【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

上篇:【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉Szechenyi Bath

template51.jpg

呢日係Budapest既前半日,我地去左浸Szechenyi溫泉同睇動物,晚上,我就去去另一個重點行程——沿住Budapest既多瑙河遊船河喇!如果情侶結伴黎到Budapest,不妨考慮食個遊船河燭光晚餐,因為都幾有情調。呢篇,我會報告一下我地呢晚係Budapest食既Legenda 多瑙河遊船河晚餐,伏定唔伏、值唔值得一試呢,我會如實報告哈哈哈。另外,都會紀錄一下必試既New York Cafe體驗。


離開溫泉,我地就搭metro去多瑙河邊,搵我地早前book左遊船河既碼頭喇。

Legenda 多瑙河遊船河晚餐

布達佩斯既多瑙河夜景出曬名靚,於是我地就計劃係呢個旅程既終結前黎個重點節目,遊個船河、食個靚燭光晚餐#:P#dog#:P#dog——不過大家都知,我地呢日個天色差到乜都見唔到啊!!!!!#it2#dog不過我都會做個報告既。#it1#dog

WMP-9771.jpg

我地今次訂既遊船河係由Legenda呢間公司搞既,佢其實日頭同晚上都有船河,日間既話係9300HUF (261HKD),你可以另外比錢買佢既餐點。而我地想有睇夜景同有氣氛D,就揀左晚上時間每人18600 HUF (522HKD) 既遊船河晚餐Package,包2.5小時有Live band既遊船河、1杯飲品同1個4道菜既燭光晚餐。#wet#dog

官網係呢度:https://legenda.hu/en/candlelit-dinner-cruise

上船位置:Legenda Ltd. (Dock 7 Jane Haining rakpart, Budapest) 即係 7號碼頭啦。

以下係…當晚天氣情況 #beg#dog #beg#dog
WMP-9768.jpg

如果你問我呢個船河抵唔抵玩呢,我就覺得大霧就絕絕絕不推薦,而如果好天的話就還好啦,當試下都可以,不過我唔會特別推薦呢一間公司。下面會詳細d報告一下。

景色:

景色方面就唔關間公司事,今日撞正唔好天,老實講如果今日有得揀我地一定唔會上船啦!因為個天大霧到咁,根本乜都睇唔到 ,只係我地係一星期前落左訂,所以無計啦#beg#dog。所以,我都答唔到你個景係咪真係好正;不過我相信好天既話,呢個角度、呢種全透明設計既船,會睇風景睇得好開心——你仲可以去甲板睇無玻璃版本既風景架。#wet#dog

WMP-9778.jpg

而我地呢晚…出面真係黑色一片…有時有d大d既光d既建築都有d野睇下既,但真係好矇#beg#dog

WMP-9780.jpgWMP-9797.jpg

國會都變成咁啊!!!#beg#dog

氣氛、環境:

船上氣氛我覺得都可以,因為有燭光。船上環境唔係果d超幽暗浪漫路線,而係比較現代、簡單既格調,台同台之間都有咁上下距離,都幾舒服既。

WMP-9789.jpg

呢度有Live band,有d音樂聽下,不過就唔好望佢地會有feel d,因為佢地都幾頹,摺埋一邊角落頭,個樣唔覺佢好享受係度表演(下圖),除左頹都唔知點形容[sosad] [sosad] 本來以為會係成隊著曬紳士服既band[sosad] [sosad]

WMP-9779.jpg

服務:

呢度服務印象最深刻係開始前兩位「主持」用曬在座咁多位既語言去介紹呢晚既船河,亞洲呢邊起碼有用日文、中文(唔係廣東話)、泰文。官網話佢地係做到30種語言,我甚至記得佢地當晚用過30種語言打招呼[sosad] [sosad] 打左好耐招呼[sosad][sosad]侍應服務方面就正常,無特別深既印象。

食物:

呢度係四個菜式既套餐,我地每人都叫左唔同既前菜(好好味)、湯(正常)、主菜(唔好味)、甜品(好好味)。
以下既相有部分唔係我影#haha#dog #haha#dog

前菜

WMP-9810.jpgTartar beefsteak with red onion and garlic cream sauce
他他牛肉,調味做得好,好好味#wet#dog
WMP-9807
呢個真係唔太記得佢名堂,而家網上個menu好似無左,剩係記得都係好好味的。#wet#dog

WMP-9812.jpgConsommé with bone marrow in bread 法式清湯
咸咸地,無咩特別評價

主菜

WMP-9815.jpg
Pork tenderloin served with bacon and savoy cabbage garnished with egg barley risotto in Hungarian style

主菜真係麻麻地…呢碟影漏左另一個角度,佢仲有豬既tenderloin,唔太啱我地口味,豬味太重,而我地都唔係太鐘意呢種粒粒米個口感,唔係rissotto黎,係有d粉感既米。
呢碟整體上無咩精彩既地方

