【歐遊遊記 2018】獨遊瑞法德奧 童話小鎮仙境遊(四十二) 瑞士策馬特 住宿報告 Hotel Bahnhof

係Zermatt呢晚,我住既係比較budget為重既,因為覺得Grindelwald已經歎左兩晚山景酒店,呢日普通啲都ok,不過如果budget夠既,book間望到Matterhorn既酒店房就緊係最正啦。

Advertisements

【歐遊遊記 2018】獨遊瑞法德奧 童話小鎮仙境遊(四十) 瑞士策馬特 五湖健行 遊記(下篇:Grindjisee, Grünsee, Moosjiesee, Leisee)

上篇講到我黎到Zermatt上山行五湖健行, 呢度行山既景色真係好靚,所以上篇單單講纜車同第一個湖都放左極多相, 今次呢篇就會繼續講五湖,一次過講曬第二至第五個湖既路程同經歷~ 行完真係好有成功感,強烈推薦呢個路線!

【歐遊遊記 2018】獨遊瑞法德奧 童話小鎮仙境遊(三十八) 瑞士策馬特 五湖健行資訊 交通 費用 路線 – Zermatt Matterhorn 5-Seenweg

五湖健行其實係Zermatt呢頭其中一個熱門行程,佢並唔係比你登上Matterhorn,而係搭纜車上附近一座山,然後沿住五個湖咁行山,沿途欣賞Matterhorn既風景,仲可以影到好多湖+Matterhorn既相,我超級鐘意呢個行程,雖然難度並唔高,但我行完好有成功感哈哈~因為覺得好完整,好滿足。其實都有D人唔想行咁耐,會只揀其中幾個湖黎行,其實都可以的,因為並唔係個個湖都咁精彩,的確Skip一兩個唔會有太大損失,只係我想完成曬5個湖~呢篇會介紹下完整路線同交通等資訊。

【歐遊遊記 2018】獨遊瑞法德奧 童話小鎮仙境遊(三十六) 瑞士少女峰地區 DAY 13 (三) 上少女峰

是日第二個行程係上少女峰,正如前幾篇所講,少女峰我係見今日好天唔想嘥左先即興決定上去,點知上到去一陣後天氣差左好多 。不過,都有成功睇到好天version既少女峰既,睇到既野真係同唔好天差幾遠下~呢篇會講下行前準備、交通同觀後感~

【歐遊遊記 2018】獨遊瑞法德奧 童話小鎮仙境遊(三十四) 瑞士少女峰地區 DAY 13 (一) 夏天必去The First 懶人包[資訊]

黎Grindelwald,其實我最重點既行程並唔係上少女峰,而係上The First睇風景!由Grindelwald上The First行山既整個過程絕對係我心目中TOP1最讚歎既體驗,因為呢度實在係太靚,靚到好唔真實,真係靚到幻想都唔會有咁靚既程度,一路行都覺得自己發緊夢,好似去左另一個世界咁,我覺得黎到呢頭無上The First既話一定係個大損失!!!好天既話,絕對無唔上The First玩既理由!係寫遊記之前,首先簡單介紹下The First係咩黎、有咩做~

【歐遊遊記 2018】獨遊瑞法德奧 童話小鎮仙境遊(三十二) 瑞士少女峰地區 DAY 12 (一) Lauterbrunnen 瀑布鎮 + Interlaken 茵特拉根

Grindelwald既第一日,因為見今日都係比較多雲,所以我決定今日唔上The First住,去左瀑布鎮同Interlaken先~瀑布鎮Lauterbrunnen係少女峰地區入面Grindelwald以外既一個小鎮,因為個鎮坐落於一個有瀑布既大峭壁之下,所以有一個好特別既景觀,吸引左我去睇!我自己就好鐘意呢個D水好似仙女散花咁灑落黎既瀑布,推薦大家黎行個圈 ~係幾得意架。

【歐遊遊記 資訊】獨遊瑞法德奧 童話小鎮仙境遊(三十)瑞士資訊 — 洗唔洗買PASS / 揀咩交通PASS好?—— 各種瑞士旅遊通票 景點、交通折扣等超詳細比較 + 攻略

瑞士旅遊通票花多眼亂,景點、交通折扣全部都唔同,個個都會為洗唔洗買Pass、買邊張Pass而煩惱。呢篇,係我用左N日時間整理出黎既 【瑞士旅遊通票— 景點、交通折扣等超詳細比較 + 攻略】!!係度一次過了解下佢地有咩分別啦~

