【歐遊百幾日遊記】東歐四國篇(奧捷斯匈)(十)DAY 5 Hallstatt 哈修塔特 哈爾施塔特 白雪滿蓋的仙境——Hallstatt (上)| 冬遊Hallstatt 每一步都係一個Postcard景 + 提防難食高級餐廳

上篇:CK 到 Hallstatt交通
【資訊 交通攻略】東歐四國篇(奧捷斯匈)(九)Hallstatt 哈爾施塔特:Cesky Krumlov到Hallstatt交通 — 推薦超方便CK Shuttle / Bean Shuttle + 冬天乘搭實況報告

template36.jpg

我地終於黎到今次旅程最最最重點——Hallstatt!位於奧地利既Hallstatt號稱世上最美小鎮,每年暑假都吸引世界各地既遊客黎呢度旅遊。而今次,我地就係佢既淡季冬天黎,雖然叫淡季,但你能見到既、感受到既絕對係比起夏天係過之而無不及——呢個小鎮係冬天時既雪景係瘋狂級數,絕對係一步一感歎,更重要既係,呢度四圍都無咩遊客,你唔會見到一團團既人同你爭位影相、攝鏡啊!!

上篇講我地搭CK shuttle / bean shuttle黎到Hallstatt。進入Hallstatt要經過一條隧道,隧道一出…哇,好好好多雪山啊!!!

WM-7794.jpg

見到呢個湖山景,真係已經係咁哇哇聲,但d相真係顯示唔到佢個雪山景…

WM-7793.jpg

真係真實仲靚過上鏡,仲要無乜人,唔會成排人係度影黎影去,嘈黎嘈去。見過唔少人話覺得Hallstatt無傳說中咁靚,或係指夏天吧,因為呢度冬天真係痴線的!!!

呢幾日,呢度好似成個鎮得十幾人咁(但我都撞到個我識既人[sosad])。本身想係度影下相先行,但真係超級凍,所以狗衝去搵民宿settle完先正式出發!

WM-.jpg

好有聖誕節既感覺,點解可以係無刻意設計、鋪排下形成一個咁靚既小鎮…

WM-7730.jpg

呢個係我地既旅館,好推薦呢間住宿!佢叫做 Haus Höll Herta,詳情同Hallstatt 住宿選址攻略可看【住宿資訊】奧地利 Hallstatt 住宿攻略 及 分享 Haus Höll Herta 住宿體驗

WM-7731.jpg

我地間房外既景色,就係呢座山

WM-7732.jpg

佢其實係有個纜車上去上面,前往鹽礦,不過冬天就無得去了。

WM-7736.jpg

呢度真係超凍,好彩間民宿個位都幾易搵,又幾近車站,亦都好彩屋主係入面,因為一落車真係好凍好凍,應該係-7度,我地著左唔算好多衫,絕對要返去打多件底。

我地放底D 野,做好保暖裝備。

其實我地著既好少、好薄,唔係一舊糉咁,
只係外面一件防風防雪既Aigle褸(入面連層超薄羽絨)
入面著2件Uniqlo既extra heat-tech(0度或以上一件就夠)
加件普通冬天面衫
下半身就係heat tech褲加雪褲——呢個唔洗貴,就算淘寶都可以搵到極好用既雪褲
(我果條坐係雪地都唔覺凍)
Merino羊毛襪  + Timberland 最常見果款鞋

而冷帽、頸巾、手套(旺角50蚊對,外面冷線,連內層絨布果種)就基本啦。
就出發啦!