WMP-9814.jpg
我唔應該咁放心比部相機佢影 #haha#dog #haha#dog #haha#dog #haha#dog
我都認唔到咩黎,應該係 Duck breast with rosemary in red wine sauce with sour cherry served with roasted potatoes and carrot

但我又無印象食過鴨,總之我應該係比較鐘意d薯[sosad] [sosad]  呢碟本來好似正常、無咩問題,最唔好係突然有一堆我好憎既蘋果蓉,果一帶d汁既味變到怪曬[sosad] [sosad] [sosad] [sosad] 呢個好深刻,因為我狂搬走d蘋果蓉[sosad]一有蘋果蓉既位就變到好難食

前菜好好味,令我地充滿期待,但主菜真係差d,唔係無特別,直頭係唔好味[sosad]都幾失望。

甜品

食完主菜,對呢度印象麻麻,因為估唔到主菜會係有d難食。
不過甜品一到,即刻挽回唔少分數#wet#dog

WMP-9817.jpg

Panna cotta topped with forest fruit rose jam,呢個係一個超好味既panna cotta!Panna Cotta呢樣甜品質素好極端,好味起黎真係癲,整得普通果d餐廳就真係會令你食完成肚氣。而呢個Panna Cotta係成功既#wet#dog軟bear bear 入口即溶#wet#dog

WMP-9822.jpg

“Sweet dream” chocolate cake with strawberry ragout#wet#dog 濃濃朱古力,好正#wet#dog#wet#dog

今晚呢個  4 course dinner 既甜品同前菜好精彩#wet#dog
不過個主菜唔好味真係令人有d嬲嬲地[sosad][sosad]
好好味既前菜甜品都只係細細份,偏偏最大既主菜就…[sosad]
因為咁,我唔會話我推薦呢個船河晚餐,但我都唔會話係伏既,
只係大家可以再搵下其他公司船河既報告再比較下[sosad]

完左船河後,我地本來打算返去,不過醒起我地未去New York Cafe,又想去睇下,
就望下有無可能仲開緊,點知原來佢收好夜,11點先閂(夏天直頭12點),
咁好機會緊係去埋佢#wet#dog

New York Cafe 甜品

好多人黎Budapest都會黎呢度,作為景點撚既我當然都去埋[sosad][sosad]
呢度既特色就係入面個環境好grand好靚,亦係佢最吸引我既地方。

WMP-9824.jpg

外面睇平平無奇,入到去就見到了。

WMP-9835.jpg

皇家感覺#wet#dog影得唔好,白平衡無set好就影,救唔返

因為都夜,我地無打算食野,黎叫下飲品就夠了。我地叫d特飲。

WMP-9879.jpg

印象中我地係叫左一個白朱古力奶昔,仲送幾塊餅仔。

WMP-9886.jpg

仲有士多啤利奶昔,因為我鐘意飲麥記果個,想睇下靚野有咩唔同[sosad]

WMP-9888.jpg

基本上呢d都係不可能係伏既飲品,除非犯溝左太多水呢d低級錯誤。
呢兩杯都符合預期,甜度啱啱好(我鐘意食甜野)夠creamy 好好飲 奶味幾香 #wet#dog
唯一要挑剔既係舊忌廉太大,少d反而會再好飲d ,雖然大大舊會靚d[sosad]
唔太記得幾錢了,不過我地晚上黎坐下飲下甜品又覺得幾值得
重點係歎呢度既環境#wet#dog

WMP-9896.jpg

叫侍應幫我地影張相,晚上得四、五張台有人。

WMP-9909.jpg

WMP-9913.jpg

真係幾奢華,歐洲d皇宮咁,一路飲一路j呢度既裝修。
呢度的確係幾靚架,有時間不妨黎飲杯野。

離開呢度,我地就行去車站,途中路過左一間sports bar,見到啱啱好係場利記波,當然睇埋先走,結果睇完尾班車都無埋[sosad]不過以十二點一點黎講,呢頭路上感覺都唔覺得特別危險,因為係大馬路黎,加上我地一男一女啦,一個女仔就點都唔建議咁夜仲係街度行啦。

其實旅程黎到呢度,已經係last night啦,翌日早上我地就搭飛機去荷蘭,結束呢個歐洲首個trip,同時正式展開我地既exchange(瘋狂旅行)生活#yup##yup#