【歐遊遊記 2018】獨遊瑞法德奧 童話小鎮仙境遊(二十七)DAY 11 瑞士北部 觀賞萊恩瀑布 Rhinefall 住宿推薦 – Schaffhausen 沙夫豪森 Hostel Crossbox Pub+Backpacker

離開Stein am Rhine後,我下一站就係去歐洲最大瀑布——萊恩瀑布,不過我先去是日落腳地 Schaffhausen check in 先。首先想分享一下今晚我住既呢間裝修好靚既Hostel~我仲幸運地因為無人book而可以一個人住曬成間hostel房~跟本就係間單人房~哈哈~

【歐遊遊記 2018】獨遊瑞法德奧 童話小鎮仙境遊(二十六)DAY 11 瑞士 Stein am Rhein 萊恩河畔施泰恩 – 美麗既中古世紀壁畫鎮

黎到Day 11,終於都正式進入瑞士行程啦~第一個玩既地方係位於瑞士北部,近萊茵瀑布同沙夫豪森(Schaffhausen) 既小鎮 —— Stein am Rhein 萊恩河畔施泰恩。Stein am Rhein 起初只係一個小漁村,自11世紀被開發貿易起變得富裕。而加,佢仍然保留住中古世紀既木骨屋建築,特別既係,係木骨屋既結構之上,佢好多屋既外牆仲有好多精美既壁畫,睇落好色彩繽紛,因而聞名。雖然是日撞正雨天,不過我依然覺得佢好靚。如果黎到瑞士北部,推薦黎遊下Stein am Rhine,佢同其他瑞士古城好唔同!

【歐遊遊記 2018】獨遊瑞法德奧 童話小鎮仙境遊(二十五)DAY 10 奧地利 因斯布魯克 INNSBRUCK 苦中作樂遊記 集陰天大雨轉晴既一日

本來黎Innsbruck,一方面因為順路,另一方面因為覺得北山風景好似幾靚,就黎左呢度,結果唔止天氣差到去唔成北山,仲book錯埋酒店日子(詳情上篇),最後我轉左係另一個小鎮落腳,不過都有係Innsbruck行返陣先走~係短短三粒鐘,我就睇到Innsbruck既陰、雨、晴,影左D都幾唔同既相。

【歐遊遊記 2018】獨遊瑞法德奧 童話小鎮仙境遊(二十四)Day 10 奧地利 因斯布魯克 Innsbruck —— book 錯酒店日期災難記 + Bludenz 住宿記

係講Innsbruck前,先講一講一件幾痴線既事。我係innsbruck呢日其實好好好難忘,因為我呢晚book左間有少少貴、似乎好舒服既酒店慰勞下呢個玩到一半旅程既自己——但難忘/痴線既位唔係呢度——呢日,正當我滿心期待咁去到Innsbruck間酒店check-in,我先發現原來我book錯左日子⋯⋯⋯⋯⋯⋯即係話呢晚我並無book任何酒店,再加上今晚全Innsbruck市既酒店基本上都已經full曬⋯⋯呢晚究竟有咩著落呢?呢篇純粹係紀錄同分享,無資訊、無景點,但不妨入黎食下花生哈哈。

【歐遊遊記 2018】【資訊】獨遊瑞法德奧 童話小鎮仙境遊(二十三)酒店報告 德國慕尼克 Munich, Germany — Hotel Dolomit 白雲石飯店

今個歐遊trip有唔少值得推薦既單人房,繼上次推薦左羅騰堡果兩間後,今次黎到Munich都好彩住到好酒店房!不過不過,想book呢間酒店既話,有樣重要野要注意既,佢有新房舊房,個體驗差好遠架,風險要自行評估哈哈。呢篇會報告下呢幾晚既住宿體驗~

【歐遊遊記 2018】【資訊】獨遊瑞法德奧 童話小鎮仙境遊(二十一)DAY 9 奧地利薩爾斯堡 SALZBURG — SALZBURG CARD 資訊 攻略

黎到Salzburg,一定要買Salzburg Card!因為28歐既Salzburg Card真係包好多活動!!係度由朝玩到傍晚就啱啱好,張咭基本上包曬市內出名既景點同交通,仲有市外搭纜車上山睇景同一個幾有趣既宮殿都包,用佢一日可以有好多唔同既體驗,呢篇會詳細少少介紹下呢張咭可以點用,(如果想睇D景點咩黎,請睇另一篇我呢日既遊記~)

