【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (Bratislava, Slovakia) 交通

template44.jpg

維也納一日遊 行程:

【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】

Vienna 第2日既行程其實只有一個,就係去百水屋:下圖右手邊既地方。

todoviennamap.jpg

Check out後,我地首先係樓下求其搵野食,入左係正樓下既中菜餐廳,印象中係叫左d餃子、炒麵之類,平平地解決個午餐。

接住,因為airbnb check out後無得放行李,而我地去Bratislava既車要5點幾先到,所以我地就要搵個locker寄存行李。但係,地鐵細站係唔會有lockers,於是我地就問職員邊個站會有,最後就去左果個站(已經唔記得邊個)放行李。

係歐洲租用一個locker放背囊,一般4-5歐會租到一個細;大D既行李就可能要6-8歐。所以行李大又多既話,其實有時比多少少錢住酒店,行李鐘意check out前後放到幾時拎都得,最後個價分分鐘都同airbnb+寄存行李差唔到幾多,但就舒服、方便唔少(我又貼錢做酒店打手[sosad][sosad])。

WM-8956.jpg好長既巴士,呢度好常見。

WM-8960.jpg
今日個天勁清。

頭先講過,今日既行程只有一個,就係去百水屋,咁其餘時間我地做左乜呢?因為突然好想食雪糕,而Vienna冬天好多雪糕店都係唔開既,所以今日我地就展開左雪糕hunting既行程[sosad]——我地用Foursquare(呢兩日成日用呢個app),揀雪糕,佢就會list out一堆最近既雪糕店。其實呢個app都唔錯,可以根據你既位置去推薦你想搵既野,去旅行想搵超市、藥店、雪糕、餐廳都可以用佢,佢仲有寫埋營業時間、用戶評分等。

不過,有d營業時間係未必準——例如一間雪糕店夏天係如佢所講開10am-7pm,但冬天完全唔開店呢樣,佢就未必會寫出黎。於是太得閒又太想食雪糕既我地就跟住4square搵雪糕店,亦摸左好多門釘[sosad],越玩越刺激,因為我地不斷抱住一絲希望等奇蹟發生,係度一路行一路揭曉答案!

途中又撞到 Nordsee,好多bell#yup#

WM-8966.jpg

講真快餐黎講呢個賣相真係有板有眼,除左個魚包……[sosad][sosad]

WM-8967.jpg

我地又買薯角了[sosad][sosad](佢夾緊[sosad]

一路食住行,行左五、六間關門既雪糕店後,就黎放棄之際,奇蹟終於發生啦#yup# !!我地終於係近查理教堂搵到一間開門既有賣雪糕既店#yup# #yup##yup# #yup##yup# #yup##yup# #yup#!!而且係超熱鬧既一間#yup# #yup#

Gelateria Castelletto

螢幕快照 2018-06-19 下午10.51.15.png

呢間店叫做Gelateria Castelletto,係一間甜品黎,亦有賣餐飲,入面有個好大既雪糕櫃,超多當地人帶埋自己d寵物入黎high tea傾計,非常旺。

我地搵到位後,就叫左個5球既雪糕杯——搵得咁辛苦緊係要叫多d,慰勞返[sosad][sosad]

WM-8973.jpg

超抵,呢個雪糕只需要5-6歐左右! :P 仲可以坐低慢慢歎 :P 。有咩咁好?因為好多歐洲餐廳都會趕走d只買雪糕既人,剩係比叫食物、飲品既人坐入面。

呢個雪糕杯有yoghurt、香蕉、士多啤利、檸檬、西瓜味,當中我超超超鐘意佢個乳酪味 :P  :P  :P  :P ,檸檬味就真係極酸哈哈哈,要混埋香蕉味先好d。

接住,其實已經兩點幾,但百水屋係同一陣個巴士站果邊近d,而佢地兩個都離市中心呢頭好遠,果度又無乜野睇,所以我地打算4點零先去百水屋,於是就去市中心hea啦,睇到日頭版本既Vienna中央大街。今日天氣比琴日好得多。

