【歐遊遊記 2018 】獨遊瑞法德奧 童話小鎮仙境遊(四)法國童話世界Alsace 遊記:Colmar, Riquewihr, Hunawihr | 去Colmar唔好只去Colmar! | 完整小鎮一日遊攻略 (1/3)— Colmar篇 唔可以錯過既幾個影相位!

atemplate4

作為哈爾移動城堡取景既地點,童話小鎮Colmar相信係唔少人一見到就決定下次歐遊一定要去埋既地方,不過其實Colmar一帶(Alsace呢個區)仲有好多同Colmar相似既童話小鎮,其中有D我甚至覺得靚過Colmar,絕對係可以以一日遊方式去曬呢幾個小鎮!所以,黎到Colmar,唔好只係去Colmar,你值得預留多半日去多幾個小鎮啊!不過,一定一定要揀啱日子去,否則你就局住只能留係Colmar玩,黎緊攻略篇會講點解,而家先睇下遊記先啦~

前往Colmar交通、Colmar住宿請睇上篇:
【歐遊遊記 2018 】【資訊】獨遊瑞法德奧 童話小鎮仙境遊(三)巴塞爾去科爾馬 Basel to Colmar 交通 (+巴黎去科爾馬) | Colmar 住宿攻略


首先,認識下Alsace Colmar呢一帶既環境:
alsace.png

Colmar 科爾馬位於法國東部 Alsace 亞爾薩斯入面,中學讀過世史/西史世界大戰背景既人應該都有印象,德法曾經因為爭奪Alsace-Lorraine呢一片既土地而有牙齒印。到今日,Alsace-Lorraine 係法國既國土,而當中既Alsace就係童話世界Colmar既所在區域啦。

Alsace近北部有個法國東部及下萊茵省首都叫Strasbourg,佢係個大城市。而Alsace既中部就有好多葡萄園,附近潤育左唔少村落、小鎮,Colmar就係當中最大既一個城鎮喇,佢亦係上萊茵省既首都,交通比較方便,有火車站、亦有長途巴士站。所以,想黎感受Alsace既童話世界,Colmar就係個好好既落腳點。

黎到Colmar,我唔建議只係從Strasbourg即日來回呢度,因為一定唔夠時間玩幾個鎮,最好就係前一晚就住係Colmar,第二朝一早就小鎮遊,晚上再係Colmar舒舒服服住多晚,翌日都可以考慮玩多一個鎮,或者直接前往下一個城市。

先比個小鎮分佈地圖比大家參考下:
colmarbuss.png

我Colmar小鎮遊既一整日路線係:
Colmar —巴士→  Riquewihr —行葡萄園→ Hunawihr
—巴士→ (Eguisheim —巴士→) Colmar

*Colmar同Riquewihr係必去!!
*Equisheim我唔夠時間去,係無去的
*想睇靚小鎮,唔建議去Hunawihr,除非你好想睇個葡萄園教堂山景
*可以以Ribeauville, Equisheim 代替Hunawihr
*絕對不推薦行葡萄園往來小鎮睇風景,好徙時間,又唔特別,唔值得
詳情遊記會解釋!


童話小鎮遊記 — Colmar

WM-7223a.jpg

早上8點,我從ibis酒店經Colmar老城既西北方入去老城。呢個老城並無城牆圍住,所以你隨時可以彈出彈入。進入前見到一個教堂同典型觀光小火車。

WM-6892.jpg

我一見到呢度,就知我進入古城範圍喇 [bomb] [bomb]

WM-6896.jpg

WM-6900.jpg

木骨屋已經出現了 [bomb]

WM-6902.jpg

因為太早,好多店都未開,街上都幾冷清。

WM-6908.jpg

WM-6910.jpg

早上既陽光 :D :D

WM-6911.jpg

用支40mm鏡影近d,睇多d細節:D 好多窗外都會種花:D

WM-6914.jpg

WM-6915.jpg形狀幾特別既一間屋,最頂層好斜,想像間房應該只房到一張單人床[sosad] [sosad]

