【歐遊遊記 2018】獨遊瑞法德奧 童話小鎮仙境遊(四十四)瑞士琉森 Luzern 半日快閃遊 (Bern + Lucerne)

去完伯恩,由於聽日係蘇黎世都會有絕大半日既時間,所以去蘇黎世之前,我去埋琉森,玩埋呢半日。 Lucerne,都係果句啦,呢度都幾舒服幾靚,但無時間黎就唔洗專程黎既~不過我諗黃金環遊係值得去,咁可以係度落腳,咁都唔錯~

其實如果有時間,絕對可以係呢度預留多一兩日,玩下佢個黃金環遊(Golden Round Trip),遊船、上皮拉圖斯峰 Pilatus,果度有全瑞士最長既山上滑梯,又或者可以去鐵力士山 Tiltus,都有好靚好靚既風景。

不過因為唔夠時間,本來只打算快閃瑞士既我就無呢個行程,剩係係市內行個圈。

琉森景點 Lucerne 景點一覽

琉森,Lucerne / Luzern,對我黎講主要有三個景點,
一、卡貝爾橋/教堂橋教堂橋 Kapellbrücke:湖岸景
二、穆塞格城牆 Museggmauer:上鐘塔頂俯瞰古城,遠眺Pilatus同璃森湖景
三、垂死獅子像 Löwendenkmal:係呢度出名既景點,現實睇都幾型

其實佢仲有其他,但我無去:
四、冰河公園 Glacier Garden Gletschergarten:係垂死獅子像隔離,有古時瑞士建築、古典擺設。而外圍的公園就有旋渦洞穴同冰河造成既岩石果啲

Luzern 遊記

(全程3.5小時)

由Bern去Luzern既直達火車基本上每一粒鐘就有一班,我下午三點幾到左琉森車站後,就去買支甜筒唱散銀租locker,題外話,我食甜筒D甜筒紙搞到好論盡,污糟曬,之後嬲得濟一野飛啲包裝紙落垃圾筒,之後飛埋手上個兩歐落垃圾筒 :o):o):~(。總之搞完D locker放行李後,我就出發了~

一出站就見到有個碑係歡迎到琉森,不過係咁依係Google Map 望又唔見佢有咩名堂

基本上一出站,就係羅伊斯河,由琉森湖流入黎。

所以向左望,就會見到第一個景點,亦係呢度就係最出名最大既景點,教堂橋/卡貝爾橋 Kapellbrücke。

佢叫教堂橋因為橋既另一個盡頭就係聖彼德教堂(St. Peters-Kirche)。

天氣好差,tune 完先有返啲色彩…

因為係Grindelwald 纜車跌壞左支鏡,所以成日影出黎D相都會好似下面咁,得個焦點清,其他矇曬

其實本來對呢個橋0期望,事前唔覺有咩特別,但真實條橋又真係幾長,全長204米,同埋都幾靚既,加上河邊既屋都幾靚

條橋上面仲有花盆

 呢頭有三條橋

教堂橋建於1333年,本來係防禦作用,座塔係水塔,睇wiki話佢本來係用作監獄、拷問所、瞭望台同金庫。歐洲人真係好鐘意將啲人鎖係塔上面[sosad][sosad]


不過其實佢大部份係1993年因為撞船意外燒左,之後再修復返。

下圖純粹想show我支鏡頭既破壞程度

好多人會係度影相,影探個頭出黎果啲女神相/ 大媽相 (一切depends on 你個樣)

其實呢度好天應該會好靚

呢條橋入面係咁樣,全木製。

有啲位仲會有好多關於琉森歷史既畫,一共~120幅。不過印象中真實都幾暗,唔太睇得清楚。

盡頭洋蔥頭就係聖彼德教堂(St. Peters-Kirche)。

行完呢度,我就去下個景點,穆塞格城牆 Museggmauer,可以上鐘塔頂俯瞰古城,遠眺Pilatus同璃森湖景。

去下個景點時,沿途我經過城中心既一啲手信店,呢間真係CLS

可唔可以鏟平間舖….

