【歐遊遊記 2018】獨遊瑞法德奧 童話小鎮仙境遊(四十五)瑞士蘇黎世 Zurich 住宿紀錄 | Linda’s Backpacker Zürich City

黎到最後一站既蘇黎世,呢晚住既就係今個trip最後一晚住宿啦,而我無特登住好啲,只係住 Hostel,因為瑞士住宿實在太貴啦。今晚住既係Lina’s Backpacker ,到埗既過程係有DD波折,最後都順利抵達。可能因為係四人 female dorm,又有房內既浴廁,hostel黎講,我呢晚都住得幾舒服既。呢篇會報告下是日體驗,又係果句,呢晚體驗OK,但未至於要推薦佢,只係係度紀錄下報告下。

價錢

價錢黎講,四人女生宿舍既房,一個床位連唔知咩稅同服務費,最後都要HK$459 晚 (床單、毛巾係要另外到時比2.5 CHF,加埋城市稅姐係$508,但佢好似最後waive左我個床單果啲charge),hostel黎講真係一啲都唔平,應該話好鬼貴,不過已經係呢晚我揾果時最「平」、位置、設備正常既房,呢個價平時住酒店一人房我都覺貴,但無辦法,瑞士真係好鬼貴。

服務

我覺得呢間check in方面係麻煩D ,因為你住果度同你check-in果度係兩個位黎,我記得我果晚跟住Google Map去到酒店果時,見到Hostel門口,但鎖左,按鐘但無人應門,之後上booking.com 望下啲資先見到呢張圖

… 以為終於達陣,原來又要再揾路

去到間Bar, 見到個老闆,原來佢就係叫Linda,係個癲癲喪喪既熱情中年女人,同場仲有個同Linda好啱咀形既台灣男人,佢地用啲dindin地既tone講緊check in 既野,無啦啦Linda又拉左佢bar做緊野既仔過黎介紹佢。Linda勁hyper咁同我地分別check-in,之後台仔係咁扮嬲話:「Linda呀!我揾左好耐先揾到過黎呀!好攰呀!」又真係比佢成功R到Linda話今晚既床單費唔洗比,仲要話聽朝住可以過黎呢度食free breakfast(本來唔包),帶忺埋我,咁又唔錯喎#:)#dog 老闆係勁好人。

Check-in 果時個台仔見我係香港黎勁興奮咁:「哇!香港護照啊!第一次見呢!」之後勁順手立左打開ID果版黎望我個名:o):o)「哦~芒果豆腐花!」:o):o)

搞掂之後,Linda話住宿個位唔係google map show果個,係另一度 (姐係應該係佢有兩間hostel, booking address係 hostelA 但實際上我今晚住既會係Hostel B),所以要同個台仔一齊揾路。幾番轉折下,終於到啦[sosad]
民宿果度有幾層,但無lift,女仔果層係1樓,台仔好似係3 樓,佢話佢個gip入面勁重,因為入面全部都係佢黎公幹用既N個單車鎖 product sample,搬堆鐵上幾層,真係聽到都辛苦[sosad]但我都自身難保,幫唔到手,佢亦話唔洗理佢。佢仲係咁話今晚一齊出去飲野啦一個人好悶:o) 毒J表示不了,我要沖涼訓覺,唔想再出去。[sosad][sosad] 
入到房,應該9點幾10點,已經熄曬燈,四人床入面得一個人到左,係個Romanian,同佢打左招呼後我就放低野、沖涼搞埋啲床鋪都盡快訓,好似11點幾12點我玩緊手機時有人到左,佢換完衫就跳左上床,無噪音,成晚都幾靜,我都一訓就訓到天光,幾舒服。
第二日同Romanian去食早餐,早餐正常,都係典型歐洲酒店頹自助早餐,食完仲可以keep d 行李係佢餐廳。
題外話,我當時著闊腳褲,Romanian問係咪香港啲人興咁著,仲話以為係民族服裝[sosad][sosad][sosad] 諗落好似真係無咩鬼妹會著闊腳褲[sosad]

位置

位置方面,佢個位我覺得都幾好,係近啲town center既,就唔係火車站果頭。下面虛線2分鐘路程,去Zurich 站都係6分鐘,好近。

設備

首先呢度無𨋢。我間4人房係咁,無私隱既床位,不過成班女仔我覺得無野既,仲要我全晚都摸黑行動,大家都咩都見唔到。下面既圖係booking.com 揾,感覺都幾乾淨。

呢度最好既係房入面係有浴室廁所,得4個女仔share呢個bathroom,唔洗又拎房咭又盛咁出外面沖涼刷牙,而個浴室都係酒店咁果種,好舒服,呢點我好滿意,我住果4間hostel入面得呢間係咁,其他都要出外面用Shared bathroom。

仲有個位可以煮野食同食飯,我就係度用啲係超市買既料黎夾包食晚飯。

房入面仲有locker,但我唔記得佢有冇比鎖,黎歐洲真係自備定個鎖好。

 

總結

總括黎講,除左貴同check-in好煩之外,呢度都唔錯,

成晚overall都好舒服,女仔房,加上少人同啲人正常,所以好靜好好訓。

但我見佢booking.com果啲都幾低分,可能唔同房型體驗會好唔同[sosad]

#bye#pig#bye#dog#bye#pig#bye#dog#bye#pig#bye#dog#bye#pig#bye#dog#bye#pig

下篇會係旅程既Last day — 蘇黎世遊記


【歐遊 2018】獨遊瑞法德奧17日童話小鎮仙境遊 路線行程  https://wp.me/p8A312-14I
歡迎 Follow Facebook page 留意最新資訊同遊記: 芒果豆腐花遊記

 

Leave a Reply

This site uses Akismet to reduce spam. Learn how your comment data is processed.