五湖健行其實係Zermatt呢頭其中一個熱門行程，佢並唔係比你登上Matterhorn，而係搭纜車上附近一座山，然後沿住五個湖咁行山，沿途欣賞Matterhorn既風景，仲可以影到好多湖+Matterhorn既相，我超級鐘意呢個行程，雖然難度並唔高，但我行完好有成功感哈哈～因為覺得好完整，好滿足。其實都有D人唔想行咁耐，會只揀其中幾個湖黎行，其實都可以的，因為並唔係個個湖都咁精彩，的確Skip一兩個唔會有太大損失，只係我想完成曬5個湖～呢篇會介紹下完整路線同交通等資訊。
是日第二個行程係上少女峰，正如前幾篇所講，少女峰我係見今日好天唔想嘥左先即興決定上去，點知上到去一陣後天氣差左好多 。不過，都有成功睇到好天version既少女峰既，睇到既野真係同唔好天差幾遠下～呢篇會講下行前準備、交通同觀後感～
我係Grindelwald留咗兩日，以下係我plan左既地方同活動，呢帶活動唔止呢D，呢篇只係分享下我既行程～仲會輕輕講下每個地方既推薦程度～
雖然之前已經係歐洲四圍玩左百幾日，但歐洲靚既地方實在太多，返左黎之後又儲落左一堆自己覺得好靚、好想快d去既地方，於是係歐洲Exchange既兩年後，我終於都忍唔住，係今年5月即興買左歐洲機票，6月尾就展開左我呢個17日既歐遊睇風景之旅！今次去既地方我真係精挑細選，專搵可以影靚相既地方（除左當中兩三個只係踏腳石），我幾乎日日都睇到哇哇聲。所以行呢個路線，睇景真係會睇到好飽滿，有曬我超鐘意既童話小鎮、古鎮；又有靚到痴線、仙境咁既雪山、湖景等，真係超級推薦！！！！