因為好餓,琴晚2點幾到而家都未食野[sosad] [sosad] 見到有餅店,即刻狗衝入去#run#dog#run#dog
WM-6919.jpg好多法式甜品#run#dog可惜我要食既係早餐,唔係tea[sosad] [sosad]

WM-6923.jpg

WM-6922.jpg

仲有呢d法國批,我見大大件夠頂肚,就叫左下面呢件,本來孤陋寡聞既我心入面想像係蛋撻味[sosad]
WM-6921.jpg點知原來係鹹鹹地既,上面果d我以為係甜水果,點知全部勁酸#haha#dog #haha#dog 似係d莓果d酸味#haha#dog

WM-6925.jpg
坐外面食,好舒服,不過真係幾酸#haha#dog其實咩黎,點解可以咁大大粒又酸[sosad] 另外,個批都好大下,所以我都食唔曬。
WM_6926-2.jpg
不過我諗未必係間野既問題,只係我咁啱見左個全部都係酸食材既批。
如果想食下法國甜品,其實呢頭周街都係,呢間係我亂入既,我都順道比埋呢間店個名。
店名:Poulaillon Colmar 2
位置:14 Rue des Serruriers, 68000 Colmar, 法國
(係Église des Dominicains呢座教堂隔離)
評語:佢既甜品高唔高質我就真係唔太清楚#haha#dog但一早起身想搵間野買下早餐既,可以黎呢度#haha#dog

食飽我就出發啦:D
WM-6927.jpg
早上呢個角度真係超級背光,影出黎彩虹都出埋(現實唔見[sosad]
黎到呢度,除左留意下屋仔外牆,仲要留意下d店既招牌,真係個個都好有心思#love#

WM-6931.jpg
呢度d街景點影都靚。
WM-6935.jpg
好似逆光之下d景特別靚[bomb] 前面有間手信店開左,去睇睇先[bomb]
WM-6938.jpg
呢d畫真係靚到傻,可惜我無篋,唔敢買,其實仲有postcard買,不過我想格下價先買,結果最後太遲先返黎,咩都收曬,一張都無買:~( 見到呢d畫時,我係度諗,現實係咪真係會咁靚呢?  [bomb] [bomb]

WM-6939.jpg
呢度仲有d好卡通既postcard:)
繼續前進:)

WM-6940.jpg
話說睇返d相,發現呢d童話小鎮黎講,我鐘意用定焦鏡影既相多過用廣角鏡影既:)
廣角縮到太細,睇唔到屋仔細節。

以下呢d屋仔係我出發前已經同自己講一定要帶個返屋企#love# #love# 不過呢間店未開,加上我打算係德國再買,因為而定買既話,成個trip有排拎[sosad] [sosad]

WM-6942.jpg反曬光其實都唔太見到[sosad] [sosad]
WM-9067.jpg
手機呢張好d。利申,d字體係間店貼住,唔係我揀。:o)
呢d其實除左係擺設,仲可以放蠟燭係入面做燭台,實好靚 [bomb] [bomb]不過我就應該唔捨得用啦,好驚d煙薰黑曬間屋 [bomb] [bomb]

WM-6944.jpg
呢d木骨屋(或 木架屋)(德:Fachwerkhaus 英:Half-timbered house )真係好可愛,呢d屋唔似大城市果d咁華麗咁多精緻既雕塑,只係用木同類似水泥既物料建造,但感覺上原始得黎其實又好美觀,睇黎以前d建屋既人就算手上只有好簡單既材料,都要整到間屋靚一靚[sosad] [sosad]

WM-6945.jpg

另外,我以前一直以為外露既木係特登放上去做裝飾,但其實睇真d發現佢既木係好似「嵌入」左係間屋入面咁,佢地係間屋真真正正既骨架黎,相信當時係先建木架,再係木同木之間既空位以類似水泥既物料填補,變成一間屋。睇一睇資料,百幾年前既木骨屋既牆身係用古代既黏土、乾禾草同碎石混凝土,現今如果裝修既話應該會改用堅固d既其他物料掛 #yup#

