【歐遊遊記 2018 】獨遊瑞法德奧 童話小鎮仙境遊(十七)Day 6 德國紐倫堡 — 一個重建既古城

atemplate17

紐倫堡呢個名話熟唔算好熟,但又好似邊度聽過咁——因為紐倫堡香腸就係呢度黎喇!對於紐倫堡呢個地方,其實如果你去左羅騰堡,而且你唔係係聖誕節黎(睇佢個大聖誕市集),你又時間緊逼,或者唔想一次過睇咁多古城,想省略我呢個路線既其中一d古城,你大可以考慮省略佢,因為佢賣點相對上唔算好獨特:古城無羅騰堡咁靚,因為呢個古城有唔少部分係重建出黎,無咩古舊感;山上既堡又無海德堡既外型既咁壯觀。不過,呢度又未至於無野做既,我都係度搵到幾有趣既野做,佢亦有佢值得一睇既地方——佢既城堡有全世界最深既井同有個幾資訊性既高塔,我覺得呢日hea得黎都幾有趣,有時間不妨黎行下。

不過如果你係去慕尼克,發現plan左太多日係果度,想係附近搵個地方去,咁紐倫堡都係個唔錯既選擇黎,只要買邦票(【歐遊遊記 2018 】獨遊瑞法德奧 童話小鎮仙境遊(十六)拜仁邦票資訊:德國 往返羅騰堡、紐倫堡、慕尼克、天鵝堡、國王湖、薩爾斯堡(奧地利)都可能用得著既拜仁邦票教學—— 慳錢必學!!),搭一個幾鐘火車就可以輕鬆黎到啦。

前住交通

由Rothenburg去Nuremberg搭火車要 2個鐘多D,
去Munich 用邦票(唔可以搭ICE火車)就要1個鐘8個字左右。

WMP-9356.jpg

一出火車站,就見到個又係同Basel 果d幾似既火車站。

講下紐倫堡一日(半日)遊既行程啦。路線就係好似下面咁,順住A到H咁行(個B被H遮住左。)A係車站、B係工匠廣場(Handwerkerhof)、C係紐倫堡城堡。由A行去C大概20分鐘左右,由於途中係有幾個廣場同景點,所以行下行下唔經唔覺就會到架啦。

螢幕快照 2018-10-08 下午3.22.54.png

工匠廣場(Handwerkerhof)

離開火車站就會見到呢個圓柱塔同城門,入面就係一個叫工匠廣場(Handwerkerhof)既地方。

WMP-9360.jpg

WMP-9361.jpg

WMP-9363.jpg

WMP-9364.jpg

工匹廣場係1971年開始有既,佢既起源原來真係為左整個景點出黎,唔係慢慢演變出黎既。當地係一星期內就諗左呢個工匹廣場既idea,而家入面有好多工匠店造唔同既工藝品,例如玻璃畫、瓷藝品、木偶、金銀首飾、皮具等,據說有呢個構思因為以前紐倫堡係個工藝城市,當中有d係紐倫堡既傳統工藝。呢度仲有d餐廳係賣當地特色菜。

唔單止個concept,呢度d小店都係一堆中世紀既屋仔外型,姐係木骨屋,所以係幾有feel。

WMP-9367.jpg

一入到去見到d好似城牆通道咁既建築,下面仲有個counter,我差d以為呢d度要買飛。WMP-9366.jpg

WMP-9369.jpg

呢度就係一群木骨屋,如果未去羅騰堡、科爾馬果啲應該會覺得d屋仔好正,否則就應該無咩太大感覺,因為呢度規模細好多。不過,木骨屋點都係賞心悅目既,睇多d都唔怕。:P

WMP-9376.jpg

呢度d屋仔簡單得黎都有啲啲特色既,呢度因為基本上係同一個色調,矮少啲,所以好有鄉郊村落feel。

WMP-9378.jpg

WMP-9377.jpg

WMP-9379.jpg

加上其中有d係餐廳黎,你會見到有啲屋仔既煙囪真係噴緊煙,好有feel。

WMP-9370.jpg

不過,我黎果時係星期日,d工匠店全部無開,基本上呢度得餐廳有開,連紀念品店都無開啊!!如果我係呢度有工藝品睇,可能會對呢個城市加唔少分:)