WM-7737.jpg

沿路d雪都堆到好厚,所有屋仔都變到好可愛。

WM-7741.jpg

呢個世界好似只有白、啡、藍咁。

WM-7742.jpg

四圍都係無人的。

WM-7745.jpg

係雪既點綴下,每一個巷仔都係一個靚景。
WM-7746.jpg
仲有人整左個雪人,好得意!我地當然又走埋去扮佢影相[sosad][sosad]。我地都話要整返個我地既雪人,哈哈哈。留意後面仲有棵自然既聖誕樹

WM-7751.jpg

呢度就係近巴士站果頭,因為係公路,所以d車比較啡[sosad][sosad]

WM-7757.jpg

出發第一件事當然係搵野醫肚,一出到車站就見到有好大既超市,物價正路歐洲價,而右邊係遊客中心。全部屋頂都有大大舊雪。

WM-7759.jpg

仲有間漢堡包店。呢個範圍未有其後野食,所以我地先買個包食,

WM-7758.jpg

呢間係一間你黎到Hallstatt一定會見過既漢堡店。我地就係度食我地既午餐喇。

WM-7763.jpg

五歐左右,初頭覺得好似有D乾,但呢個包神奇既係越食越Juicy,隻雞扒都相當唔錯,所以總括黎講係幾好味,而且絕對係全鎮最抵食既一餐——自己經驗同睇人地報告都發現,呢度d餐廳多數又貴又唔好味[sosad]。之後會再講

由於唔打算塞飽個肚,所以我地買一個一齊食,然後繼續行。

WM-7766.jpg
沿途見到d手信店都會停低睇下,尤其係磁石同Postcard。呢度既水彩畫真係好!Q!靚!完全係我最鐘意既風格WM-7768.jpg

於是我買左個月曆畫,到而家仲用緊呢個2016既月曆

WM-7769.jpg
呢條就係hallstatt條街,基本上Hallstatt好細,如果唔係影相,純行一圈既,你一個鐘內就可以行完。因為好似成個hallstatt係得呢條沿湖打直落去既街。

WM-7771.jpg

呢個時候好似好多店都關左,得幾間有開,亦好少人,成條街得幾個人。

WM-7781.jpg
雖然話有D冷清,又因為咁先有隱世童話小鎮feel 。呢度係黃、啡、白既世界。

WM-7782.jpg
個路牌被人畫左隻公仔。

WM-7790.jpg

好靚啊

其中一間開左既就係呢條街既街口一間甜品店之類既店,入面都幾靚。唔知點解無影相,應該因為溫差太大,入到去鏡頭起曬霧影唔到。[sosad][sosad][sosad]

我地叫左個蘋果批,唔知係咪奧地利d特產黎既黎,接住幾日係奧地利都成日見到呢種樣既批,包住蘋果或者吉士,都唔錯,呢度係個避寒好選擇。

WM-7795.jpg

你亦可以行去湖邊既路。

WM-7796.jpg

之後我地繼續行,都係得幾間手信店開,每間都入去行一輪咁。雖然無野行,不過都無所謂,黎得既都唔係黎購物架啦,當然j個靚景啦。

WM-7798.jpg

太陽好勁,照到個雪山都變金色。對比太大,影唔到好平均既光哈哈。

WM-7807.jpg

呢邊就得左啦,好有聖誕氣氛!!!!!
我真係好鐘意呢度望向邊都係大雪牆,呢度d雪山唔係一野一大舊白色,而係一層層咁,好型。

WM-7808.jpg

黎到呢度,又要講真係好凍,男朋友話佢對鞋底唔夠防凍,著左羊毛襪腳板底都仲係勁凍,而我對Timberland果然係上山下海良品,遇到雪地都好保暖,隔熱做得好好。

WM-7809.jpg

WM-7812.jpg

呢條路行落直頭有種感覺係成個Hallstatt 得我地兩個,真係無人咁濟(間中先有一兩個例如上圖咁經過),所以你瘋狂set機影相都得,唔會有人行黎行去。

WM-7822.jpg

WM-7823.jpg

之所以咁好行,都因為有佢!

WM-7846.jpg

個湖同d雪山再加埋呢d建築,全部都超靚,靚到有種好唔真實既感覺,而且好寧靜,間唔中有d鴨叫,或者d雀飛過拍水既聲,真係好似係幅畫或者夢境入面咁。

WM-7837.jpg

呢d木屋好型啊!!