WM-6953.jpg

你係唔會搵到兩間完全一樣樣既屋,每個木架都係獨特既[bomb]
仲有仲有,木既顏色其實係另外再油上去,佢地唔單止係有美觀既效果,呢d油本來亦係對木頭有保護作用,令佢地保持堅固既。:) 多數會見到唔同深淺既啡色、暗紅色、灰藍色、深綠色。:P

聖馬丁大教堂 (Collégiale St-Martin)

WM-6957.jpg

一直行就自然到左13世紀建成既聖馬丁大教堂(Collégiale St-Martin)。呢個教堂同呢度屋仔比例黎講真係幾大下,不過因為外型唔係非常特別,我都無點特登影佢。不過佢屋頂同Basel果個巴塞爾主教座堂一樣都係光面既瓦片,係幾搶眼 #yup#

WM-6959.jpg

WM-6965.jpg

不過呢個教堂外既「廣場」好奇怪,與其話廣場不如話停車場 [sosad] [sosad]真係幾多車係出面[sosad] [sosad]

WM-6958.jpg

當中有架好型:P:P

WM-6964.jpg

但其他都同個背景好違和:o) :o)

WM-6971.jpg

可以留意下左手邊既屋頂仔,顏色幾特別。

WM-6973.jpg

繼續隨意遊蕩,進入左條左手邊有d整到靚一靚既渠仔既路。

WM-6967.jpg

四圍都有花係Colmar既特色:D :D

WM-6970.jpg

WM-6978.jpg
遠睇反而見到更多個教堂頂既設計

WM-6980.jpg

條渠好似越黎越大,變埋條河。呢頭既屋仔開始越黎越粉色,越黎越童話[bomb] [bomb]

WM-6984.jpg

而左手邊呢間屋我真係j左好耐,佢真係極可愛[bomb]  配埋隔離幾間屋d色都好靚。但其實佢唔係咩景點,但又係我覺得靚過大景點既屋仔[bomb]

WM-6988.jpg

唔知同我近來開始鐘意粉紅色有無關[sosad] 佢幾特別既係,佢沿住木骨既邊邊畫左d框。
唔係誇張,呢間屋真正睇真係會哇幾聲:P

WM-7007.jpg
呢邊面睇仲見到佢牆身畫左畫。
WM-7010.jpg
其實呢間真係唔太清楚咩黎,我係googlemap睇返係連名都無,如果想搵佢出黎影下相,可以搵佢附近既一間賣蛋糕既店,叫做Lorber (地址 44 Grand Rue, Colmar),你黎到呢頭,實會見到呢間屋仔 #yup#

順帶一提,早上出發既話,成街都有唔少貨車出入,甚至停係度上落貨,搞到影相好多時要等佢地走或者比佢地入鏡 #:-[#dog因為真係好影響張相,van仔都算,有d係大貨車#it2#dog不過無計啦佢地的確係要係呢d時間做野既[sosad]佢地又唔似得香港要5點幾開工,所以9點幾10點成街都唔少貨車[sosad]
WM-6992.jpg大貨車 :o) :o) :o) :o) :o) :o)一野搶曬鏡。

WM-6993.jpg

呢排屋既五角頂都幾特別,左邊間屋仲怪,雙面人咁樣 [sosad] [sosad]搞乜 [sosad]強行分屋 [sosad]
因為時間太早,呢d平時係室外餐廳既位都未放出黎。

WM-7000.jpg
其實都唔太分到係河定渠 [sosad]

然後就到另一個我好鐘意既地方,我以左邊最出呢間屋黎方便定位

Le Fer Rouge 一定唔可以錯過既街景位置(一)