WM-8978.jpg係呢個幾鐘我地做左乜,都唔太記得 [sosad],只記得有d Gypsy派花黨係度四圍「送」花,我地當然就唔理佢地啦。

WM-8980.jpg

WM-8984.jpg

random街景

WM-8985.jpg

百水屋最近既地鐵站係Wien Mitte、Landstraße或Rochusgasse,但3個都其實唔係真係好近,到站後行9-12分鐘後先到既。

見到了,呢個係佢既側面——係咪好頹[sosad][sosad]

Hundertwasserhaus 漢德瓦薩之家 / 百水屋

WM-8992.jpg
Hundertwasserhaus既設計師 Hundertwasser係一個藝術家,夢想係建一座「與植物一起生存的家」,歐洲各地有唔少佢設計既特色建築。圖中呢座,其實係一座有53間屋既公屋,係1977年既維也納市長邀請Hunderwasser(以及建築師Josef Krawina)去設計既。從圖中見到,百水屋上面的確有唔少樹係建築物度伸出黎,相信佢已經夢想成真喇。

百水屋呢個名,有無意思架呢?其實同個設計無關,而係漢德瓦薩Hundertwasser另一個譯名「Hunder – 百」;「Wasser – 水」,所以漢德瓦薩之家、百水屋都係用佢個名黎命名既屋。

我自己鐘意叫佢百水屋,因為比較呼應到佢作為住宅(百姓),又同自然共存既精神。

WM-9001.jpg

雖然間屋個名係百水先生既,不過其實法律上,呢間屋係由建築師Josef Krawina同百水先生合力創造,並非百水一人擁有呢個作品。

其實如果對奇怪建築唔係特別感興趣,又無乜時間的話,我認為唔洗特登黎,因為唔係D精彩到唔睇好可惜既景點。呢個地方我本來以為個牆會顏色鮮艷,點知實際上比想像中淺色好多,同埋好似唔會影到下圖呢種角度,
螢幕快照 2018-06-19 下午11.04.56.png
因為其實佢對面有橦樓,影呢個角度要行到對面樓入面/天台先會影到,我係地面用廣角鏡都完全影唔曬。

WM-8999.jpg
真實望,我唔太識得欣賞呢座建築,你可以做既都係係外面睇下、影下,同埋入佢手信店買紀念品,特登黎一黎就唔太值得。特別係冬天,你只會見到枯枝,感覺太頹啦,有點恐怖。如果係夏天,見到好多綠葉係座建築度,應該會好睇好多!

WM-9004.jpg

佢係幾特別,但講唔上美觀,不過有d人係鐘意呢d風格既建築(例如我男朋友[sosad])。

WM-9007.jpg
上圖左下角由正常屋突變成彩色屋呢下我就幾鐘意,幾得意。

WM-8993.jpg
手信店入面賣既都係好彩色既畫作。
WM-8994.jpg
男朋友仲見到手信店既中下方呢張相後念念不忘,最後仲用廿歐買左佢返去,佢話佢係呢張相度睇到夢想[sosad][sosad][sosad][sosad][sosad][sosad]。不過,呢張相係幾靚既,起碼一定靚過是日見到既實物好多!與其話係相,不如話係畫,因為真係好假。[sosad]

IMG_8998.jpg

地面呢層仲有得落去basement,都係手信店,幾靚既,但我竟然無咩影相,下面仲有個廁所,d室內裝飾都係幾不規則既風格。不過廁所內部就係正常風格啦[sosad][sosad]

WM-9017.jpg

如果好鐘意呢種建築既,你除左黎呢度,仲可以去埋附近既維也納藝術之家,都係百水既作品,亦都係呢種奇怪風格,入面仲有百水既常設作品展覽,可以一次過睇到佢既其他作品。
螢幕快照 2018-06-19 下午10.58.12.png