去第二景點可以由橋一路向過去行,唔覺可以搭車到,但基本上係一直向上行,

已經見到啲塔了~

有個門去個城牆,感覺呢個景點無咩人咁

不斷向上同埋不斷係梯….#touch#dog#touch#dog

已經見到個湖,但仲有得上~

唔太知呢呢座咩黎,無深究

果座係咪就係Pilatus?好彩都仲見到個頂,今日真係勁厚雲。
btw,下面啲樓啲光又幾靚。

繼續向城塔行,其實浴途啲光都幾靚

我見地圖話呢9座塔入面有3個係上得,呢個係Zytturm,佢特別之處係有呢個大鐘,佢係全市最古老既鐘,但佢真係仲運作緊,而且仲話全個城佢行得最快,所以呢個鐘塔係會快過人地打鐘,佢一打,其他就會跟住佢打。

我到之前佢已經到左搭正,記得真係成個城狂打,打到唔知幾時先停,環迴立體聲咁[sosad][sosad]

呢度既塔景係咁既

之後好快就落返黎,去其他塔

呢道有九座塔,當中有幾座係由呢條路連接住,並唔係所有塔既入口都係呢面[sosad][sosad]

不同角度欣賞呢個景#touch#dog#touch#dog

講真,已經唔記得邊個塔打邊個,呢個係其中一座塔既入,勁似細個玩既RPG場景…即係,有啲陰森,仲要好似全座塔得我一個

佢封左向上既路,只可以向下,一落就係城牆既另一面,係地面黎。

另一面有中大個嶺南場既feel,好大,有草地,有跑道,條跑道同個古蹟好違和[sosad][sosad]

唔係好知果個係咩鐵路

果面山有座…果時以為城堡,仲有軌車上去,但好似未見有人講呢個景點,

然後我而家係 Google map 睇返先知,原來酒店黎[shocking][shocking]痴線咁奢華,佢叫做盧塞恩古奇城堡酒店(Chateau Gutsch) 睇下條link https://www.agoda.com/zh-hk/chateau-gutsch_14/hotel/luzern-ch.html?cid=-218 , 成間皇宮咁 (下面係agoda 圖)[sosad][sosad]


係咁依睇下,見一晚2千幾咁,咁我又覺得係琉森又唔洗住咁貴,留黎係雪山區住正野更好#run#dog
不過有啲人根本唔洗慳,間間住好野都得#it1#dog

返返黎現實,最後想上既呢座塔個景應該最靚,佢入口係草地呢面,仲要咁樣

#@_@#dog#@_@#dog#@_@#dog#@_@#dog

行行下有個窗口睇到啲預告

到了,行得好辛苦#wet#dog#wet#dog#wet#dog#wet#dog

但都值得,呢個景唔錯,有河有山有湖有啡色古城,好豐富#touch#dog#touch#dog

上面係咁,可以不同角度睇景

唔知點解,覺得下面呢度…有啲似….公屋[sosad][sosad][sosad][sosad]

 

唔知呢個位以前有咩用,而家就封到咁

仲有人倒瀉野[sosad][sosad]似特登掉過去

條河隻色幾特別

雪山,但無雪#touch#dog#touch#dog 唔夠高又夏天,無辦法

睇到聖彼德教堂

似公屋既建築

望去呢邊有好多塔,但被樹遮住曬

湖,無陽光,無色

creepy

睇完了,走人,好斜..

呢個山坡係有牛的

仲要係好似荷蘭好大隻角果D…

走了,之後好快咁去埋第三個景點,趕住咁過去…乾左塘:o):o)

不過都真係好大個,同個石壁又幾高,啲紋又靚,個像都雕得好細緻,好有神緒,真係好垂死 feel。

呢度附近有間好靚既木骨屋

都無咩其他野好影,所以我就搭車返車站,再拎行李去Zurich啦。

就天黑,

Byebye 啦 Lucerne,都係果句啦,呢度都幾舒服幾靚,但無時間黎唔洗專程黎既~
(點解我好似踩緊佢咁[sosad][sosad]
不過我諗黃金環遊係值得去,咁可以係度落腳,咁都唔錯~

#bye#pig#bye#dog#bye#pig#bye#dog#bye#pig#bye#dog#bye#pig#bye#dog#bye#pig


【歐遊 2018】獨遊瑞法德奧17日童話小鎮仙境遊 路線行程  https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記

 

 

 

Leave a Reply

This site uses Akismet to reduce spam. Learn how your comment data is processed.