我覺得如果第一次去歐洲,奧捷匈係幾適合既目的地,
呢度有大古城,又有童話小鎮,亦都有大自然景色,全部都好靚,
每轉一個國家,即使只係幾個鐘既車程,
一落車都會比到我好唔同既感覺,唔會覺得度度一樣,
想睇彩色既古城靚景有Prague、想睇夜景同玩有Budapest、想睇館有Vienna、想睇小鎮有Hallstatt CK等、想睇大自然可以去Austria西部睇湖、睇雪山,
所以行程都幾精彩同豐富。
另外佢治安都算正常,感覺比希臘雅典、西班牙、意大利、巴黎等安全得多,
歐遊新手可以唔洗太擔心;
交通亦都唔會太複雜,好多時可以輕易順住路咁玩;
物價亦都唔會太高,無必要窮遊,可以玩得舒服輕鬆,
所以如果第一次去歐洲,絕對推薦奧捷匈!#yup#

【完】


【起步必看】東歐四國行程懶人包: https://goo.gl/Q37F3F
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

匈牙利 遊記:

布達佩斯 BUDAPEST 
【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉Szechenyi Bath
【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 BUDAPEST, HUNGARY | 【資訊】從BRATISLAVA到BUDAPEST交通、一定要提防黑的 (已中黑的伏)- BUDAPEST 常見的AIRBNB住宿簡介
【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 CENTRAL MARKET HALL、馬加什教堂 、漁夫堡 FISHERMAN’S BASTION

斯洛伐克 遊記:

布拉提斯拉瓦 BRATISLAVA
【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT HOTEL BRATISLAVA 、TULIP HOUSE BOUTIQUE HOTEL BRATISLAVA | 餐廳、美食推薦 – FABRIKA THE BEER PUB
【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊
【歐遊百幾日遊記】東歐四國篇(奧捷斯匈)(十九)DAY 11 斯洛伐克 布拉提斯拉瓦 BRATISLAVA, SLOVAKIA |藍色教堂 德文城堡 —— 交通、資訊 + 失敗遊記

奧地利城市 小鎮遊記:

HALLSTATT 哈爾施塔特
【歐遊百幾日遊記】東歐四國篇(奧捷斯匈)(十)DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT (上)| 冬遊HALLSTATT 每一步都係一個POSTCARD景 + 提防難食高級餐廳
【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位
【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 POSTCARD 景  + 乘船到HALLSTATT站 + 從HALLSTATT到VIENNA交通
WIEN VIENNA 維也納
【歐遊百幾日遊記】東歐四國篇(奧捷斯匈)(十三)DAY 7 抵達維也納 VIENNA — AIRBNB住宿報告 、推薦NORDSEE薯角
【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館
【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】
【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

捷克城市 小鎮遊記:

PRAGUE 布拉格
【歐遊百幾日遊記】東歐四國篇(奧捷斯匈)(一)DAY 1 抵達布拉格 機場出市區交通 酒店住宿攻略、酒店報告 — GRANDIOR HOTEL PRAGUE 、CENTRAL STATION STUDIOS
【歐遊百幾日遊記】東歐四國篇(奧捷斯匈)(二)DAY 2 布拉格 老城區 OLD TOWN 一日遊(上)古城建築的一、二事;詳說天文鐘、舊市政廳登頂資訊分享
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(三)DAY 2 布拉格 老城區 OLD TOWN 一日遊(下)哈維爾市集 必試捷克TRDELNÍK煙囪卷 看查理大橋
【歐遊百幾日遊記】東歐四國篇(奧捷斯匈)(四)DAY 3 布拉格 城堡區 半日遊(上)LENNON WALL 連儂牆 查理橋一帶 最好美既香腸
【歐遊百幾日遊記】東歐四國篇(奧捷斯匈)(五)DAY 3 布拉格 城堡區 半日遊(中)布拉格城堡俯瞰老城風景 布拉格玩具博物館 第一次見雪 | 關於歐遊在餐廳如何叫清水…
【歐遊百幾日遊記】東歐四國篇(奧捷斯匈)(六)DAY 3 布拉格 城堡區 半日遊(下)布拉格城堡區 聖維特主教座堂 黃金巷 美麗的查理橋黃昏景色 布拉格美食| 簡介歐遊市內巴士、電車買票資訊
CESKY KRUMLOV CK小鎮
【歐遊百幾日遊記】東歐四國篇(奧捷斯匈)(七)DAY 4 CESKY KRUMLOV 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦
【歐遊百幾日遊記】東歐四國篇(奧捷斯匈)(八)DAY 4 CESKY KRUMLOV 庫倫洛夫 (下)夜遊冬日童話小鎮CK小鎮 住在白雪小鎮裡 | PENSION KAPR住宿報告(推薦) + 著名地窖餐廳 KRČMA V ŠATLAVSKÉ
【資訊 交通攻略】東歐四國篇(奧捷斯匈)(九)HALLSTATT 哈爾施塔特:CESKY KRUMLOV到HALLSTATT交通 — 推薦超方便CK SHUTTLE / BEAN SHUTTLE + 冬天乘搭實況報告

Advertisements

10 thoughts on “【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

Leave a Reply

This site uses Akismet to reduce spam. Learn how your comment data is processed.