【歐遊遊記 2018 】獨遊瑞法德奧 童話小鎮仙境遊(十一) DAY 4 德國海德堡遊記 (下)— 規律既海德堡古城、閒逛河畔、欣賞老橋景、晚餐餐廳推薦

上篇:【歐遊遊記 2018 】獨遊瑞法德奧 童話小鎮仙境遊(十) DAY 4 德國海德堡遊記 (上)— 值得一睇既海德堡古堡 Heidelberger Schloss

atemplate11

參觀完海德堡古堡,從纜車站出黎後,就開始行老城。

基本上呢度既行程可以係先參觀城堡,然後係老城慢慢沿住大街行,再過對面岸,沿住河畔行返到老橋,再返返黎老城市集廣場,就啱啱好啦。

呢個係Kornmarkt(穀物廣場),發現歐洲好多古城都有個以殼物做名既廣場,唔知有無原因架呢。

WMF-8290.jpg

下面呢個位望上去海德堡古堡幾型,不過呢度整緊路,所以下面見到好多唔關事既野[sosad] [sosad] 。

WMF-8288.jpg

話說附近有間甜品店,叫做Altstadt-Gundel,佢係一間家旅經營既老餅店,由 Gundel 家族係1896年開始經營,而家已經係第四代傳人。我上網睇遊記見到唔少人推薦佢既黑森林蛋糕(Schwarzwälder Kirsch),於是plan左黎食tea啦。佢既位置就係呢個廣場既一個角落:

WMF-8282.jpg

左邊果度隔離就係Cafe Gundel啦!

WMF-8286.jpg

門口都見到好多(好似放左好耐既)甜品。

WMF-8283.jpg

不過入到去,竟然無黑森林蛋糕 :o) :o) :o) :o) 因為d人講到南德d黑森林蛋糕好正,於是我都係想食黑森林蛋糕,所以就去另一間我做功課時見到既甜品店,叫做Cafe Schafheutle…係地圖上見到係要沿住古城既大街行,咁我就出發啦!

Heidelberger Marktplatz 海德堡市集廣場

WMF-8279.jpg

呢座就係頭先係山上見到海德堡最大最重要既教堂聖靈堂,因為今朝已經睇左個好癲既教堂(史特拉斯堡主教座堂),我對呢個就無咩感覺,只當佢係普通地標。

WMF-8281.jpg

大教堂呢個廣場叫Heidelberger Marktplatz 海德堡市集廣場,呢度就熱鬧好多啦。

WMF-8294.jpg

教堂下面被一堆商店圍住,佢地係教堂呢座既建築物既一部分黎,又幾得意[sosad] [sosad] 。我就係下面搵到我想要既磁石 :P

WMF-23.jpg

WMF-8298.jpg

海德堡真係幾多人下。

WMF-8299.jpg

呢間屋仔純粹我覺得幾靚就影低左,佢好海德堡,可能因為佢既紅色砂岩,令我覺得佢同老橋、城堡係同一個系列既建築物。其實我純粹覺得佢幾靚就影下,原來佢都係呢度既地標,呢度有d postcard都以佢為主角。

之後就沿住大街行啦,呢條就係頭先係山上面睇好明顯既一條大街,一直伸延到好遠,可以行足十幾分鐘,號稱德國最長既行人專用街道。

WMF-8305.jpg

呢個時候,天氣變到好灰暗。

WMF-8309.jpg

路過另一座教堂,耶穌會教堂(Jesuitenkirche),佢有個正式名稱,叫做聖神與聖依納爵教堂。咁樣睇好似好細,但山上望落又好多。由於我太攰,無走埋去睇[sosad][sosad]

WMF-8310.jpg

繼續行,呢條街沿途都係餐廳、酒店同各種連鎖商店,係我成日講既果dH&M街黎。

WMF-8313.jpg

遠處果座高塔就係頭先座教堂果度,已經行到咁遠,我仲未行到間甜品店果度[sosad]

WMF-8315.jpg

上面係大學廣場對出,我不知不覺就路過左,其實呢度都係海德堡既景點,因為佢有海德堡大學,仲有海德堡學生監獄 Studentenkarzer 同 海德堡大學博物館 Universitätsmuseum,本來我都plan左黎參觀,不過因為行到攰,加上發現自己今次想行街多過入館,於是就決定唔去[sosad][sosad]

順便講下,海德堡學生監獄以前係用黎管教一d頑皮既學生,因為佢地醉酒鬧事、破壞公物,但因為未夠秤,警察拉唔到佢地去坐監,於是就整個「學生監獄」,專用黎困住呢d搞事既學生。監獄入面同其他監牢博物館一樣,最大既睇頭都係「困犯」係牆上寫既野,我之前做功課時見到,入面既牆有好多塗鴉同有趣既字句,所以當時都有d興趣睇下,呢個門票係要連埋大學博物館門票買既,呢張「大學博物館 + 舊集會大廳 + 學生監獄聯票」三歐就買到,都好抵玩下。但最後我就無去到。