WM-7018.jpg
呢度係一個小小小廣場,d屋既排法、角度都放得好靚,我覺得係Colmar其中一個最靚既位 :P
WM-7012.jpg
最盡頭果間屋好姣,勁多心心痴滿d窗門[sosad] 但又幾可愛[sosad]
紅白色既木骨屋好似最啱我心水:P
WM-9096.jpg
唉,竟然係呢張手機相個角度食得最理想,點解我用相機影得果咁少相啊!!!:~( :~(
另外,聖誕時呢個鎮係有聖誕市集,呢個廣場都會放勁多燈飾,我係googlemap街景就見到以下呢個,都幾誇張[bomb] [bomb] 咁睇好似有d恐怖,但現實應該好靚。[sosad] [sosad]
螢幕快照 2018-08-15 上午12.21.21拷貝.png
認住呢度啦#yup#
WM-7020-2.jpg

WM-7023.jpg

繼續出發

其實係Colmar真係好忙,你一路向前行,都狂哇哇聲咁影相,之後不時你一轉身又會發現有野影,影唔停 [sosad]  [sosad] 但有野影好過無野影:P右邊個街口其實真實睇好靚,不過影落發現有架貨車:o) :o):o) :o)
WM-7025.jpg

WM-7038.jpg

#:-[#dog#:-[#dog

WM-7028.jpg

睇火車算#:-[#dog

WM-7030.jpg
如果你唔知呢頭有咩靚最靚既街景,坐一轉火車應該會睇到曬 [sosad] [sosad]btw後面緊接勁多貨車:o)

WM-7040.jpg
佢都係唔肯走,等左勁耐:o) :o) 唔影啦:o)

轉睇呢個,佢係當地地方法院 Tribunal de Grande Instance
WM-7034.jpg不過呢度既重點其實係d木架屋,所以呢個叫經過影下就算[sosad] [sosad] 不過佢成間灰粉色黎講都幾靚既。

WM-7039.jpg
每次見到人地外國國旗插係度靚一靚,同個靚既地方好夾,有d甚至成條街都係國旗,都係覺得好靚,之後我不禁就想像如果香港通街插住………xx(xx(xx(xx(

WM-7042.jpg
唔係木屋,但覺得又幾靚。
WM-7044.jpg

WM-7046.jpg

三間啡色木骨屋O:-)O:-)

WM-7057.jpg

行下行下就到左一個廣場,個廣場都係無人的。

The Roesselmann Fountain / La Fontaine Roesselmann

WM-7056.jpg
WM-7064.jpg

WM-7068.jpg
又有火車仔。

基本上見到呢個廣場,即係代表已經黎到Colmar既一個重要打咭位啦,雕像既左邊就係啦,今次我用佢街名表示:

Rue de Turenne 一定唔可以錯過既街景位置(二)

呢條街話長唔長話短唔短,我所指既係係正河上面果一小部分:
螢幕快照 2018-08-15 上午1.06.06.jpg

WM-7073.jpg
呢度個景我自己睇返都覺得幾有趣,有d似中式古鎮[sosad] [sosad]
WM-7078.jpg
一鮮色返就唔似[sosad] [sosad]

WM-7081.jpg
不過其實最靚既位可能係近橋呢邊既成堆屋(下圖)
WM-7086.jpg
呢度有個法國妹(左邊)一直企係度又有時會望住我,我有時望到佢又對望笑下咁:P,初頭我係度FF係咪獨遊既法妹好想同我講野一齊玩呢[bomb] [bomb] ,終於有機會體驗到獨遊識朋友喇[bomb] [bomb] !當然我都係純粹ff[sosad] [sosad],因為後來發現佢著住件i字背心,其實佢係當地tourist info 既服務員黎 #haha#dog #haha#dog,佢會主動行去d法國人度同佢地傾計架 [sosad] [sosad],但就無搵我#it1#dog。唯有ff佢只係唔識英文#it1#dog

橋既另一面
WM-7092.jpg
WM-7084.jpg
其實比起佢最出名既小威尼斯,我反而覺得呢度仲似。其實都唔係真係似,但叫做小威尼斯既果度就真係完全唔似。[sosad]

其實我都幾唔鐘意d城市/某d景點自稱「X方威尼斯」/「小威尼斯」之類,一黎好多時其實一d都唔似,更重要既其實佢地既河屋景係有自己既特色,有自己既靈魂,係唔洗靠似威尼斯黎吸引人,佢靠自己一樣得,可以代表到自己個城市,自稱威尼斯反而有種俗味。
(利申,好鐘意威尼斯,威尼斯本來唔俗,但自稱威尼斯就有點俗)