【歐遊遊記 2018】獨遊瑞法德奧 童話小鎮仙境遊(二十)DAY 9 奧地利薩爾斯堡 Salzburg — Salzburg Card 景點行程 交通 遊記

上次歐遊係奧地利無去位於西部既Salzburg 薩爾斯堡,今次就黎玩返喇~本來其實我黎既目的係方便我去國王湖,但結果Salzburg遊好驚喜,呢日好充實,因為28歐既Salzburg Card真係包好多活動!!係度由朝玩到傍晚就啱啱好,張咭基本上包曬市內出名既景點同交通,仲有市外搭纜車上山睇景同一個幾有趣既宮殿都包,用佢一日可以有好多唔同既體驗,絕對買得過!

【歐遊遊記 2018】獨遊瑞法德奧 童話小鎮仙境遊(十九)Day 8 德國國王湖 Königssee — 遊記 攻略

國王湖係位於德國邊境地區貝希特斯加登(Berchtesgaden)內既湖,呢個湖景大受好評,個個去完都讚歎不絕,可惜上次黎奧地利果時我無去埋,所以今次再去呢頭就一定要去埋啦!不過今次天氣真係麻麻,d陽光唔太夠,所以結果無預期咁靚…相信只睇到佢一半咁靚…但其實個風景係優美既,可惜因為少陽光,我無大家果種一致都有既好震撼既感覺,天氣好應該會好好多!呢篇會講下國王湖既超詳細資訊同當日遊記。

【歐遊遊記 2018】獨遊瑞法德奧 童話小鎮仙境遊(十八)重遊德國新天鵝堡 Neuschwanstein — 世上最美城堡之一

德國既新天鵝堡(Neuschwanstein)都可以話係黎到德國必去既景點,我都去左兩次,但我其實唔係因為太精彩所以想去多次,只係第一次去天氣差又整緊橋,靚相都唔多張,今次順路就去多轉啦,結果好成功啊!天氣好好!至於值唔值得去啦,我覺得係值得架,真係幾可愛幾靚,周邊都幾靚幾舒服!今日都玩得好開心。

【歐遊遊記 2018 】獨遊瑞法德奧 童話小鎮仙境遊(十七)Day 6 德國紐倫堡 — 一個重建既古城

紐倫堡呢個名話熟唔算好熟,但又好似邊度聽過咁——因為紐倫堡香腸就係呢度黎喇!如果你去慕尼克,發現plan左太多日係果度,想係附近搵個地方去,咁紐倫堡都係個唔錯既選擇黎,只要買邦票,搭一個幾鐘火車就可以輕鬆黎到啦!雖然紐倫堡古城遠遠不及羅騰堡靚,城堡又唔夠海德堡壯觀,但呢度又未至於無野好做既,我都係度搵到幾有趣既野做,佢亦有佢值得一睇既地方——佢既城堡有全世界最深既井,仲有個幾資訊性既高塔,我覺得呢日hea得黎都幾有趣,有時間不妨黎行下!

【歐遊遊記 2018 】獨遊瑞法德奧 童話小鎮仙境遊(十六)拜仁邦票資訊:德國 往返羅騰堡、紐倫堡、慕尼克、天鵝堡、國王湖、薩爾斯堡(奧地利)都可能用得著既拜仁邦票教學—— 慳錢必學!!

呢篇,我會講講往返羅騰堡、紐倫堡、慕尼克、天鵝堡、國王湖、薩爾斯堡(奧地利)都可以用得著既拜仁邦票教學!呢度提到既德國地方都係位於一個叫「巴伐利亞 (Bavaria)」既「邦(Federal State)」入面,簡易起見,你可以理解為佢係德國既其中一個區域,而呢個區域入面係有一種交通pass可以比你任搭區內既大部分既火車同巴士,更重要既係佢仲係團體票(Group Ticket),越多人同行就越平,佢就叫做「拜仁邦票」,別稱「拜揚邦票」、「巴伐利亞邦票」,2人或以上同行絕對會平到跳舞!拜仁邦票係遊覽德國時好大機會用到既Pass!睇下有咩使用時必須注意既地方啦~

【歐遊遊記 2018 】獨遊瑞法德奧 童話小鎮仙境遊(十五)浪漫之路 德國羅騰堡遊記 ROTHENBURG OB DER TAUBER — 德國最完整中古世紀古城 及 我最愛既德國必去小鎮!!(下)

羅騰堡既簡介上篇都講左了,呢篇係我係呢個好靚好舒服好歡樂既童話小鎮遊記!我真係超級鐘意呢個地方,任何會去德國既人,超級希望你唔好錯過佢啊!!!聖誕博物館&精品店、塔頂睇景、古城漫遊…全部都好正,呢篇遊記會好長好長好多圖!