一路係度行都覺得呢度好鬼香,因為d餐廳食物味係咁飄過黎,我見啲人啲野食賣相都唔錯,但因為plan左晚上先入一間好似唔錯既餐廳,所以就無坐底食。但我就見呢度有賣紐倫堡香腸,先3歐就有三條同一個包,一於試下:)

要入去餐廳度買既,加餐廳叫Restaurant Bratwurstglöcklein im Handwerkerhof

WMP-9381.jpg

呢間餐廳入面都好有feel,諗起Rothenburg間超正餐廳,可能都係木骨屋,個feel好似,特別warm。

WMP-9384.jpg

入面無咩人,因為多數都坐出面,加上今日星期日,四圍都好冷清。

期間我見佢上果d菜好似好香咁,仲用個幾得意既碟裝住,我無影低,上網搵左張圖:

螢幕快照 2018-10-08 下午4.01.40.png

仲見到d人可能聖誕或者平日晚上黎,好有feel:

螢幕快照 2018-10-08 下午4.05.03.png

到手啦!

WMP-9385.jpg

WMP-9388.jpg

d腸真係幾正,就算係被呢d又無味又硬又乾既包夾住,我都覺得成個腸包係幾惹味,不過我竟然食食下跌左大半條腸:~(:~(黎到呢度真係要食腸啊! :P :P

出去lu#yup#

WMP-9390.jpg

其實呢個城市其他地方都係典型德國古城咁,只係多個堡係最高位。

WMP-9392.jpg

今日天氣又係好好

WMP-9393.jpg

WMP-9394.jpg

呢度好多人,好似因為有間野電視播緊世界盃。

雪糕店,咁曬食返杯是常識吧 #yup#

WMP-9396.jpg

WMP-9397.jpg

mint & yoghurt #yup# 世上無yoghurt雪糕可以超越Riquewihr果杯[sosad]

行下行下就到河啦,呢度有d古建築。

WMP-9399.jpg

純粹幾鐘意佢凸出黎果個騎樓(成日都唔知應該叫佢乜好)。

WMP-9404.jpg

行下行下就到左個大廣場,呢度超熱鬧,以為有concert,原來係沙排賽。原來d沙排賽係可以係個城市市中心搞既[sosad]係地方倒堆沙出黎,就係沙排場[sosad]

Nürnberger Hauptmarkt

WMP-9405.jpg

WMP-9407.jpg

超好氣氛:

WMP-9408.jpg

我都睇左陣,不過因為太矮,睇得好辛苦,加上有d野遮住曬我剩係睇到半邊場,所以睇睇下就繼續行[sosad]

呢個廣場有座幾靚既噴泉,叫做Schöner Brunnen,下圖所見佢有幾支野,每隔一陣佢d水夠多就會倒出黎,有d人就會係度等水洗下手涼下咁。

WMP-9410.jpg

WMP-9414.jpg

之後有個鬼妹就拎個樽出黎裝水啦,因為好多歐洲既廣場水都係可以飲用既,點知今次佢裝出黎既全部都係黃色既水#haha#dog 哇,睇黎洗完隻手都好烏糟,之後個鬼妹見到個樽入面d水好似好疑惑,竟然走過黎問我:你知唔知呢度d水飲唔飲得 [shocking]  #haha#dog

大佬啊,一睇就覺得唔飲得啦#haha#dog#haha#dog

WMP-9417.jpg

Church of Our Lady,因為無咩特別,我都無行過去。

WMP-9419.jpg

之後我繼續向城堡行。

WMP-9422.jpg

WMP-9423.jpg

又有個教堂。

WMP-9425.jpg

遠處橙色頂果度係城堡範圍黎架,呢度係一直上斜行既。

WMP-9426.jpg

望返下面,已經好遠了。

WMP-9427.jpg

WMP-9437.jpg

期間仲有d德國仔係度由上面玩滑板咁碌落去,見到都覺得超快,佢真係唔識死咁,超快之後落板,勁癲[sosad][sosad]

WMP-9448.jpgWMP-9439.jpg

WMP-9429.jpg

到架啦[sosad][sosad]咁睇真係幾唔覺邊度似城堡,正確答案係左邊果度[sosad]

WMP-9435.jpg

呢度就係紐倫堡既城堡啦,比起海德堡,佢真係好唔似[sosad][sosad]

望返下面

WMP-9448

 