WMF-8321.jpg

呢座建築幾搶眼,不過佢其實無咩大特別,係 Kurpfälzisches Museum 普法爾茨博物館 ,藏品主要來自於一位文化史和藝術史學家的私人收藏。

WMF-8322.jpg

:o) :o) :o) :o) :o) :o) :o) :o) 呢個就係我食黑森林蛋糕既後備方案:o) :o) :o) :o) :o) :o)
有無咁黑仔:o) :o) :o) :o) :o) :o)  連店都無埋。見到咁,於是我就打算求其入間賣甜品既cafe食個普通cake算,不過又唔覺有咩專賣蛋糕既cafe,又唔想行返去好遠既Cafe Gundel,於是就唔知做咩好。

呢個時候,我諗起我帶得太少SD Card黎,又記得德國又有唔少大型既電子商場(好似日本果d Bic Camera果類店),叫做Saturn,亦有另一間叫MediaMarkt,基本上你需要咩電器都可以靠曬佢地,於是我就搵佢出黎啦。

螢幕快照 2018-08-31 上午12.08.43.png

圖中左邊就係啦,佢完全係係古城既另一個盡頭 [sosad] [sosad] 於是我決定個路線就係行到過去,之後就過橋,行住對面河畔咁去老橋,再返返古城食晚餐。

WMF-8326.jpg

忽然又好猛太陽 [sosad] [sosad] 之後因為條路都一樣,我都無再影相,直到我入左Saturn果頭,佢係個商場仔入面,呢度有間賣果茶果d既店,仲有珍珠奶茶[sosad] 見係未試過既牌子,就試下[sosad]

WMF-8328.jpg

佢叫做The Fresh Tea。

WMF-8330.jpg

頂,d料加下加下,就變4.7歐,成40蚊港紙[sosad]

WMF-8332.jpg

講真我都唔太記得自己叫左咩,當時個牌寫德文我又睇唔明,總之就叫左佢Classic既奶茶,加左珍珠。幾得意,個味完全唔係香港會飲到既果d奶茶味[sosad]好似有d薄荷味同牛奶味,不過d珍珠就feel到有d劣質[sosad][sosad]珍珠口感一定唔夠港台果d黎,但味道我就覺得都唔錯,但當然唔值咁貴[sosad]仲要咁細杯。

我係Saturn一張相都無影,不過其實都唔洗影,佢就係外國版Bic Camera,有幾層樓,全部都係賣唔同既電器,成個大貨倉咁,真係乜都有,我之後都靠佢補給左我個壞鬼左既轉插。

因為行左全日,腳都軟曬,於是係商場度搵左個位坐左起碼大半個鐘[sosad][sosad]坐到夠曬就出返去,呢頭係古城既盡頭,成堆百貨公司,感覺現代d,所以古城就行完,過對面橋行,對面有一片草地,亦係我個friend推薦既。

WMF-8333.jpg

天氣好差[sosad] [sosad]

WMF-8337.jpg

呢度好多人玩獨木舟

我既目的地就係下面片草地啦:P

WMF-8342.jpg

WMF-8351.jpg

呢度勁多大鳥[sosad] 見個草地咁大我就一路行一路睇住風景咁行,直至我一路行覺得有d唔對路,點解呢度咁臭,成陣屎味既?一望地下… [shocking] [shocking]極多地雷,遍地大鳥黃金 [shocking] [shocking]

WMF-8353.jpg

就係佢地d作品 [shocking]而我唔帶眼咁行左咁耐,一睇鞋底,對timberland d鞋底罅填滿曬d地雷 :o) :o) :o) :o)

WMF-8352.jpg

咁多隻,緊係遍地黃金[sosad] [sosad] 點解我會無諗過呢度實有屎[sosad] [sosad][sosad] [sosad]點解d人又會坐係草地上面[sosad] [sosad]我唔見有無屎既位置係可以坐得落[sosad] [sosad][sosad] [sosad] 於是我就無再欣賞呢度既風景,全程狂hi返d屎係草地上面[sosad]

WMF-8354.jpg

呢度開始就無咩屎,呢度先係人行既[sosad]頭先果度應該唔suppose會有人行,直係勁大陣鳥屎味[sosad]

行完草,就行返上行人路,我覺得呢邊河既景色係沿途既樓

WMF-8355.jpg

感覺呢邊面河既屋間間都係別墅黎[sosad][sosad]

WMF-8356.jpg

唔知呢d樓幾錢呢,不過點貴都應該唔會夠香港貴[sosad]

WMF-8357.jpg

成間酒店咁既疑似大屋

WMF-8376.jpg

超級豪宅[sosad]我已經唔知佢係屋定酒店。入面仲咁啱有人出黎,成班著曬西裝、靚裙,完全係上流feel[sosad][sosad]

呢個時候我已經行到呢度,個天好似想落雨咁[sosad]

WMF-8360.jpg

WMF-8366.jpg

呢度本來係個幾好既景,不過……個橋塔!!整緊!!!

