其實平時你入去沖涼果d唔會話好臭,係間中先會飄dddd味出黎,同埋唔濃既[sosad]

早餐方面,我地翌日搭車前,屋主已經一早準備好曬早餐,太趕時間我都無影低,因為司機到左,係出面等緊,屋主仲好緊張驚我地會走車咁[sosad]。話說我係呢度食到既croissant係令我念念不忘,仲有我地臨出門口,屋主歡送我地到門口,果句親切、笑住地講既byebye都好令我印象深刻。

話說Check完in其實只係2點幾,不過我地頭先已經行左圈,就無出去啦,打算抖陣先去城堡行,一抖就差唔多2個鐘[sosad][sosad],因為一方面瘋狂搵link睇波(當時有場利物浦既波想睇),另一方面我有d唔舒服(唔係食錯野 唔關食物事[sosad]),再加上以為城堡無咩特別,結果抖完係4點幾[sosad]過多陣就開始天黑[sosad][sosad][sosad][sosad]

出發!出發果下個天仲係白色既。好記得途中見到個當地小朋友,唔知做咩拎住舊雪球好似想掉我地咁[sosad]但佢又無掉,只係扮掉[sosad]然後跑走左[sosad]

我地入左間手信店,佢店面仲寫明可以唱CZK。我地正想唱d,加上佢又幾靚rate,就唱埋。係入面買左磁石,以下係我買左既CK磁石,無冬日版[sosad]

SM-6042.jpg

出返黎,我地出發去彩色塔!個天開始黑。

WM-7648.jpg

但好靚,燈色街燈,雪景,彩色塔…嗚哇,好靚!

WM-7653.jpg

企係度,會有逆光既輪廓。

WM-7656.jpg

:D:D好靚啊CK:D:D:D真係每步一J。

WM_7660.jpg

WM-7675.jpg

係橋呢度睇,成座城堡、彩色塔映入眼簾。

WM-7670.jpg

呢張用左flash,仲有個路入入左鏡。嗚哇,d雪即時好明顯。無錯,其實一直都落緊雪架!

WM-7665.jpg
感覺到晚上既天清左好多。

WM-7681.jpg

仔細睇,會見到d雪落黎既線條架。

晚上(其實只係5點幾)既城堡幸運地仍然「開放」。應該話,其實成個冬天佢都不設導賞團同展室既入場。不過,佢既觀景台、走廊呢d得石頭既地方,似乎係長期開放既——入面根本無職員!!

於是,我地就變左夜探古堡:D因為太黃太黑,我一直都無影相,直至發現有觀景台(我係無上網睇過相,唔知呢度有[sosad]如果知道既我一定唔會天黑先黎啊!!!!!!!

WM-7698.jpg

影得好差我知[sosad][sosad],因為我極無耐性,無特登試唔同角度。當時其實漆黑一片咁濟,千其唔好以為呢度有以上夜景睇,無啊!無架!呢張係我慢快門,少少長d時間曝光先影到架!!
現實係比下圖更暗,而且係黃D:
WM-7704.jpg
我必須比返d現實大家睇,以免有人專程等到晚上上黎睇夜景[sosad]。你肉眼根本唔會睇到咩景,我當時只係感受到遺憾,後悔無早d日光日白時出黎,甚至想聽朝一早起身再黎影相(真係只係想,懶惰既我並沒有咁做[sosad])。

曝耐少少光(真係少少,你睇d noise都知我iso推到好高),再拉光佢,
WM-7702.jpg
唉,不要再說了,日頭一定好靚。
WM-7706.jpg
好可愛既雪人仔,係唔知邊個整既,只有手掌咁大。

城堡,原來我地都行左好入,呢度離彩色塔(入口果頭)已經幾遠了。
WM-7716.jpg
以下係再一張高iso到3200,曝光1秒左右,再LR拉光既相
WM-7712.jpg
多謝科技,令我重新睇到CK城堡高空夜景:o) :o) ,有點驚喜[sosad]
相信係度比d耐性,曝耐d光、低d iso,係會影到唔錯既相。如果唔係黎嘗試影相既,晚上唔洗黎了,你以睇風景既心態黎,只會見到黑色同黃色,不過都幾有feel既,你會覺得你睇緊一個沉睡緊既小鎮。

接住,我地就去食晚餐。話說本來想刻意避開出名果間地窖餐廳,食另一間D人話其實好味d既餐廳,佢位置係城堡呢頭,位於城堡公園入面,叫做Krcma Marketa(係 2018年5月睇返見佢話停止營業[sosad]
Trip advisor上詳情:
https://www.tripadvisor.com.hk/Restaurant_Review-g274688-d1200210-Reviews-Krcma_Marketa-Cesky_Krumlov_South_Bohemian_Region_Bohemia.html

一黎佢係城堡上順路,二黎唔少人話佢無咁出名,但好味好多,於是就targer佢。
不過…
螢幕快照 2018-05-13 下午9.48.02.png行完紅、橙色虛線,去到啡色位發現,果度有個閘關左,根本入唔到公園,無辦法穿過公園行到黃色餐廳果度[sosad]頂…行到咁入先知[sosad][sosad]於是我地順路慢慢行d梯級路落返去CK鎮中。

最後,我地都係廢時亂入,所以行到去出名既地窖餐廳,試試佢[sosad]

KRČMA V ŠATLAVSKÉ

WM-7720.jpg
呢間地窖餐廳係 CK非常出名,似乎變埋CK既行程之一!今晚我地都決定試一試。
因為當時只係6點零,其實好早,加上晚上可能無咩遊客,入面好多吉位,我地可以直接入去!中午黎既時候入面FULL到店員直頭話只限預先訂座既人。

入到黎,的確係幾好feel,整到成個山洞咁。我地叫左個烤豬手,仲有雞翼粟米。
WM-7724.jpg

好!巨!型!大過隻手!!成把刀插住serve,好有氣勢。:D

WM-7726.jpg
仲有粟米、雞翼。
呢間餐廳既菜式基本上都係味道偏重,所以其實幾啱我地:D 之前對呢個餐廳無抱咩期望,因為台妹越捧既野我地就越驚伏[sosad]。試過之後,覺得其實唔錯,係個豬難切左d,但食落係幾好架。因為份量好多,豬味都唔輕,所以食到後期會開始覺得漏,絕對絕對要share食。整體黎講呢餐都係滿意!並無覺得伏,可以一戰。:D

食完後,我地就去附近士多仔買D果汁,好早返去休息,迎接聽日既另一個旅程重頭戲—Hallstatt:D

下篇:【資訊 交通攻略】東歐四國篇(奧捷斯匈)(九)Hallstatt 哈爾施塔特:Cesky Krumlov到Hallstatt交通 — 推薦超方便CK Shuttle / Bean Shuttle + 冬天乘搭實況報告


歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報
Advertisements

Leave a Reply

This site uses Akismet to reduce spam. Learn how your comment data is processed.