之後再諗到好多時d亞洲地方好鐘意無啦啦係一個地方特登整個抄歐洲既地方,例如d「小希臘」、「小法國」、「小意大利」、「小荷蘭」…如果係主題公園入面既一個區或者本地d pop up商場展覽都算,但有d係成個大範圍特登建造d歐洲建築出黎做景點吸外國遊客,次次我都會果斷skip呢d景點,除左因為好多時都抄到好新淨所以好假,仲要明知係老翻黎,去到都無咩意思,好似去佈景板咁#no#dog ,雖然睇到可能都會覺得靚,但無辦法打從心底去欣賞佢地,因為睇到既都係d夾硬造出黎既野。一場去到一個國家旅行,不如把握時間去d有當地特色既地方好過,要去睇呢d外國靚景就不如去個真既。#yup#

不過,睇開我遊記都知我景點撚黎,我係個會追景點既人 #hehe#dog,都唔係d深度遊類型,亦唔太介意d地方好”touristic”,不過touristic還touristic,我都係接受唔到d為抄其他地方而造出黎既景點#no#dog

講返Colmar[sosad]
WM-7245.jpg
WM-7094.jpg

呢度呢邊幾間屋真係幾靚,真實睇係可以j好耐,但影出黎好似都係表達唔到。可能係我技術差[sosad],但我成日有個諗法係,一個地方如果影極都唔夠佢真實睇靚,呢個地方就真係一個靚、值得去既地方。好多時果d影相靚過真實既地方,去到都係令人失望既。我覺得睇靚景係值得山長水遠走去現場睇同感受個現境,真正靚既景唔係你睇高清電視片就可以當自己睇過 :)

WM-7099.jpg

係橋邊有條小巷吸引左我入去,
WM-7104.jpg
WM-7106.jpg
基本上我黎到都無全程睇住gps黎行,迷路先用gps [sosad] 而誤打誤撞又發現原來呢條路係可以直接通往Colmar最大景點「小威尼斯」,亦即係Colmar最可愛既河景。
WM-7107.jpg
小火車真係無所不在
WM-7110.jpg
WM-7111.jpg
WM-7112.jpg
呢條巷仔唔多人,又靚,所以我想用佢黎set機自拍,因為無人幫我影:~( :~(不過因為我無帶長腳架,我相機太舊又無得用手機remote,所以真係影左四個字都影唔到張滿意既相,仲要有時就黎成功但就有人經過,真係影到燥#it2#dog 所以之後我都好少再set樣影相,自拍算了:~( 因為又徙時間又破壞心情 #no#dog

WM-7117.jpg

WM-7133.jpg
呢間好係童裝size既屋仔又幾得意:D
WM-7139.jpg
WM-7153.jpg
一見到呢d咁靚既屋,就知道已經到最靚既河景啦[bomb][bomb]因為我j左網上圖太多次,已經認得呢幾間[bomb]

小威尼斯 La Petite Venise – 一定唔可以錯過既街景位置(三)

Colmar最可愛既河景

Quai de la Poissonnerie 與 Rue des Écoles 交界
WM-7160.jpg

呢個位最可愛因為沿河既屋仔都係特別童話feel,係粉色系既。#love#
粉紅色果間仲要有d壁畫!

WM-7162.jpg

WM-7163.jpg
近睇d木骨屋真係覺得佢地好得意,d石牆係比d木頭凸出既。
WM-7164.jpg
唔知點解呢度會有紅葉:P:P同呢幾間屋又好襯。
btw後面鮮橙色果間勁似羅騰堡果間[sosad]
WM-7171.jpg
可以睇得出我每行一步都影幾張相[sosad] [sosad]
WM-7176.jpg
就黎到最靚果個角度,不過見到d屋仔有d背光,有d擔心[sosad]
WM-7186.jpg
#love# #love# #love# #love# #love# #love# #love# #love# 又無事#love# #love#
橋邊又好多色彩鮮艷既花,係度望過去的確係好靚、好得意。基本上你search Colmar,10張相有7張都係show呢個景比你,佢係呢度最標誌性既景色之一,但偏偏佢又要用人地個名(威尼斯)黎命名,真係有d喧賓奪主既感覺。