WMP-9450.jpg

但我覺得幾得意既,佢有d好raw既大石係度。

WMP-9455.jpg

感覺同大自然融合左。

WMP-9457.jpg

呢個咁搶眼既其實而家係Hostel黎,以前係城堡既一部份,不過佢以前只係個放穀糧既地方,即係糧倉。如果我住呢度,我黎到呢個城市咪要成身行李咁爬上黎呢度住hostel……[sosad]

WMP-9458.jpg

一上到黎個城堡有d lost,因為唔多覺有個明顯既正門,亦唔知洗唔洗買飛果d,不過好易就搵到地圖。呢個城堡基本上大部份位置都係唔收錢既,剩係d室內位置要入場票,即係宮殿同聖堂(其實都唔知係咪真係宮黎,佢叫Palas with double chapel)、城堡博物館、塔同好深既水井,佢地係分開收費既,我自己就覺得座塔同好深既水井比較值得睇,所以剩係買左塔+水井既飛,以下係詳細收費。

中世紀城堡組合票(包含Palas with double chapel、城堡博物館、塔、水井):
7歐

塔+水井:
3.5歐
*但最新資料話個塔整緊關左,而家剩係可以比3歐睇水井

Palas with double chapel +城堡博物館:
5.5歐

WMP-9460.jpg

WMP-9463.jpg

基本上呢度就係好多塔咁

WMP-9466.jpg

WMP-9468.jpg

個糧倉真係好大,睇黎真係好多糧[sosad]

WMP-9471.jpg

有家人係度玩cosplay[sosad]

WMP-9472.jpg

由城堡既右邊一路向左行就會到城堡博物館果頭。呢度所見既塔,其實就係可以登頂果座啦。

WMP-9477.jpg

WMP-9481.jpg

呢度既建築四圍都會有d石頭彈出黎。

呢頭有個觀景台,不過並唔精彩。

WMP-9482.jpg

WMP-9487.jpg

WMP-9484.jpg

繼續行,雖然話城堡,不過呢度d建築都係木骨屋黎,唔係特別華麗,真係個低調既城堡。

WMP-9489.jpg

上面仲有唔少工程[sosad]

WMP-9493.jpg

個城牆上面既紅色欄幾可愛。

WMP-9495.jpg

WMP-9498.jpg

右邊果間其實就係水井果度,入面個井大有來頭,係全世界最深既井,有50深!呢個深度係比佢隔離座塔既高度長!呢個井既水源係舊時黎講太珍貴,於是要起間屋去鎖住佢,當時仲有守衛駐守,以防d平民上黎偷水飲!於是而家就有間屋啦。

WMP-9503.jpg

呢度有勁多旅行團黎。

行行下就到售票處啦。

WMP-9504.jpg

WMP-9507.jpg

好多藤果座建築入面就係售票處,入面仲有片睇,可以睇到呢座城堡由零開始既變遷,我當時坐係度睇,睇到訓著左[sosad] 就是恰左陣[sosad]

呢度就係附費區,要買Palas & Double Chapel + 城堡博物館既票先可以進入。

WMP-9506.jpg

我就無打算入啦,因為去得城堡多都知道入面會有乜睇,都不外乎好多古時兵器、酷刑室果d。

WMP-9514.jpg

我就剩係參觀呢兩度 #yup#

WMP-9510

要參觀水井係要參加導賞團既,無得自由進入,因為佢要有個導遊講解個水井同做示範,而3.5歐係包埋個導賞團既,每30分鐘有一場,佢會講完德文再講英文咁樣。

WMP-9516.jpg

入面就係咁樣既,中間個井就係全世界最深既50米井,牆果度仲有個模型。

WMP-9517.jpg

開始後,佢就會講下個井既歷史,然後就示範。首先佢會倒d水落個井,你會聽到5秒後先有佢落到底既水聲,比你感受下佢有幾深。再之後,佢就會將一個有蠟燭既杯運落去,一路落你係頭先牆上面果度既mon可以睇到下面有個cam一直影住佢,你都可以從呢個角度望到佢一落都未到底。

WMP-9518.jpg

WMP-9521.jpg

佢身後既screen係展示緊個蠟燭既情況。

WMP-9520.jpg

落到好底。

WMP-9522.jpg

上返黎啦。

個職員不斷會叫我地小心個人物品,因為跌左落去就無可能拾得返。不過其他幾年後可年會拾得返既,因為佢地每幾年會做下清洗,係下面拾到既物品會放埋係度展出#hehe#dog