【歐遊遊記 2018 】獨遊瑞法德奧 童話小鎮仙境遊(十四)浪漫之路 德國羅騰堡 ROTHENBURG OB DER TAUBER — 德國最完整中古世紀古城 (上)行程景點一覽

位於德國南部巴伐利亞邦既羅騰堡(陶伯河)被譽為「中古世紀之寶」,呢個名真係無誇張,佢真係一個又大又靚既古城,外面有完整既城牆;入面大部分都係充滿中古色彩既木骨屋同德式山形屋,真係個非常可愛既古城!亦係我係德國最愛既地方!呢篇,首先輕輕講下羅騰堡有咩景點先喇!

【歐遊遊記 2018 】獨遊瑞法德奧 童話小鎮仙境遊(十二) DAY 5 德國法蘭克福遊記 + 一日集齊曬多種你唔會想遇到既阻滯:Miss車+上錯火車+火車延誤+錯過尾班車驚魂記

法蘭克福本來就無咩野好寫,偏偏呢日我就做左兩件錯事,最後搞到又Miss車、又上錯火車、仲遇埋火車延誤,錯過埋尾班火車,呢日交通驚魂記令呢篇Frankfurt遊記變成千字文,亦令呢日成為我呢世都會記得既一日!仲有仲有,我發現原來德國係一個超級有愛既國家,德國人真係好好心、好友善,令我好感動!!成件事真係一匹布咁長,不妨入黎食下花生,順便睇下如果因為德國國鐵 delay而miss尾班接駁火車,究竟可以點做啦~

【歐遊遊記 2018 】獨遊瑞法德奧 童話小鎮仙境遊(十一) DAY 4 德國海德堡遊記 (下)— 規律既海德堡古城、閒逛河畔、欣賞老橋景、晚餐餐廳推薦

參觀完海德堡既城堡,我就去閒逛下老城。海德堡既景點唔算多,半日都可以行曬。呢篇會講下海德堡除左城堡外仲有咩可以做~基本上都係一個字:hea,都幾舒服~另外仲會推薦下間食物好味既餐廳!

【歐遊遊記 2018 】獨遊瑞法德奧 童話小鎮仙境遊(十) DAY 4 德國海德堡遊記 (上)— 值得一睇既海德堡古堡 Heidelberger Schloss

海德堡既重點絕對係海德堡古堡,除左因為佢夠大夠搶眼,係山下已經見到成排城堡,而更重要既係,佢夠爛啊!!佢絕對係係爛同靚之中拎左個好好既平衡,成為一個精彩既廢墟;仲有城堡範圍既觀景台亦好值得去下,海德堡城堡既側面同古城一覽無遺,真係慶幸上到山上遇到好天氣!黎到南德,值得黎海德堡睇下呢個城堡啊!

【歐遊遊記 2018 】獨遊瑞法德奧 童話小鎮仙境遊(九) Day 4 德國海德堡住宿報告 Steffis Hostel Heidelberg — 第一次住dorm分享

今晚係海德堡既住宿係Steffis Hostel Heidelberg 斯海德堡斯特菲旅舍,亦係我第一次住hostel既dorm(無錯,我歐遊過百幾日都無住過dorm),事前都幾驚自己唔慣,因為成日聽d人講成晚會唔洗訓、d人好嘈、會被人偷野之類,都驚驚地,不過今次歐遊住左四晚hostel,整體上既體驗都比想像中易接受好多,今次就報告下係呢間hostel既情況啦。

【歐遊遊記 2018 】獨遊瑞法德奧 童話小鎮仙境遊(八) 阿爾薩斯首都 Strasbourg 史特拉斯堡攻略 短暫遊遊記 — 必睇全世界第六高既史特拉斯堡主教座堂!比小法蘭西區更值得睇!