WMF-8371.jpg

遊船碼頭。呢個草地斜坡幾正,坐係度睇下書應該好好feel,唔怪得我個friend推薦呢度#yup#

海德堡老橋 Alte Brücke Heidelberg

WMF-8375.jpg

佢正式名係卡爾特奧多橋,不過多數都係叫佢老橋,佢長200米,闊7米,橫跨內卡河,連接住海德堡古城同Neuenheim區。橋頭本來有個古老既橋門,不過而家整緊,變左舊白色布。呢個白色野真係夠曬搶眼:o) :o):o) :o)

WMF-8378.jpg

完全破壞曬個景緻:o) :o) [sosad] [sosad]

WMF-8388.jpg

越黎越近橋啦。

WMF-8394.jpg

呢個橋景遠睇無咩野,都優美既不過未到好靚,行到呢度就覺得係幾靚:) 因為呢個角度可以拉埋曬個城堡、教堂塔同橋,視覺上豐富d。本來仲有個橋門既,不過……

WMF-8399.jpg

WMF-8402.jpg

其實咁睇已經靚過實際好多,因為呢個時候天氣真係大差,咩都灰曬色,而家tune左色先有d色彩,好天既話一定靚好多:~( :~(

WMF-8404.jpg

好闊既橋,

WMF-8405.jpg

WMF-8406.jpg

WMF-8407.jpg

WMF-8409.jpg

到左盡頭啦,又返返黎聖靈堂呢頭既市集廣場。呢個位幾靚。

WMF-8411.jpg

好熱鬧

WMF-8414.jpg

WMF-8416.jpg

呢條街我覺得幾靚

WMF-8418.jpg

好海德堡

WMF-8419.jpg

WMF-8427.jpg

WMF-8430.jpg

WMF-8432.jpg

WMF-8433.jpg

又見到Hotel Zum Ritter

WMF-8435.jpg

WMF-8436.jpg

幾時都咁多人既市集廣場。

因為已經行得7788,我就直接去今日plan左去既餐廳Schlossberg-Keller。

晚餐推薦 — Schlossberg-Keller 

呢間餐廳係Trip Advisor上面排第一,都覺得好合理,因為overall我係幾滿意,好味、服務好,位置都正,佢係係正個纜車站入面,都幾得意。雖然係正景點位,但佢唔係Tourish Trap :) :)

WMF-8439.jpg

雖然排名咁前,不過有趣地佢又唔係好多人,基本上我去果時得幾枱人,好可能因為當時先6點零鐘,加上多數d人都係廣場果頭食。我就唔會亂咁係廣場d餐廳食,因為之前中過太多伏 #haha#dog

WMF-8441.jpg

呢間餐廳有中文menu,佢問我要中文定日文,我就揀左中文,不過後來我就後悔無直接要求英文menu,因為呢個Menu真係全中文,除左呢版有d數字比佢分辨返係邊道菜之外,其他果d餐,係完全無德文或者英文係個名附近,就算我想點果樣野,佢都唔會知我想叫咩 #haha#dog #haha#dog #haha#dog超搞笑。我叫餐果下都無為意,仲要本能地指住個中文名係話想要 #haha#dog #haha#dog 好彩一秒後意識到個menu係無英文德文,就轉話要個Spaghetti,因為果度得一種Spaghetti揀,而個譯名係d好大陸、睇唔明既譯名,而最後好可能佢get左另一種佢地有既意粉,最後上既係無肉既類似Spaghetti Arrabiata既意粉,而我係menu上見到既係有肉既,係15歐,最後埋單既呢碟只需要12歐左右,不過唔緊要,因為總之係意粉我都ok。 :P 因為我突然好想食意粉 :P

WMF-8442.jpg

Sorry影得有d衰,不過呢個意粉真係不得了,唔好睇佢好似無咩野,佢個味道好立體,有酸有鹹有甜,調校得啱啱好,最鐘意呢d味 :P 勁惹味!其實我都唔肯定佢係咪Arrabiata,因為佢個樣就好似,不過就唔辣既,應該只係茄汁意粉,但個調味真係不得了,就算係普通一個茄汁意粉,佢都可以整得咁好味,唔會頹,所以真係睇到佢既功夫,難怪呢間餐廳可以排第1。可惜今日無食德國野既胃,因為琴晚已經食左薯蓉,我又未想食腸仔或者豬,所以我就無叫佢既特色菜啦。呢個意粉好啱我心水,我都坐左好耐,慢慢食。:P:P

食完個好味既晚餐,是日既行程就畫上完美句號啦。聽日,就會經Frankfurt去羅騰堡!


【歐遊 2018】獨遊瑞法德奧17日童話小鎮仙境遊 路線行程 : https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

 

Advertisements

Leave a Reply

This site uses Akismet to reduce spam. Learn how your comment data is processed.