【歐遊遊記 2018】獨遊瑞法德奧 童話小鎮仙境遊(二十七)DAY 11 瑞士北部 觀賞萊恩瀑布 Rhinefall 住宿推薦 – Schaffhausen 沙夫豪森 Hostel Crossbox Pub+Backpacker

離開Stein am Rhine後,我下一站就係去歐洲最大瀑布——萊恩瀑布,不過我先去是日落腳地 Schaffhausen check in 先。首先想分享一下今晚我住既呢間裝修好靚既Hostel~我仲幸運地因為無人book而可以一個人住曬成間hostel房~跟本就係間單人房~哈哈~

是日book左一間hostel既6人女生宿舍床位,價錢係50CHF (350HKD)  一晚。點知唔知行咩運,一去到老闆就話今晚間房得我一個book,所以我可以霸曬佢#love##love#,嗚哇好開心,唔洗同唔熟既人share房:P。今晚間hostel仲好靚,位置超方便,老闆勁熱情,比起海德堡果間住得舒服自在得多:P

Crossbox Pub+Backpacker 

Agoda link: https://www.agoda.com/zh-tw/crossbox-pub-backpacker/hotel/schaffhausen-ch.html?cid=-218

位置方面,我一落車已經見到間hostel,根本就係正車站果度,附近(係車站)都有Coop超市,好方便。

呢間住宿基本上地面係Pub,一樓係Hostel 房(3-4間房左右),再上面就酒店房,所以無論住唔住Hostel既人都可以考慮,因為佢有私人房可以book既。先睇下佢裝修,真係好正:

首先,上樓既樓梯係咁[bomb]


住客範圍有電子門。

走廊,好似去左間豪華大宅咁#love#

房,又係勁型,基本上老闆同我行左轉Hostel Tour,成個過程feel到佢好為佢既hostel而自豪#like#勁熱情咁同我介紹唔同設備。

哇張地毯[bomb]

設備方面,你訓上下格床都有插座用,設計符合實際需要;呢度既床唔係鐵架床,而係好實淨既木床,每張床都鋪好曬,乾淨同床鋪既舒服程度基本上同酒店無分別,所以呢晚好好訓。

其實間房開曬燈都係偏暗,咁變相有另一樣好就係無論你同房幾點開燈都唔會開燈開到D光整醒你,又因為暗, 雖然唔係每格床都有簾,但我諗私隱度都會夠。

佢仲話呢支水係送比我既,酒店既感覺 :P

不過,我就咁睇就唔覺房內有locker,但又咁岩今晚得我住,所以我無需要locker,不過我見走廊有d可以自行加鎖既櫃,我唔肯定真係比人當locker用定係純粹裝其他野既櫃,但我見booking.com係寫有locker,而呢D都好似呀,可能真係。

浴室雖然唔係房內,但都方便,加上今晚可能真係無人,一層兩個浴廁(一男一女)完全無人同我爭住用。浴室廁所係同一間房,關埋大門就成個都係你用曬。

乾濕分開,有個好闊落,乾淨既廁格:

同好大既沖涼範圍,剩係個浴廁房都起碼200呎,所以沖涼梳洗果啲都好舒適,仲唔知點解有兩個花灑頭[sosad]

Hostel下面係一間自家經營既pub,我無特別去揾啦,不過老闆無提過呢度有廚房果啲,咁岩我又唔需要,如果慣左係hostel解決三餐既就要注意下,呢度目測無廚房或飯廳,不過係間pub食野飲野就好似有9折。

下面呢個Reception基本上無見過佢開,我就直接係Pub度check in 既。

佢lobby有另一個大電子門,唔洗次次出去都經過Pub既舖面。

當時正值世界盃,所以如果想睇波就好方便,直頭係房都聽到D電視聲,不過10PM後踢曬就會靜曬,所以唔係一個問題。

位置無得再靚,一個人霸六人房,浴廁舒服好用,老闆勁好人,裝飾勁型勁靚,所以呢晚我當然住得非常滿意#yup##yup#,無得彈

如果想睇更多歐洲遊記或問問行程資訊,歡迎Like Facebook Page  芒果豆腐花遊記 ~


【歐遊 2018】獨遊瑞法德奧17日童話小鎮仙境遊 路線行程 : https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記
詳細遊記及資料整合:https://mangotofufa.wordpress.com/

Advertisements

Leave a Reply

This site uses Akismet to reduce spam. Learn how your comment data is processed.