因為搭巴士要轉車,所以有2個鐘左右快閃一下Strasbourg,結果呢度真係比到幾大驚喜我,因為佢個全世界第六高既大教堂實在太好J,佢俾我既震撼感真係太深刻,呢度已經值得花上一個鐘慢慢欣賞——無錯!就連見過好多唔同歐洲國家既教堂既我都覺得呢個真係好值得睇!另外,短短2個鐘既時間真係唔夠時間細味呢個大城市,就連最基本既景點都唔夠時間去睇曬啊,所以強烈建議,一場黎到Strasbourg 就比多幾個鐘留係Strasbourg啦!

【歐遊遊記 2018 】獨遊瑞法德奧 童話小鎮仙境遊(七)法國童話世界ALSACE遊記:Hunawihr篇 | 葡萄園路徑中伏記、唔錯既葡萄園山上教堂景色、無野睇既小鎮 + Colmar晚餐推薦

睇完好靚既Colmar同Riquewihr,就黎到是日中伏既開始啦。呢篇會報告下我由Riquewihr經葡萄園路徑行去Hunawihr既中伏經過,解釋下點解我咁唔推薦行酒鄉之路!! 最後,我仲會推薦Colmar一間有當地特色菜式既餐廳,玩完一日遊,係Colmar食返個Alsatian Dinner就最完整啦😋。

【歐遊遊記 2018 】【資訊 | 攻略】獨遊瑞法德奧 童話小鎮仙境遊(五)| 法國童話世界Alsace交通:Colmar, Riquewihr, Hunawihr, Eguisheim 交通教學、(唔推薦既)葡萄園路線| 防中伏攻略 官網巴士時間表 路線推薦

黎到Colmar,唔好只係去Colmar,你值得預留多半日去多幾個小鎮!不過,點規劃?點去附近小鎮呢?有咩要注意?其實Colmar一帶交通都可以幾複雜,一定要睇攻略呀!!會有好難搵到既巴士時間表、防中伏事項、建議行程!仲會講埋邊D鎮最值得去~

【歐遊遊記 2018 】獨遊瑞法德奧 童話小鎮仙境遊(四)法國童話世界Alsace 遊記:Colmar, Riquewihr, Hunawihr | 去Colmar唔好只去Colmar! | 完整小鎮一日遊攻略 (1/3)— Colmar篇 唔可以錯過既幾個影相位!

作為哈爾移動城堡取景既地點,童話小鎮Colmar相信係唔少人一見到就決定下次歐遊一定要去埋既地方,不過其實Colmar一帶(Alsace呢個區)仲有好多同Colmar相似既童話小鎮,其中有D我甚至覺得靚過Colmar,絕對係可以以一日遊方式去曬呢幾個小鎮!所以,黎到Colmar,唔好只係去Colmar,你值得預留多半日去多幾個小鎮啊!不過,一定一定要揀啱日子去,否則你就局住只能留係Colmar玩,黎緊攻略篇會講點解,而家先睇下遊記先啦~

【歐遊遊記 2018 】【資訊】獨遊瑞法德奧 童話小鎮仙境遊(三)巴塞爾去科爾馬 Basel to Colmar 交通 (+巴黎去科爾馬) | Colmar 住宿攻略

雖然Colmar係法國小鎮,但想去既話其實唔一定要從法國出發,從瑞士西北站或從南德去,係快過從巴黎去架,仲平好多!呢篇會講下我從Basel去Colmar既交通,仲有提供埋巴黎去Colmar既交通。 另外,呢篇仲會講下係Colmar既住宿應該揀咩位、要注意D咩(小心中伏!),同埋分享下我當時住既Hotel ibis budget Colmar Centre Ville!

【歐遊 2018】獨遊瑞法德奧 童話小鎮仙境遊(二)Day 2 Basel遊記 比想像中美麗既瑞士巴塞爾 Basel, Switzerland | 優美既萊茵河畔景色 德瑞法交界點 隨處可見既可愛小屋

Basel位於瑞士西北部邊境,如果純玩瑞士,唔少人會略過呢個地方,不過對於會去法國Colmar既我黎講,落機後係度行一行,再繼續搭巴士去Colmar就最好不過啦。起初睇網上遊記,真係睇到差D想skip左Basel,因為睇到我差D以為Basel係好現代化既城市,無咩風景睇。不過,往往毫無期望就會有驚喜。由於有啱啱落機對歐洲既「新鮮感」同超好既天氣,我都幾享受係Basel既呢日,亦覺得呢度係幾靚。對我黎講,佢最正既唔係現代藝術品或博物館,而係萊茵河畔既景色,同埋瑞士古城式屋仔既細節!另外,我非常推薦一個好多遊記都無提及既又抵又開心既活動!

