【歐遊遊記 2018】獨遊瑞法德奧 童話小鎮仙境遊(四十) 瑞士策馬特 五湖健行 遊記(下篇:Grindjisee, Grünsee, Moosjiesee, Leisee)

上篇:【歐遊遊記 2018】獨遊瑞法德奧 童話小鎮仙境遊(三十九) 瑞士策馬特 五湖健行 遊記(上篇:Sunnegga Paradise – Stellisee)

上篇講到我黎到Zermatt上山行五湖健行,
呢度行山既景色真係好靚,所以上篇單單講纜車同第一個湖都放左極多相,
今次呢篇就會繼續講五湖,一次過講曬第二至第五個湖既路程同經歷~
行完真係好有成功感,強烈推薦呢個路線!

日期: 7月頭; 
行程需時: 5小時以上(由從Zermatt搭上山火車起計,到落到Zermatt)

前往Grindjisee

路程:
正常 : 30分鐘
我行錯路: 1HR

由Stellisee Lake 去 Grindjisee,絕對可以靠 Google map就得,

要半個鐘,但因為見有人係blog話呢度完全唔洗用地圖,睇路牌就得,

結果我當時無用google map,就被路牌同分岔路點左去行左條耐半個鐘既路程….
總共用左1個鐘…

最後越行越遠又唔對路,但又無理由回頭,因為落左好多斜,
於是我開google map +  用GPS,總算成功咁行返去我想去既Grindjisee。

講返條路先,好記得成條路極少人,仲有好多人同我反方向行。

沿途風景都係好靚既~

我應該要send返呢D相比佢哈哈

睇返下面呢張相,會見到左下角這就係我既目的地Grindjisee

我心諗,咁低既,咁一陣去其他湖咪要向上行?有趣既係行落又唔覺自己要上斜

其實我一路行真係好驚,因為無同路人,好驚自己行錯路,會唔知去左邊,完唔到個行程。

好彩行到呢度,有人同我迎面而黎,我問佢下面係咪Grindjisee,佢好興奮咁話,
yes! It is! It is very beautiful, you should go there! It is really beautiful!
好開心!終於肯定到自己行得岩。
就係下圖既人啦~

見到佢了~~

 

 

行到呢度已經覺得呢度好靚,因為啲船係其他湖無架,好有高山既feel,
聯想起Canada 。

Grindjisee 

呢個湖一到果下既視野係咁:

但重點絕對唔係呢個view

行過D,呢邊望過去靚D,其實真實睇覺得呢度真係好靚,好少人又有D隱蔽,覺得有D隱世feel

好靚~~~~

呢幾張相既角度都睇唔到馬特洪峰,因為被樹遮左,如果想睇到,
最好既位置就係下圖既巨石底下!

有倒影架~

有風了

#love#:P#love#:P

係咁影 影到好唔想走

個雲去到佢頭頂了

呢個就係大石位,有人會爬上去影打咭相 ,我就不了

出發去下一個湖,Grünsee了。

前往Grünsee

30分鐘路程 (Google Map寫,亦好準) 

其實呢個時候,我發現自己剩返好少時間,因為仲有2個鐘落山火車就閂,
但剩低既3個湖google map話要行1.5個鐘,咁我就陷入兩難局面,應該快行定減少一兩個湖呢,
因為真係好驚我行得慢過佢預既時間(通常我都會),同最重要係要佢似要上斜咁行,
行耐左既會無火車落山。
如果我而家直接去纜車站就穩陣d,但就會錯過左一d景色。
同FD討論完,我爭扎一大輪,見到還掂我都去到中間,
最後都係決定快步行埋佢算,最多影少d相,唔好再行兩步又停低影相。

去第3湖開始,我決定信Google map,結論係佢今次都幾可靠,
比路牌可靠,因為一路並非台灣人咁講有咁多路牌。
係呢段路上,只有我同另一個外國叔叔,叫住佢做Blue先,因為佢有個藍色背囊。
呢度行山同想像中成村同路人都差好遠下,
可能因為我地都算晏。

起初我唔肯定Blue係咪同路人,因為有時大家係同一條路都唔代表去既地方一樣,
呢度太多路線去唔同既地方,不過一路上我地都係同一個方向,
就係下圖既叔叔,我影完張相就好快咁行,超越左佢了。

我地全程keep住一個知道大家既存在,我前佢後,
相隔約10-20米距離咁行既狀態。
而去到一個路口,我停一停睇GPS確認方向時,Blue剛好路過我,
就用手勢話去個湖係行呢度,同時表示佢唔識講英文但識聽少少,
之後就繼續行,於是就變左佢行前、我行後既狀態。

去Grünsee既路會經過D河流呀咁。

有時間真係可以係度坐下~

頭先個湖係係上面架

呢度D路間唔時都有呢D排水道

有D搞笑既係,呢一段路係要「攀山涉水」的,下面既石仔路係一直有水流落黎,
blue上去前都望過黎指一指上面同我confirm下係咪都係行呢邊,

我對鞋防水,所以無問題,想行既人都要注意下。

呢度都係keep住有D水

正常路了

Grünsee

呢個湖幾搞野,因為佢呢個位睇唔到Matterhorn全相既,
只見到佢個角仔。

睇第3個湖,大家都係幾趕咁影下相望幾望J一下個景就行。

前往 Moosjiesee 牛奶湖

都係 30分鐘路程 (Google Map寫,亦好準) 