睇完百水屋,都開始天黑了,我地係超市買d果汁後,就準備去搭車喇。

Vienna – Bratislava 交通

由Vienna 去 Bratislava,只需搭1小時既巴士,我地搭Flixbis,票價係7.5歐一人,係各大巴士網都輕易搵到車。
【歐遊新手必看攻略 尋找歐洲交通、車票方法】歐遊交通起步攻略 (巴士、火車、機票、渡輪)

今次我地既上車站係
Vienna – Vienna Erdberg (VIB) – Vienna International Busterminal
咁樣睇離中心都好遠下,不過從百水屋搭地鐵去,其實只係15分鐘車程。
呢度有大量國際線既巴士站。
螢幕快照 2018-06-19 下午11.53.38.png

落車站係
Slovakia (Bratislava) -Bratislava Novy Most,即係多瑙河既橋既古城端。
我記得落車時係係橋底咁上下(下圖紅色釘位置),我地就係果度行去我地酒店 (Loft Hotel Bratislava),行左19分鐘[sosad][sosad]。不過如果住入Old town內,其實行8分鐘都到了。

螢幕快照 2018-06-19 下午11.49.05.png

呢程巴士全程 1小時 ,到Bratislava時,係晚上7:35,當時天都黑曬,由車站去酒店,途經古城,四圍都有唔少人,古城出面係 H&M街(現代化既購物街),果度勁多人係度玩,好多都係黑人青少年,不過佢自己玩姐,架電車開果時跳上電車尾,架車行幾步後又跳返落黎[sosad]做乜鬼[sosad]

下篇,會講我地到埗後超超超好味晚餐,以及我地係Bratislava呢3晚住既兩間推薦酒店!

【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT Hotel Bratislava 、Tulip House Boutique Hotel Bratislava | 餐廳、美食推薦 – FABRIKA The Beer Pub


【起步必看】東歐四國行程懶人包: https://goo.gl/Q37F3F
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:
https://mangotofufa.wordpress.com/

匈牙利 遊記:
布達佩斯 BUDAPEST 
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉SZECHENYI BATH
【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品
斯洛伐克 遊記:
布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報
Advertisements

4 thoughts on “【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (Bratislava, Slovakia) 交通

  1. MOMO says:

    HELLO!想問下hallstatt去維也納既交通架,
    見hallstatt去維也納既火車有2個選擇, OBB同Westbahn, 但Westbahn唔可以係維也納中央火車站落, 只可係西火車站落, 相比之下係咪OBB會方便d? 因為之後會去布達佩斯, 好似係維也納中央火車站上車搭OBB去。
    另外想問埋如果維也納住宿係咪都係中央火車站附近方便D?
    謝謝丫!!
    另外, 連登個POST爆左,好似未開新POST?

    • mangotofufa says:

      hello!因為東歐遊記完左,所以開新遊記先會開新post啊~ 你會stay幾多日wien?如果只係玩一日就覺得住火車站果頭就夠,方便settle from hallstatt同出發去budapest,同如果價錢時間無咩分別既,obb好d既,你可以方便d咁tramsit去budapest,不過如果話以玩vienna黎講我就覺得westbahn 個西站同wien個中央站無咩大分別,因為wien個中央站其實都唔係特別近d景點,兩者都係要搭10幾分鐘metro,唔係係正景點位,不過metro十幾分鐘黎講都方便既,所以住火車站果頭都ok,唔會話要好耐先去到景點玩

      • MOMO says:

        會係維也納Stay 2日1夜丫,之後去budapest 3日,,
        因為我見westbahn 新D, 上網睇D人又話舒服D同平好多, 係驚交通無咁方便,
        咁Wien 住宿有無推介邊度好咁丫~
        等睇你新遊記新POST!!
        Thankss!

      • mangotofufa says:

        我住airbnb啊果時,但覺得一般般,
        佢d地鐵都幾短途既,我諗住近metro站就ok~
        景點主要集中係博物館廣場同stephen教堂果頭
        不過住火車站其實已經ok因為地鐵先十幾分鐘
        多謝支持啊! 🙂

Leave a Reply

This site uses Akismet to reduce spam. Learn how your comment data is processed.