WMP-9523.jpg

果堆人圍住果度就係d展品啦,係幾年前清洗果時清出黎既失物,有銀包、小朋友拎住玩既玩具等等[sosad][sosad]全部都黃曬[sosad]如果呢幾年再落去清理既,應該會有手機?[sosad]

WMP-9524.jpg

睇完個示範,再望呢度既感覺又唔同左。個導賞團都幾有趣,值得一睇,上面所有同個井有關既歷史都係睇完個團先知。

之後就去睇個塔啦,我不嬲都係d古城有高位就要爬上去睇下既人[sosad]

WMP-9526.jpg

呢度一個職員都無[sosad]

WMP-9527.jpg

呢座高塔曾經有唔少用途:倉庫、藏寶閣、監獄[sosad]關d犯係高塔入面,都幾絕[sosad][sosad]

WMP-9529.jpg

又係長命梯,不過今朝先受訓完(爬完羅騰堡個塔),呢個當然難唔到我啦。事寫上呢個好爬過果座太多啦,起碼是正常樓梯先。

WMP-9537.jpg

呢個位就好睇過下面個平台好多啦。

紐倫堡雖然有好耐既歷史,但其實佢算係一個幾「新」既古城,因為係二戰時期佢係納粹黨既重要集中地,自然被盟軍針對住黎轟炸,於是二戰後整個城市嚴重損毀,現今見到既「古城」大部份都係重建而成。所以其實細心d睇,會見到呢個城市除左仲留住本來既結構同基本既山型建築形狀之外,其實好多小屋外貌都失去真正古建築會有既精美裝飾同點綴,比較簡約同現代化。因此我上面就話佢唔算係個特別靚既古城。

WMP-9538.jpg

WMP-9541.jpg

WMP-9539.jpg

呢個塔唔係單單一個觀光塔,上面仲每個窗都有張相,d相就係係二戰後,有人係塔上相應既窗影既市容,你會見到個城市大部份當時都被炸到爛曬,教堂、屋同城堡呢頭都係好多頹垣敗瓦(真係好似雷霆救兵入面炸小鎮果幕咁炸法),基本上城個紐倫堡無乜邊度係完好無缺,所以今時今日見到既紐倫堡,都係二戰後因為想保留古城原貌,同時又要迎合現代生活既需要而重新建造既,個城市結構上基本上一樣,但d屋仔就未必會做返之前果d中世紀木骨屋,而係比較簡約既外牆。睇返舊相(有d角度仲有戰前影既相),以前成個城都有好多木骨屋,如果當時無被炸到爛曬,相信都會係個好可愛既城市:P,呢度街上有時仲會遇到既一、兩間木骨屋,好可能真係避過轟炸既古跡黎架!

WMP-9544.jpg

WMP-9547.jpg

WMP-9549.jpg

城牆內外既屋都幾唔同。

WMP-9550.jpg

碩果僅存既木架屋,果間屋都有名堂架,佢係杜勒之家 Albrecht-Dürer-Haus ,杜勒係德國最具代表性、文藝復興時期最偉大既畫家。

WMP-9553.jpg

歐洲古城幾時都係修輯緊。

WMP-9559.jpg

WMP-9561.jpg

望返去hostel果度

WMP-9562.jpg

WMP-9567.jpg

WMP-9570.jpg

呢度仲有條梯,不過上面無得上既。塔黎講,呢度真係幾闊落。

WMP-9572.jpg

落返黎後,城堡行程就完啦,落返去行下個城先。

WMP-9574.jpg

WMP-9578.jpg

WMP-9580.jpg

WMP-9581.jpg

一路再向城堡既左方行,就會到另一個廣場。呢個廣場我覺得靚過主廣場

Platz am Tiergärtnertor (Tiergärtnertor Square)

WMP-9590.jpg

WMP-9582.jpg

其實呢度幾正,比主廣場少人,但又未至於無人,四圍又多木屋。不過呢個時候逆光太勁,我咩好相都影唔到[sosad] 一係勁大對比,一係

WMP-9587.jpg

WMP-9591.jpg

WMP-9593.jpg

頭先塔上見到既杜勒之家就係呢個廣場入面啦。

WMP-9594.jpg

WMP-9597.jpg

係度坐下幾正既,背住城堡既廣場。

繼續行。而家基本上係D果度,去緊E,E係一個被譽為紐倫堡最美街景既地方。

螢幕快照 2018-10-08 下午3.22.54

一路行,呢頭好似比較多木骨屋,呢間成個雙面人咁[sosad]

