【歐遊遊記 2018】獨遊瑞法德奧 童話小鎮仙境遊(三十七) 瑞士少女峰地區 Grindelwald 住宿報告 —— Hotel Bellary 貝拉里酒店

去少女峰一帶,一定最少要係Grindelwald住返晚!雖然真係可以好貴,但一起身行山露台,就見到自己被雪山、美景包圍既感覺係值得架~呢篇會報告一下我係Grindelwald既住宿 Hotel Bellary~

黎得瑞士,我已經決定左係Grindelwald一定要住木屋單人房,絕對唔住Hostel,
因為呢個suppose係個盡情享受既地方,所以一定要比自己舒舒爭服咁住兩晚。
而揀Hotel Bellary既原因好實際,
就係當時佢係符合我心中條件既酒店之中最「平」既一間,
單人房,私人浴廁,連早餐,每晚 99.5CHF(796HKD)
,今次我住左兩晚。

住落幾舒服,整體都唔錯,
無伏,但下次我未必會住返呢間 :D
只係如果都係佢最平既話,我都可能會住返佢。:D

是日我比Check in 時間早到,本來只係諗住放行李,
結果原來我間房已經ready好,所以我就可以抖下先:D

真係由內到外都係木屋#love#
不過呢樣野有好有唔好,
下面會再講:)

設施:

唔好睇佢細細間,佢有𨋢的,有篋都無問題:)

房間方面,正常酒店有既野佢都有,
仲有個角度好正既Grindelwald全景露台,所以幾時都可以出去睇風景,吹下風#love#

個露台係全層share既,你係可以係度去到隔離房既露台門,
所以入房後一定要鎖好門窗,我仲會關曬窗簾。
特別係出去玩之前更加要check清楚有冇鎖好露台門。
不過我住左兩晚都無見過其他房既人係露台出現過。[sosad]

如果張椅舒服啲,露台環境靚d會更好feel。

沖涼水力無問題,不過沖涼有樣野要注意既係,
因為佢由内到外都係木屋,就連浴室都係,
只係浴室牆同地面都痴滿左啲防水既墊,但都總有啲空罅,
所以老闆係我check in 時話沖涼時要注意,
d水唔好流/滴左去浴缸以外既範圍,因為如果廁所地面有水潭既話,
好可能會搞到下面滴水[sosad][sosad]
問題係,佢個企缸唔算大,而且係用浴簾唔係玻璃幕門,
個浴簾包唔曬成個範圍,所以其實全程我都要好小心,
盡量確保唔會整到成地水,呢點係有啲麻煩同唔自在既[sosad]

我呢間其實係雙人房,不過我一個人住,就當呢張床梳化用。

早餐:

正常quality,無特別豐富或頹,正路水平,
有包、火腿、芝士、飲品等。
早餐記憶中係起碼8點先開始,但其實少女峰地區最好更早出發,
如果你想更早出門,你可以同佢講聲佢會前一晚準備定早餐比你,
會有包食,不過就無ham呀cheese果d要放雪櫃既食物比你夾:)

位置: 

我諗呢個係佢既缺點,但其實又唔係差,只係未去到最方便。
佢離Grindelwald 火車站步行距離係15分鐘左右,
其實有D遠,而我一個人行,無人陪我傾計就感覺更加遠。

而且向酒店既路係一直向上行嘅路,唔算斜,但會比較攰同可能要再行耐D,
玩完全日仲要咁行都有D…

其實Grindelwald呢頭有巴士搭,都有個站係好近Hotel Bellary,
而住係Grindelwald既人都會係Check in 時收到一張visitor card,係本地巴士pass,
唔包觀光巴士,interlaken果D都唔包。

不過因為我到埗時未有visitor card,都係要自費搭巴士,2.1CHF左右(半價左)。

下圖中既巴士,就係佢啦。

另一個問題係,其實Grindelwald 既巴士尾班車都幾早,實際時間唔記得了,
Google map會check到(而家冬天check唔返夏天個時間表),
大概6點零左右,所以每日玩完返到Grindelwald站,買下野食咁,
都一定唔會搭到尾班車,日日逼住行返上酒店[sosad]
就算你肯比錢搭巴士都無巴士你搭。
佢頭班車係7點幾左右,當時我要6點幾出門口,
又係搭唔到巴士,不過好彩去火車站,
行落斜路快好多,揹住背囊都感覺OK。

所以位置上其實可以揀既話盡量都係住返Grindelwald站一帶或果條「市中心」大街,
否則你攰起黎又無巴士既話就要局住行[sosad]

不過,佢呢個位最正既就係,個景夠靚#love#不過我相信呢度間間都會有靚景睇[sosad]

服務:

我覺很呢度服務好好,因為就算早餐時間唔夾佢都盡量會準備D野食比你,
唔會話miss左就無,所以我覺得好有誠意:P
呢個位係有D驚喜,因為係佢問我幾點走之後主動提出會為我準備早餐,
本來我預左無架啦[sosad]
佢仲話我好好彩,因為我到埗前果幾日天氣都好差,我咁啱係最好天既日子到,
所以佢好開心咁恭喜我:P,我都好開心,
因為我真係擔心左個天氣好耐[sosad][sosad]

BTW,有個職員精通多種語言,
我聽到個呢度瑞士男職員勁流利咁同班日本呀婆講日文,
覺得佢超勁[sosad][sosad],因為我食早餐時聽到,
一路以為有個日本男人,點知原來係佢[sosad][sosad]

總結

總括黎講,Hotel Bellary 係幾好既酒店:)
如果價錢平既,不妨一住,
但如果同價有其他位置更好既酒店,
我就覺得唔一定要住呢度~:)

如果想睇更多歐洲遊記或問問行程資訊,歡迎Like Facebook Page  芒果豆腐花遊記 ~


【歐遊 2018】獨遊瑞法德奧17日童話小鎮仙境遊 路線行程 : https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記

Advertisements

4 thoughts on “【歐遊遊記 2018】獨遊瑞法德奧 童話小鎮仙境遊(三十七) 瑞士少女峰地區 Grindelwald 住宿報告 —— Hotel Bellary 貝拉里酒店

  1. Fion says:

    好中肯和實用的意見。多謝你咁用心打咁多字呀!真係幫咗我哋呢啲計劃緊旅行嘅人好多。期待你更多精彩內容嘅遊記。加油!

  2. Fion says:

    請問你如果住係山上,距離Firstbhan纜車站一百米的民宿會否不方便呢?感覺好似好正,不過唔知拖住個喼住山上會否好麻煩?

    • mangotofufa says:

      SORRY 我而家先見到 T_T!!
      Firstbahn 100米,哇咁出入都要搭纜車,玩黎講就唔方便的了,因為first bahn真係只會上一次,一轉纜車要30 mins, 但應該唔會厭既,
      係D景點酒店黎?不過相信會好靚!

Leave a Reply

This site uses Akismet to reduce spam. Learn how your comment data is processed.