WM-7833.jpg

WM-7847.jpg

WM-7844.jpg

湖邊有間手信店,我地入去兜左個圈,雖然我地係呢間手信店買唔到野,但店主都同我地吹左陣水。佢話我地好好彩,因為呢日係Hallstatt近來最好天同最靚既——前幾日先開始落大雪,而呢日就停左雪,只會有時有d雪花咁,所以我地一黎就見到曬雪景,但又有藍天、唔洗捱大雪,係最理想既!聽完真係覺得我地好好彩,仲以為冬天黎日日都會咁靚!

之後佢聽到我地去布拉格但竟然無飲過當地啤酒,係度擺個扮嬲姿勢[sosad][sosad],示意:「唔係呀嘛有無搞錯」[sosad][sosad][sosad],無計了,我地真係唔飲酒的[sosad][sosad]

WM-7868.jpg

每行兩步就瘋狂影下相,因為真係每一忽都係靚景。呢個黃光雖然令我影相時有d苦惱,但發現佢係個幾好既點綴。

WM-7871.jpg

呢度既木屋好Raw。而行到遠d,開始近市「中心」,呢度就比較多有規模既酒店,顏色都鮮艷D。

WM-7887.jpg

好靚好靚好靚好靚!!!聖誕節果時,唔知呢棵樹會係點樣既呢。
市中心呢度係最多靚景既。

 

WM-7920.jpg

小廣場既另一個角度。完全無人架哈哈哈。

呢頭亦有幾座教堂、上面果d其實好多係因為冬天而無開既店仔、餐廳。

WM-7924.jpg

呢棵樹好大啊!

呢度仲有個高D既位係特別多雪,睇黎本來係個公園仔,個位好適合係度堆下雪人、擲雪球,我地呢幾日都有黎玩,晚上真係完全無人,得我地慢慢玩雪球戰。

我地入左一間係公園仔(圖中右邊)既隔離(圖左)、比較大既手信店,

WM-7983.jpg

入面有好多好靚既Postcard。
2018-05-29 14.46.05

有白雪版架!不過兩張都被我地唔知幾時壓皺左[sosad]

亦有D水彩畫風既Hallstatt,我都忍唔住買左本百幾蚊既Hallstatt水彩畫月曆!
2018-05-29 14.46.112018-05-29 14.46.09
即使我知自己唔係一個真係會用掛曆睇日子既人,但都買左,當掛畫已經好好了——有成12幅。我到兩年後既今日都仲掛緊佢。

2018-05-29 14.46.182018-05-29 14.46.172018-05-29 14.46.152018-05-29 14.46.13

#love# #love##love# #love#

開心買完野就繼續亂行Hallstatt。

WM-7926.jpg

呢個位有一個碼頭,我地第3日就係係度搭船過對面既火車站搭OBB走了。

WM-7944.jpg

呢個教堂,就係超級postcard景上面果個高出黎既教堂啦,postcard card景我地會聽日先睇(其實上面就係[sosad][sosad])。

WM-7948.jpg

WM-7923.jpg

頭先個廣場後面,行行下會見到呢個洞,入面沿路一直行就會見到postcard景…其實我地唔係特登唔上去睇,只係因為我地無點做research,初頭唔知呢度上去有得睇,所以day2先發現。[sosad][sosad]

WM-7928.jpg

Day 1  我地係係度影住先相先咁,呢個位都靚。

WM-7945.jpg

又係黃、啡、白既世界

WM-7949.jpg

好靚既雪山雪山雪山

WM-7965.jpg

碼頭

WM-7970.jpg

金黃色既陽光

WM-7971.jpg

之後我地係碼頭附近hea。呢度有好多鴨仔、鵝、鴿,而且係飢餓既鴨仔、鵝、鴿,你求其掉舊雪落去佢都撲曬過去[sosad] [sosad]  玩弄左幾次後,我地決定入去呢頭一間餐廳混合超市既地方買一買包餵下佢地。買包唔洗太高成本,係好cheap又臭既麥包類排包[sosad][sosad],一歐都唔洗就有極多,但我地就玩得好開心[sosad],瘋狂餵(玩弄)d雀[sosad]