WM-7187.jpg

雖然呢度就係得呢個景,但我都瘋狂影左一億張一樣既相同合照[sosad] [sosad]
一個人去玩,手機廣角景真係好重要,無左佢我就影唔到到此一遊既合照了[sosad] 。

WM-7202.jpg
之後就試下以花做前景,不過用廣角鏡咁影都無咩feel
WM-7221.jpg
呢個係定焦鏡影既
WM-7223.jpg
逆光咁影,好似唔錯 :D

WM-7226.jpg

呢度其實有條橋隔住左呢條河,橋既另一邊係一個market,睇黎係當地人既一個街市,
WM-7205.jpg
我本來想入去睇下有無得掃下街,
WM-7228.jpg
不過呢度都係賣食材多,最多都係有d頹包、呢d圈圈食,
WM-7230.jpg
我就興趣不大[sosad] ,所以行個圈就返出去。

WM-7207.jpg
呢個市場外有個露台,有d人係入面叫完野食就係度食,呢個位都真係好靚既位,識玩:P #yup#
WM-7234.jpg
有河既地方就有遊船。
呢度隔離既景就係咁
WM-7213.jpg
無另一邊河果d咁靚
WM-7215.jpg
WM-7217.jpg
呢個光好似幾啱影下d花 :D
WM-7219.jpg
果幾個垃圾筒 :o) :o)而家先見到 :o) :o)WM-7220.jpg
行完呢度,我就亂行,試下係呢個位出,
WM-7235.jpg
發現再向果邊行係會離開左古城[sosad] [sosad] ,行行下會無曬木骨屋[sosad] [sosad]
WM-7237.jpg
於是我就用googlemap行返入鎮,今次就到呢個位,呢度係停車場,亦似係旅遊巴上落客既位,特別多手信店,而且似乎係最平
WM-7242.jpg
行行下又返返去頭先果度
WM-7244.jpg
好多靚花[bomb] [bomb][bomb] [bomb]

WM-7248.jpg又返返黎呢個廣場
WM-7252.jpg

見到一座大野。不過Google Map上佢無名堂,但入面就有有店仔(但當時唔見),為方便定位,可以搵Vins Fins D’Alsace呢間小酒莊。

WM-7279.jpg
佢一面係上面呢個幾靚既面,另一面係頹好多。下面係可以穿過去另一邊既
WM-7253.jpg
靚果邊果頭風景都好靚,
WM-7260.jpg
其實都係好靚既河景,呢度幾熱鬧!
行入少少會見到呢個廣場

Fontaine Schwendi

WM-7266.jpg

WM-7268.jpg
呢個冷清既廣場係聖誕時會有唔少攤檔,而家呢度就真係無人。
WM-7269.jpg
WM-7271.jpg
我覺得呢條內街幾靚,全部都係簡樸既啡色木架屋,真係特別有中古世紀既感覺。但影出黎都係呈現唔到果種feel。
WM-7276.jpg