WMP-9600.jpg

WMP-9602.jpg

傳說中最美街道就係呢頭,不過我仲搵緊[sosad]

Weißgerbergasse

WMP-9604.jpg

主角相信就係呢幾間屋啦,不過我當時睇又覺得無咩特別,因為附近d屋太普通啦,成條街唔算好壯觀。不過呢幾間屋係幾靚既,要feel到條街靚,係要就下角度既。

WMP-9605.jpg呢條街叫做Weißgerbergasse,從街既盡頭(近橋果邊)影過去就見到呢個景。現實睇其實真係覺得無咩野,不過睇相又覺得係幾可愛 :P

WMP-9607.jpg

WMP-9609.jpg

WMP-9610.jpg

WMP-9614.jpg

睇返覺得隔離幾間半木骨屋都相當可愛 :P

WMP-9615.jpg

睇完呢個景,繼續行啦。其實本來plan左去F點,即係今晚晚餐既地方。點知一搵發現原來佢星期日唔開 :o) 嗚哇早知今日下晝就係工匠廣場食野啦!! [sosad]

於是我就唔理啦,繼續沿住向G行,再行返去火車站。

Maxbrücke 一帶

WMP-9616.jpg

G係河景、橋景黎,不過唔知呢個時間d光既問題定點,我去到又覺得唔太靚,d相靚過真實 [sosad] 。

WMP-9620.jpg

WMP-9623.jpg

WMP-9625.jpg

呢度d水印象中感覺好污濁 [sosad]

WMP-9629.jpg

有幾座橋。

WMP-9630.jpg

d吊臂阻住曬 [sosad]

WMP-9631.jpg

WMP-9633.jpg

呢個位既景幾優美既。路過可以黎望下,不過並唔係咩精彩野。

呢個時候係星期日既5點幾,成條街真係無乜人 [sosad]

WMP-9640.jpg

下面呢條本來係H&M街黎,正常會好熱鬧,但因為星期日,四圍既店都關曬,無乜生氣。

WMP-9641.jpg

遠處見到工匠廣場座塔啦,即係就到火車站了。因為想趕火車去慕尼克settle down,我索性唔搵餐廳,買d外賣上車食算。

火車站入面都有腿仔食#yup##yup#於是我買左沙律同紐倫堡香腸,再買d磁石、postcard就上車去Munich啦#yup#

WMP-9643.jpg

2018-10-08 23.17.19.jpg

下一站:德國慕尼克、天鵝堡

(待續)

如果想知更多歐遊資訊,歡迎Like我既 Facebook page 留意最新資訊同遊記: 芒果豆腐花遊記


【歐遊 2018】獨遊瑞法德奧17日童話小鎮仙境遊 路線行程 : https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

Advertisements

4 thoughts on “【歐遊遊記 2018 】獨遊瑞法德奧 童話小鎮仙境遊(十七)Day 6 德國紐倫堡 — 一個重建既古城

  1. Otto says:

    我八九年前都去過NURNBERG
    自己幾鍾意呢度,地方唔大靜靜地
    因為我去德國玩三星期

    所以在NURNBERG玩兩日兩夜 (第三朝一早走)

    NURNBERG我有去睇波~

    同埋佢有條好似紅燈街,….幾間屋落地玻璃窗入面有半祼既女仔企晒係度
    我無意中走過,不停大叫日文同我打招呼….因為夜媽媽成條街得我一個男人老狗在行,有少少淆之下急急腳跑走左…

  2. Otto says:

    怕的…去之前唔知有…剩係知漢堡有….
    睇旅遊書時又冇留意,當時係好突然,連合唔合法都唔知…

    同埋準確D講,那條唔係街,係好暗既後街…
    個感覺好似好雜…而窗入面既幾個女人全部都好似進擊的巨人咁… (半裸,好進取,不停敲窗大聲講日文打招呼….嚇到當時連佢地個樣都唔敢睇清楚…

    事後問個當地朋友先知原來真係有而且合法的,不過通常都是年齡較大的就是,所以沒甚麼人會去…
    連參觀的人也少

Leave a Reply

This site uses Akismet to reduce spam. Learn how your comment data is processed.