【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】

template43.jpg

上篇:【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館

離開英雄廣場一帶既博物館後,我地就去地圖中比較中心位置既景點啦。

todoviennamap.jpg

我地接住既行程係去Naschmarkt,亦即 納許跳蚤市場 或 中央市集。唔知點解係去之前,我地搵野食搵左好耐,明明下一站去果度就成個food market咁[sosad]。我地果時太餓,用左一個叫「4square」既App 搵附近最近有咩餐廳,再揀左間賣一種幾特別既餐肉夾包既店,味道幾特別,個樣係好平滑既餐肉咁,但味道就係係腸、餐肉、火腸之間既味,唔知有無人都試過呢,我地無影相[sosad][sosad]。之後我地就行去個市集度。

WM-8818.jpg

WM-8819.jpg

陽光陽光陽光

WM-8821.jpg

離開博物館一帶,就會多d現代建築。

WM-8824.jpg

當時唔知呢個有個金球係頂既係咩建築黎,原來係個當代藝術館(Contemporary-art museum )黎。其實呢個時候應該三點幾,但個天已經就黎日落咁款[sosad]

WM-8827.jpg

算係呢個城市入面比較細既博物館啦。

WM-8828.jpg

d雲好型

WM-8829.jpg

呢座建築幾靚,加埋d金光閃閃

Naschmarkt  納許跳蚤市場 或 中央市集

WM-8831.jpg佢隔離就係個市集喇!一見到佢就叫左出聲,因為我地重遇魚魚Nordsee啊!!!!#love# #love# :P

WM-8835.jpg
原來我有影到d價位。Nordsee除左叫d薯啊、包啊,仲可以叫食送咁砌成一碟。

WM-8837.jpg
男朋友話我應該把握機會試d新野,但我太鐘意d薯角,好驚錯過左就無得再食,所以都係堅持買左[sosad][sosad]唔緊要,我地仲可以食到其他野架嘛~:P
#love# #love# :P#love# #love# :P今次除左薯角,仲叫左炸蝦,不過印象中d炸蝦就無咩特別,都係薯角好味d#love# #love# :P左邊見到用好似新地筒既野裝住d醬,果個真係好似雪糕筒果d咁,係可以食埋架。

WM-8839.jpg
呢個market好多水果檔、腿、香料店、仲有唔少小食、d手信店。

WM-8844.jpg
買左個 奧地利包 夾住一個成舊獅子頭咁既漢堡肉~唔太記得咩味 [sosad]

WM-8845.jpg
有d似頭先提到果種ham

呢度d人都幾鐘意r水吹,路過d店員都係度同你打招呼問你邊度黎,吹兩句(唔係sell野)
我地係其中一間手信店買左個我好鐘意既磁石!!!
IMG_6050-2.jpg呢個磁石第一眼見好似一塊糖果咁,實物仲靚架!! #love#
不過上面竟然係我地無去既美泉宮[sosad][sosad]
好記得個老闆娘係個嬸嬸,係咁同我地講野,仲話自己去過香港,好友善:P
順帶一提,我係自然史博物館都買左兩個磁石[sosad][sosad]
IMG_7756.jpg
因為真係幾鐘意個館,加上一pair咁買又幾型,就買左班馬同長頸鹿:P:P成個館都係動物,配合返!:P呢幾個就係維也納既紀念品收穫:P

WM-8848.jpg

個market唔算好大,但又唔係話好細,總之唔係要行幾粒鐘既市集黎,但又未至於幾分鐘睇曬。
唔經唔覺,就行到盡頭啦。

WM-8850.jpg
右手邊…有中文字[sosad]個窗度睇落,呢間好似賣緊瓷器?