資訊:
Basel 前往瑞德法交界點交通

【歐遊遊記 2018】獨遊瑞法德奧(一)17日童話小鎮仙境遊 路線行程 【歐洲必去!】

雖然之前已經係歐洲四圍玩左百幾日,但歐洲靚既地方實在太多,返左黎之後又儲落左一堆自己覺得好靚、好想快d去既地方,於是係歐洲Exchange既兩年後,我終於都忍唔住,係今年5月即興買左歐洲機票,6月尾就展開左我呢個17日既歐遊睇風景之旅!今次去既地方我真係精挑細選,專搵可以影靚相既地方(除左當中兩三個只係踏腳石),我幾乎日日都睇到哇哇聲。所以行呢個路線,睇景真係會睇到好飽滿,有曬我超鐘意既童話小鎮、古鎮;又有靚到痴線、仙境咁既雪山、湖景等,真係超級推薦!!!!

【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

呢日係Budapest既前半日,我地去左浸Szechenyi溫泉同睇動物,晚上,我就去去另一個重點行程——沿住Budapest既多瑙河遊船河喇!如果情侶結伴黎到Budapest,不妨考慮食個遊船河燭光晚餐,因為都幾有情調。呢篇,我會報告一下我地呢晚係Budapest食既Legenda 多瑙河遊船河晚餐,伏定唔伏、值唔值得一試呢,我會如實報告哈哈哈。另外,都會紀錄一下必試既New York Cafe體驗。

【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉Szechenyi Bath

黎到Budapest既第2日,真係行程pack到滿一滿,由朝玩到晚上尾班車都無埋。雖然今日天氣真係好差好差好差,不過係布達佩斯都玩得好開心,覺得呢度真係幾多精彩野玩!超級推薦布達佩斯塞切尼溫泉Szechenyi Bath!! 【資訊:動物園、塞切尼溫泉】

【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 Central Market Hall、馬加什教堂 、漁夫堡 Fisherman’s Bastion

係Budapest既第一日,我地先去Central Market Hall掃街,試下匈牙利既特色小食,再去參觀(能見度極低版本既)漁夫堡 Fisherman's Bastion。其實漁夫堡真係值得一去,不過我地不幸地遇上伸手不見五指既天氣…

【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 Budapest, Hungary | 【資訊】從Bratislava到Budapest交通、一定要提防黑的 (已中黑的伏)- Budapest 常見的airbnb住宿簡介

布達佩斯係匈牙利既首都,呢度有著名既多瑙河夜景,亦有唔少精彩既活動可以做。呢篇會講下從Bratislava到Budapest既交通,我地係Budapest搭的士既中伏事件,同埋簡介下呢度常見既一種airbnb民宿種類~

【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊

Bratislava係 Slovakia 斯洛伐克既首都,位於呢個國家既邊境,所以去Budapest 同 Vienna既遊客多數都會即日來回去埋Bratislava ,順便當去多個國家。黎到呢個城市,佢既行程其實好少好少,比CK更少。係Bratislava第一日,首先我地當然行古城區,呢篇就係Bratislava古城漫遊遊記喇~

【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT Hotel Bratislava 、Tulip House Boutique Hotel Bratislava | 餐廳、美食推薦 – FABRIKA The Beer Pub

係Bratislava stay左3晚(絕對無必要),因為佢既住宿價位實在太低,於是呢三晚我地住左LOFT Hotel Bratislava 同 Tulip House Boutique Hotel Bratislava 呢兩間酒店,係度報告下~順道推薦一間係Bratislava入面超正既餐廳!我地係度食左兩餐啊哈哈。

【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (Bratislava, Slovakia) 交通

Vienna 第2日既行程其實只有一個,就係去百水屋——一間外觀設計好奇特既住宅。而係其餘既時間,我地就展開左雪糕hunting,搵左好耐邊度有冬天仲開既雪糕店,入黎睇下我地最後搵成點啦哈哈。另外,呢篇會簡介前往Slovakia斯洛伐克首都 Bratislava布拉提斯拉瓦既交通!