接住落黎既路都係佢係我距離20米既前方,佢間中會望一望後面確認我仲係度,
有時有d怪既分岔路佢又會望一望過黎同我確認係邊個方向,
或者停低一齊研究一下,因為佢係用無GPS既電子版地圖黎睇行山路線,
我就有GPS果啲,我地一齊研究完,然後又繼續前後咁行,

仲有有時有棵樹個根好怪好巨型佢又會轉身指住叫我睇下:D
因為有呢個呀叔,呢段路真係行得安心好多,雖然我地唔係真係一齊吹住水咁行,
但呢種同路人既「陪伴」都真係好好,感覺無去第2湖果時咁無助同寂寞。

呢度路有段都幾斜,係咁Z型咁落,D路亦比較衰。

:P

未到,呢個係不知名池塘仔

Moosjiesee 牛奶湖

牛奶湖呢頭唔知點解有D黃葉feel既樹

呢個湖周邊其實好人工下,要就角度咁影相

呢個湖既特點係佢既湖水係有D奶色既感覺

就下角度先:

其實都靚呀,但當然第一、二個湖靚好多啦~

去到第4個牛奶湖後,Blue指手劃腳咁同我講,佢之後唔會去埋最後一個湖,
佢會直接行落山,所以即係我地要告別啦,:~(:~(
果下心面真係有d唔捨得,同埋我之後無同路人啦,:~(
於是我地就係分岔路講左句Goodbye:~(,我仲講左句thank you very much,
我相信佢唔太知道點解我要多謝佢[sosad][sosad]
不過我真係好感激佢沿路既「陪伴」#hoho##hoho#

前往最後一湖 – Leisee

15分鐘路程 (Google Map寫,亦好準)
呢段路會比較吃力。

呢條路線應該係全場最chur既,因為開頭係要不斷向上行好斜既路,
下下都要用大脾力咁上,我又趕時間,快步咁上都幾係野

係上面望落牛奶湖

去第5個湖期間真係行到喘曬氣,而期間唔知點解突然會多左另一個同路人,
不過雖然同路,但呢段路一路既景色好靚,
我見有時間都有停低影下相J下景,佢好飛快地就路過左,
唔見埋。

D路無級,自己踩上去

呢個時候,D陽光打埋黎,一片金黃,好靚~

 

呢度加埋D陽光勁靚,勁想係度留耐D,但係真係無時間了

究竟住係度既生活會係點[sosad][sosad]

feel到就黎到Leisee了~哇~五湖既終點呀,真係好開心!!!!!:~(:~(:~(

Leisee – 五湖終點站

呢度比想像中熱鬧好多~仲成個公園咁好多野玩,韆鞦、滑梯…連橫渡都有,
係咁靚既山上面當然要玩曬佢#love##love##love#
我直頭覺得呢度既設施係用黎慰勞行完5個湖既我#love#

D光打落黎#love##love#

呢個係一個好長既湖

湖邊有個滑梯,係Grindelwald無去玩果個滑梯,係度玩呢個補住數先[sosad][sosad]

呢個滑梯真係痴線,快到癲,一野衝左落去,
好嗠有呢個欄,唔係實飛落湖[sosad][sosad]
記住一路sir落去要做住捉實呢條柱既心理準備,因為真係飛得好勁,
唔捉住你就會成個人撞埋去[sosad]

仲有個韆鞦,緊係要玩埋~

玩埋佢[sosad][sosad][sosad][sosad]

仲有呢個!

遇再到呢兩個好好人既韓國情侶,佢見我望住佢地玩得咁開心,
問我要唔要一齊玩返去,勁好#love##love#
我同佢兩個玩左呢個橫渡返對面岸,
呢個橫渡好難平衝同控制,佢兩個勁take care我,好驚我跌落水咁,


而我好似free ride佢地咁,因為全程都係個男既出絕大部份既力,[sosad][sosad][sosad][sosad]

 

上岸之後我地搭第5個湖果部送你上火車站既𨋢。呢部𨋢係免費架,

期間講下我地今日去左邊度玩,佢話佢地頭先行左去第一個湖,之後直接行過黎,
然後佢地知道我頭先原來行左5個湖,佢地好驚嘆 [sosad][sosad][sosad][sosad]
果下我先覺得自己原來做左D會令人驚歎既野 [sosad]

搭完lift 到左 Sunnegga 站,Matterhorn上面好多雲[sosad]

之後就入返去搭火車落山了。
下篇會講下推薦餐廳同Zermatt Matterhorn 夜景。#yup#

如果想睇更多歐洲遊記或問問行程資訊,歡迎Like Facebook Page  芒果豆腐花遊記 


【歐遊 2018】獨遊瑞法德奧17日童話小鎮仙境遊 路線行程  https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記

 

Advertisements

Leave a Reply

This site uses Akismet to reduce spam. Learn how your comment data is processed.