WM-8854.jpg
一路行回頭路,d店都開始閂舖。個天又金左一個層次。

Karlskirche 查理教堂

下一站,就係有諗過去但無特登去,不過又唔小心路經既地點。
WM-8857.jpg

佢係 Karlskirche 查理教堂,從些少金色既裝飾可見,係一座巴洛克教堂,唔係特別大或奢華,佢最特別既位就係上面拉長左既橢圓頂,同埋門前兩座有浮雕既巨石柱。呢日呢度真係好似普通小社區咁,無乜人。

WM-8879.jpg

呢頭有個公園仔,好多香港已經無得玩既公園設施。:P

WM-8883.jpg

未玩過呢舊野,比想像中難上,上左又比想像中難落黎[sosad][sosad][sosad]好彩上果時無反艇[sosad][sosad][sosad]
佢令我聯想起以前見過既呢張相,
螢幕快照 2018-06-18 上午11.17.45.png
對張相印象好深刻,因為覺得張相好浪漫,但我地兩個巨人就做唔到呢d畫面啦[sosad][sosad]

WM-8887.jpg

之後繼續亂遊,向住維也納既St. Stephen’s Cathedral出發。

WM-8890.jpg

WM-8894.jpg

St. Stephen’s Cathedral坐落於維也納既H&M街(呢個係我地對每個城市好多店舖既市中心大街既統稱[sosad][sosad]呢d街總有一間H&M, Body Shop, F21),最近呢個位既地鐵車站就係Stephansplatz

WM-8895.jpg

佢比我地想像中大座,都真係幾型,加上哥德式建築既氣勢真係勁好多。

St. Stephen’s Cathedral 聖史蒂芬天主教堂

WM-8899.jpg

St. Stephen’s Cathedral當時係度修復緊。其實佢係羅馬式同哥德式既混合物,因為係12世紀建造既時候,個設計係羅馬風格,同好多歐洲其他教堂一樣,後來逐漸被改建成哥德式,以令教堂同天空(神)既距離拉近。

佢係可以進入既,我係入面無影過相,出返黎,已經天黑了。

WM-8924.jpg

遠處都見到高聳既教堂高塔。

WM-8925.jpg
晚上Vienna 市中心既Stephansplatz,係我地全日見到最熱鬧既地方。

幾特別既走廊,聯想起旺角都會有d商場底部有d兩邊係商店既通道比人過對面街。但呢條當然靚好多[sosad][sosad][sosad]

WM-8918.jpg

行下行下,就到左晚上行程既重點Vienna State Opera House 維也納國家歌劇院 啦。黎到維也納,好多人都話一定要係度睇返場歌劇。

Vienna State Opera House 維也納國家歌劇院 【攻略】

WM-8938.jpg

入內睇一場歌劇,可以好貴,你會見到坐廂座、台前果d人個個都好似名門望族,著到靚一靚,入黎一齊睇場歌劇social下咁。以下係係咁依網上見到既票價
(傳統因素,7、8月無歌劇睇,只有交響樂睇,而且唔係呢個場睇)。

螢幕快照 2018-06-18 上午11.48.42.png

如圖所見,最最最平都要 72歐,不過不過,作為純粹想見識下既遊客,其實係可以唔洗5歐都可以係入面睇到歌劇!!!但就辛苦d,因為係企位黎。

viennaopera.jpg

睇下!只需3歐(好似學生票3歐,正價4-6歐唔肯定)!!就睇到一場係著名既維也納國家歌劇院既歌劇表演啦!點樣可以買到呢?
根據我地2016年1月既經驗,係正常你見到既公開售票處,或網上,都買唔到呢種企位票,
我地係5點幾開始圍住個歌劇院同周邊轉左3個圈,問左好多人,都將我地點黎點去唔知點左去邊,仍然係搵唔到買3歐門票既售票處。而家Google Map上係見到一個VIENNA-TICKET Pavilion at the Staatsoper,而家我就唔知啦,但當時我地係無呢個counter 或者 有都買唔到,或者直頭關左(夏天7PM關,冬天可能早d?唔知,但的確唔係係度買)。

螢幕快照 2018-06-18 下午12.02.30.png

而我地最後成功買票既位,並唔係呢度,而係係Opera House建築物之內,係House既正面望落去,佢既左手邊,從佢好似後門咁既門(到開演前90分鐘就會有個牌放係通道門口指示買票)(睇返網上資料直頭話頂部係長期有個牌寫住「Standing Area」),進入會見到一條好似香港商場去廁所果d走廊,入到去你會見到已經排緊長龍,就係果度喇!(如果你遲去,人龍已經排到出面了)跟住排就得,先到先得,佢個好up dup既售票處就係入面喇。