WM-7283.jpg

WM-7277.jpg
果座大野幾靚,但唔知點解會無名。
WM-7279.jpg
WM-7280.jpg
個小塔樓幾得意。

WM-7282.jpg
好舒服既地方
WM-7284.jpg

WM-7286.jpg一黎到呢度仲見到有兩個後生仔係度街頭表演:P
WM-7299.jpg
WM-7294.jpg
歐洲既表演永遠都同個街景好夾,表演者既音樂造詣真係高,唔會見到d走曬音又嘈既係度破壞個環境,唱埋d難聽歌、或者果d嘔心大媽音樂。
WM-7291.jpg
呢兩位既鋼琴同Saxophone既表演者真係好正,佢地d音樂令人好舒服,佢地facebook page個名無改錯,叫做StreetMood :P,因為有佢地,個鎮真係更加有feel,你會想停係度聽返起碼一粒鐘。
WM-7301.jpg
有唔少人買左野食就坐係呢度聽住食,而我都坐左陣。
WM-7296.jpg
不過因為已經11點幾,到左我原定上巴士去其他鎮既時間,而我仲未行曬Colmar,我唔可以delay太多,所以坐左陣就比tips繼續行。:~( :~(
WM-7302.jpg左邊架貨車又係唔肯走
WM-7308.jpg
呢度沿途都係好靚,你好容易行行下就會去返頭先黎果度,唔用map真係會迷路[sosad] [sosad]

38-50 Rue des Marchands 一定唔可以錯過既街景位置(四)

WM-7319.jpg
呢條街可能係我覺得全Colmar最靚既街,
其實呢頭都出名,因為佢有呢座特別既屋仔叫做Zum Kragen
WM-7312.jpg
除左因為佢外型幾特別,仲因為佢出現過係哈爾移動城堡入面!
Howls_Moving_Castle2.jpg
右邊果棟,完全係一樣樣 #yup# 附近既建築都似。
不過我最鐘意既反而唔係佢,其實背住佢向前望既呢條街先最靚。
WM-7322.jpg
唔知同當時11點幾既日光有無關係呢,間紅白木骨屋好似識發光咁,勁靚:P :P #love#
WM-7313.jpg
廣角鏡完全係show唔到佢有幾靚,一定要用定焦鏡先feel到 :P
WM-7323.jpg
就連下面手信店都襯色 :P
WM-7330.jpg
WM-7329.jpg
佢屋頂仲要係特別既瓦片,真係特別靚#love# #love#
WM-7331.jpg
我係呢個位真係唔捨得走,好靚好靚,個光咁啱又打得啱啱好#love#無所個光可能會無咁靚。
WM-7334.jpg
不停影呢間屋[sosad] [sosad][sosad] [sosad]
WM-7335.jpg果棟Zum Kragen遠睇係幾靚:P不過我都係最鐘意紅白色果間 [bomb] [bomb] [bomb]
WM-7337.jpg
忍唔住影左好多好多張相。[sosad] [sosad] 呢頭都多手信店,不過我覺得d磁石果d全部都賣得特別貴,得d好樣衰既先有平,所以我就無入手。

行完呢度再迷多幾次路,我終於都靠GPS行到向火車站既方向[sosad]。向火車站既路係明顯同古城唔同,全部都係好公整既馬路、每間屋都分開,一間間咁排,真係有d似sims d社區。不過可能太普通,我一張相都無影[sosad]

WM-7339.jpg

行左十幾分鐘,終於到火車站喇!#zzz#dog其實十幾分鐘話長唔長話短唔短,如果沿途有野睇都好快過,不過呢段路真係得d普通民居,無咩野睇,所以自己一個行會覺得特別長。#zzz#dog
WM-7340.jpg

買好車票,就出發另一個小鎮——靚到痴線既Riquewihr#love# #love# !
買車票既方法、資訊請睇下篇攻略篇(待更新)
遊記都係待續:P


【歐遊 2018】獨遊瑞法德奧17日童話小鎮仙境遊 路線行程 : https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

Advertisements

2 thoughts on “【歐遊遊記 2018 】獨遊瑞法德奧 童話小鎮仙境遊(四)法國童話世界Alsace 遊記:Colmar, Riquewihr, Hunawihr | 去Colmar唔好只去Colmar! | 完整小鎮一日遊攻略 (1/3)— Colmar篇 唔可以錯過既幾個影相位!

  1. Jeanne says:

    絲打影既相真係好靚呀#bomb##bomb##bomb#
    加埋啲色調又夾,真係J出血:p
    相已經咁靚,想像唔到去到會係靚成點#bomb##bomb##bomb##bomb##bomb#
    想問下你多數帶咩鏡去,遲下可能都會EXCHANGE周圍騰想參考下

Leave a Reply

This site uses Akismet to reduce spam. Learn how your comment data is processed.