【歐遊遊記 2018】獨遊瑞法德奧 童話小鎮仙境遊(四十三) 瑞士伯恩 Bern 半日快閃遊 (Bern + Luzern)

伯恩 (Bern) 係唔少人去到瑞士會特登去既古城,呢個古城都幾有佢既特色,如果係瑞士要睇一個古城,佢的確係唔錯既選擇。但由於古城都睇過太多,是日我只係係度逗留左幾個鐘,係度行下hea下都幾舒服既~中古世紀feel既古城的確係好靚,但排滿左雪山行程,無時間要skip佢既話都不算太可惜,畢竟黎到瑞士當然重點係自然風景啦~對於Bern,我反而最深刻係去Grindelwald果日,係火車上經過Bern,見到陽光曬落黎,睇到呢個城市既橋既剪影+古城+河景,果個景超靚,不過今日無左果個角度既陽光,就睇唔返果個景色啦,但個景既結構就類似下面咁,但我印象中係鐵橋。

其實今日原本係一個buffer 日,預左可能琴日到Zermatt 唔好天既話,就今日去行五湖,再真接去Zurich,點知琴日天氣好完美,Zermatt既目標行程已經完成#:P#dog而今日Zermatt 都幾多雲,座馬特洪峰都頂仔都無,


(本來應該左邊會見到個山頂)
所以我都無謂再留係Zermatt#no#dog,去Bern + Luzern行個圈,先再去Zurich好過,結果時間真係啱啱好。#wine#pig

點解我唔係用Swiss Travel Pass 但今日我可以咁Flexible話轉行程就轉行程呢?因為plan車票果時,我用半價咭買左今日既 Saver Day Pass (click睇下咩黎),幾乎等於我今日係有Swiss Travel Pass,所以我今日全日都係唔洗買飛就可以搭車,包括市際同市內既交通。#wine#pig

係車站見到呢間店

是日係車站locker放完行李後,我就出發啦。
早上我到果時,其實都算幾好太陽。但呢張相睇唔出。#haha#dog

一出車站見到街景係咁覺得都幾型下,覺得呢度好似好有規模咁,原來伯恩係瑞士既首都,呢個我事前都唔知,成日有個錯覺以為蘇黎世係。不過有啲複雜既係呢個地方會被叫作「瑞士實際上既首都 (De facto Capital) 」,點解要講明係實際呢,因為瑞士無官方列明過佢係首都,但瑞士呢個聯邦制國家既聯邦政府就設左係伯恩,大家都會覺得伯恩就係首都,可以話係有實「無名」既首都#upset#dog

Bern 伯恩景點一覽

伯恩有咩玩呢,

1. 呢度特別少少既係有個熊公園 (Bear Pit),真係有熊啤啤,但好少熊同佢地唔算係幾有趣咁 。順帶一提,Bern就係Bear既德文~

其他其實都係係典型古城可以做既野:
2. 上高點 (觀景台)- Rosengarten 公園 / 伯恩玫瑰園 重點算對唔係睇花,重點係睇古城風景。
3. 睇大街、廣場、鐘塔、教堂,特別既係呢度條街有勁多彩色噴泉,教堂就無咩特別。
4. 有啲人可能會去下啲博物館,我就無入到既。

上圖可見,佢既景點係可以一條直線咁掃曬佢既,但我就一去就搭左巴士去熊公園先,搭咩車全部用google map路就到,好方便。

熊公園 Bear Pit

其實熊公園一帶都幾靚,因為佢近河,而瑞士既河係碧緣色既,睇落超清涼,好靚

仲有木骨屋#:P#dog#touch#dog#wet#dog#run#dog

呢個時候天氣都仲好好,四圍都好光猛。


地磚有好多名,但唔係好知點解,通常都係捐款者既名。

係公園你會見到有個位特別多人,就係有熊仔睇既位啦

隻熊我覺得係中等size,未大到熊人既程度,但又未細到可愛既level

地上有啲果實比佢地食

有啲似野豬

我有fd 話佢黎到同D德國人係呢條河遊水,仲話啲中好凍,我覺得應該會幾爽哈哈。

去完熊公園,我就再搭車上Rosengarten 公園 / 伯恩玫瑰園

Rosengarten 公園 / 伯恩玫瑰園

呢個公園係係高位黎,好似一個山頂咁,但其實由熊公園行上去只係6 分鐘,不過我都係搭左巴士。#haha#dog#haha#dog#haha#dog

呢個玫瑰園,如果你上黎係為左睇花,咁你一定會失望,當佢係普通公園好了。

因為佢啲花…少到

不過野餐呀,放狗就一流啦。

天氣開始差…
向盡頭行就係觀景台啦

無左陽光…#upset#dog#upset#dog

呢個城市被河圍住,又有好多高既橋,係幾靚

附近一帶

因為無咩野做,又比想像中無咁多野做,我係個觀景台坐左好耐,hea左好耐,
好正,咩都唔洗做,剩係睇風景。#wine#pig#wine#pig#wine#pig

可惜有吊臂同啲現代樓啦

我本來想等好天,不過見都無咩機會,方圓十萬里都無藍天,所以走lu

搭返車落去,

慢慢行返去車站,沿路就會係古城大街

呢度既噴水池全部都有呢啲裝飾,應該話成個瑞士都係,不過 Bern 真係特別多。
聽講係飲得既,我struggle左好耐之後都有揾個黎斟,又真係好好飲。

講唔出係邊一座鐘塔,不過係幾靚,重點係,好多磁石呀!!!

呢度真係最齊款,買左呢隻

諗起布拉格天文鐘

我覺得Bern特色在於佢中間有條好直既街,咁樣望過去都幾壯觀

一街都係旗,好型好靚。
都係果句,想像下有個地方一街都係強國旗既話….#it3#dog#it3#dog

真係行幾步都有個水喉

呢度會有啲咁既門

下面係地下舖

不過行行下就發現四圍都差唔多樣

某個教堂

另一個教堂

呢個教堂前面有個廣場

因為肚餓,去左揾間超市買野食,叫Mignos,有雞脾!!

以為會同Coop果啲差唔多,點知差勁遠,Coop無論個味定質感都好超多。

呢個廣場熱鬧啲,因為有個market睇下,不過都係無咩特別野睇。

無啦啦有陽光:

之後都無咩特別,行返車站搭車去Luzern 琉森繼續半日遊~

全程我剩係用左三個半鐘。#bye#dog#bye#pig


【歐遊 2018】獨遊瑞法德奧17日童話小鎮仙境遊 路線行程  https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記

Leave a Reply

This site uses Akismet to reduce spam. Learn how your comment data is processed.