我地係開賣前一段時間(開show90分鐘前)已經到左,連埋開賣後既flow,應該都排左起碼半個鐘到九個字,最後成功買到呢張3歐學生票(正價4-6歐,唔肯定,但一定唔會貴)。
網上資料見到,每個人限購一張!!!唔好派代表幫手買!!!

viennaopera.jpg

我地今晚呢場係Salome 莎樂美,晚上7點半開show,買完都仲有起碼一個幾鐘要hea,於是就去搵食啦。

由於我地仲有d意粉係airbnb,亦預左之後幾日都唔會煮野,打算今晚一定要返去煮埋d意粉,所以今餐我地只係搵d野頂下肚,今晚睇完歌劇再煮。於是我地就亂入左間中菜快餐,求其叫左d燒賣、炸香蕉之類既食物。我地只係黎左歐洲唔夠十日,所以未有果種「有中菜落肚好感動」既感覺[sosad][sosad][sosad]中菜快餐店店員好似話係台灣人,識少少廣東話,幾熱情。

食完後,我地就入歌劇院參觀下啦。(以下既相當時set錯白平衡,執極都執唔返正常既色[sosad]
WM-8939.jpg
一入去,會見到呢個大堂、大走廊,其實入面燈光好暖,睇落幾華麗,不過當時無set好,而家搞完一輪,d相變左好沉色:o) :o)無左個華麗感。
WM-8942.jpg
呢個位應該係個打咭位黎,好多著到靚一靚既人係呢個位自拍、合照。真實係好有high-class感既,不過d相比我搞禍左[sosad] [sosad]
WM-8943.jpg

歌劇院入面仲有個位係high 下tea咁,入面成班有錢佬係度social

差唔多7點半,我地就入場啦!

WM-8950.jpg

呢個就係企位既視覺[sosad] [sosad]都幾遠,不過都睇得清楚既。前面有個欄比你挨住卸下力。相中當時個幕未開,仲有張畫係度。唔少人一早入場將d頸巾果d繞住個欄黎霸位,之後閃左唔知去邊。

WM-8951.jpg

就黎開場,張畫就會收起,就見到紅幕啦。圖中頂頂果d係字幕機,因為歌劇係用德文唱,外國人就可以睇字幕機既英文啦。不過對我黎講,係完全用唔著,因為你無可能睇住個係咁低位既人唱歌做戲既同時會無啦啦望上頭頂去望極細粒既字,去理解佢地唱乜[sosad] [sosad]而我地本來完全無睇過 Salome既故事,亦無溫定書先知下個故事flow,所以全程我地都係唔知套劇d人做緊乜[sosad] [sosad][sosad] [sosad]

套劇開始後,就無得影相了#yup# #yup#我地睇到中場休息就走左[sosad][sosad]因為真係太太太攰,好似企左成粒幾鐘[sosad][sosad] 其實如果我坐左全日先去睇應該企到,但我地行左全日館、景點,所以企唔到咁耐[sosad] 所以就提早(其實都唔早,都8點幾9點)離場,無睇曬就走左(事後睇返個plot先知原來之後會斬頭、除衫[sosad][sosad])。

所以,強烈建議未睇過個故事既話,唔好當睇戲咁,而係要自行劇透,輕輕溫下書先,開場前先wiki睇下成個plot,等自己一路睇都估到佢大概發生緊咩事,有咩經典劇情,先知劇情發展到邊個位,否則你係完全唔會睇得出做緊乜,投入唔到係套劇,只會好似我地咁覺得:做緊咩…到戲玉未…好腳軟 [sosad]

下篇:
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (Bratislava, Slovakia) 交通

【起步必看】東歐四國行程懶人包: https://goo.gl/Q37F3F
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:
https://mangotofufa.wordpress.com/

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報

 

Advertisements

Leave a Reply

This site uses Akismet to reduce spam. Learn how your comment data is processed.