WM-7971.jpg

本來呢度得一少群,無啦啦好多鴨啊雀四方八面湧曬埋黎,好似識call o靚咁變左好多[sosad][sosad],仲見證左弱肉強食既動物界[sosad],總有幾隻飛得快d狼d既雀會攔截曬d包[sosad],被霸權恰得多既我當然要幫下同類們,特登掉準d同快d落d鴨仔度,等隻雀無飽飯食。

我地就係咁一路玩一行返返去。

WM-7993.jpg

WM-7994.jpg

WM-8019.jpg

繼續玩雀,玩到飛曬過黎[sosad][sosad]

WM-8023.jpg

WM-8024.jpg

WM-8027.jpg

WM-8040.jpg

WM-8041.jpg

WM-8052.jpg

有排你影[sosad]

WM-8053.jpg

排曬隊咁。如是者玩下又影下,我地玩左個幾鐘,呢一歐真係洗得好抵![sosad][sosad]

一路玩住行,好快就行返到hostel果頭喇。

WM-8133.jpg

WM-8136.jpg

玩完天色已經開始暗,但其實只係4點幾5點,於是我地決定返去抖下,玩下牛頭王[sosad] [sosad] ,今晚再出去搵食。

中伏貴晚餐 – Restaurant im Seehotel Gruner Baumxx( xx(

呢度想警惕一下大家一個伏xx( xx(,不過因為相機手機都無電,所以無影相,純文字報告。[sosad]

話說晚上我地想好好地、舒服咁食一餐,於是上 trip advisor搵美食啦。
我地就見到有間全Hallstatt排名第一既 Restaurant im Seehotel Gruner Baum
佢係呢頭一間酒店既餐廳黎,環境好好,我地頭先都有經過望到入面好靚,
日頭去個窗望過去大大片湖景,好似好高級咁,於是一見到原來佢排第一,緊係要試。

晚上去到,氣氛真係好好,晚上比較昏暗,有曬燭光晚餐咁,所以非常有好感。

然後,我地叫左兩碟意粉,好期待咁等佢地黎。而實際上係咩意粉…真係唔太記得…好大程度係因為兩碟都無味:o) :o) :o)所以根本唔知自己吃左咩意粉:o) :o) :o),只記得其中一碟有隻蝦,但真係又無味又乾,成碟意粉只有意粉、蝦同野菜,然後…無啦:o) :o) :o)無醬的,完全無味!好似用水白烚完就拎出黎咁…兩碟都係呢個質素……每碟起碼15歐。酒店餐廳喎:o) :o) 點解我唔去食旅館出面個burger算…??:o)  :o) 我肯定你自己去超市買麵條、即食醬都會好味過佢:o) :o)

最搞笑係我地係兩日後撞到個fd,佢又係被trip advisor fake左黎食[sosad]而且中得更甘 [sosad]佢話佢叫左個幾貴既牛扒,點知件扒係浸係水入面咁serve出黎[sosad][sosad]張相好癲,塊扒變到好似去食日本拉麵果d豚肉咁[sosad]笑死[sosad][sosad]痴線餐廳[sosad][sosad]

我唔明點解佢會排第一![sosad]不過 Hallstatt 呢頭食野真係無咩選擇,但點都好,唔好入黎呢間門面靚,但賣無味食物既餐廳!

第二日Hallstatt既行程,我地會去睇Hallstatt必去postcard位影相,同埋砌雪人#love##love#

Hallstatt Day2 續: 【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位


【起步必看】東歐四國行程懶人包: https://goo.gl/Q37F3F
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:
https://mangotofufa.wordpress.com/

匈牙利 遊記:
布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品
斯洛伐克 遊記:
布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報
Advertisements

Leave a Reply

This site uses Akismet to reduce spam. Learn how your comment data is processed.