【歐遊遊記 2018】獨遊瑞法德奧 童話小鎮仙境遊(四十二) 瑞士策馬特 住宿報告 Hotel Bahnhof

係Zermatt呢晚,我住既係比較budget為重既,因為覺得Grindelwald已經歎左兩晚山景酒店,呢日普通啲都ok,不過如果budget夠既,book間望到Matterhorn既酒店房就緊係最正啦。呢篇會報告下我係Zermatt呢晚住既Hostel: Zermatt Hotel Bahnhof。 是日住宿基本資訊: Zermatt Hotel Bahnhof 2018年7月中 一晚 女生宿舍 (8-10人左右) 床位x1 無早餐 Shared-bathroom 42 CHF (~294HKD)  https://www.hotels.com/ho555510/hotel-bahnhof-zermatt-switzerland/ 以瑞士黎講,可以300都唔洗就有晚落腳,其實已經叫幾平, 但呢度所謂既「平」都係要住Hostel,得床位, 呢個budget (300/人)係其他地方已經可以住到唔錯既酒店了~ 位置: 位置黎講,呢間酒店都無得彈,係正Zermatt火車站出面(下圖藍色圓型icon)。 服務: 講真,我就覺得一般。 如果你未到check in 時間,想寄行李係度,佢唔會幫你託管, 只會叫你落佢地庫度放locker, 而且D locker係要比錢先鎖到,不過當時因為唔想比錢 ,我就學其他人, 放曬D(唔值錢既)野係個地庫D架度算, 果度好多人出出入入,基本上都係自求多福,希望無人偷。 環境、設備: 其實佢係一間有Hostel房又有酒店房既酒店。 Hostel房黎講,我覺得呢間既setting都幾好,啲床既設計幾有私隱度,因為啲床板係全遮蓋, 唔係支架,雖然都係無簾,但感覺無咁宿營feel (^hotels.com既相) 我就揀左張對住個窗(可以關窗簾)既床,所以覺得好似成個角落都係我既咁, 房入面其他人完全唔會望到我。 呢張床另一樣野好既係佢有塊版係床邊,你返到去想揾個位坐下, 但又唔想坐上床,咁呢個座位就啱曬~ 床頭燈、床頭有插座,有位放手機、差電既野,放得咁近自己,幾穩陣。 上圖可以見到有locker,係每人有張電子咭可以用黎解鎖, 個locker比較細,不過放貴重野就點都夠做既~ 浴室方面,呢度應該有2間浴室,係一間過既浴室,唔係泳池果種一排過淋浴間果啲feel, 空間夠、水力都無問題,雖然好少浴室,但唔知點解唔洗排隊, 可能外國人唔興晚上沖涼。 廚房方面,hostel地庫有pantry,可以係果度煮野食同食飯,見啲人煮得好過癮咁, 相信設備果啲都OK 無問題。 衞生 … Continue reading 【歐遊遊記 2018】獨遊瑞法德奧 童話小鎮仙境遊(四十二) 瑞士策馬特 住宿報告 Hotel Bahnhof

【歐遊遊記 2018】獨遊瑞法德奧 童話小鎮仙境遊(四十) 瑞士策馬特 五湖健行 遊記(下篇:Grindjisee, Grünsee, Moosjiesee, Leisee)

上篇講到我黎到Zermatt上山行五湖健行, 呢度行山既景色真係好靚,所以上篇單單講纜車同第一個湖都放左極多相, 今次呢篇就會繼續講五湖,一次過講曬第二至第五個湖既路程同經歷~ 行完真係好有成功感,強烈推薦呢個路線!

【歐遊遊記 2018】獨遊瑞法德奧 童話小鎮仙境遊(三十八) 瑞士策馬特 五湖健行資訊 交通 費用 路線 – Zermatt Matterhorn 5-Seenweg

五湖健行其實係Zermatt呢頭其中一個熱門行程,佢並唔係比你登上Matterhorn,而係搭纜車上附近一座山,然後沿住五個湖咁行山,沿途欣賞Matterhorn既風景,仲可以影到好多湖+Matterhorn既相,我超級鐘意呢個行程,雖然難度並唔高,但我行完好有成功感哈哈~因為覺得好完整,好滿足。其實都有D人唔想行咁耐,會只揀其中幾個湖黎行,其實都可以的,因為並唔係個個湖都咁精彩,的確Skip一兩個唔會有太大損失,只係我想完成曬5個湖~呢篇會介紹下完整路線同交通等資訊。

【歐遊遊記 2018】獨遊瑞法德奧 童話小鎮仙境遊(三十六) 瑞士少女峰地區 DAY 13 (三) 上少女峰

是日第二個行程係上少女峰,正如前幾篇所講,少女峰我係見今日好天唔想嘥左先即興決定上去,點知上到去一陣後天氣差左好多 。不過,都有成功睇到好天version既少女峰既,睇到既野真係同唔好天差幾遠下~呢篇會講下行前準備、交通同觀後感~

【歐遊遊記 2018】獨遊瑞法德奧 童話小鎮仙境遊(三十二) 瑞士少女峰地區 DAY 12 (一) Lauterbrunnen 瀑布鎮 + Interlaken 茵特拉根

Grindelwald既第一日,因為見今日都係比較多雲,所以我決定今日唔上The First住,去左瀑布鎮同Interlaken先~瀑布鎮Lauterbrunnen係少女峰地區入面Grindelwald以外既一個小鎮,因為個鎮坐落於一個有瀑布既大峭壁之下,所以有一個好特別既景觀,吸引左我去睇!我自己就好鐘意呢個D水好似仙女散花咁灑落黎既瀑布,推薦大家黎行個圈 ~係幾得意架。

【歐遊遊記 2018】【資訊】獨遊瑞法德奧 童話小鎮仙境遊(二十三)酒店報告 德國慕尼克 Munich, Germany — Hotel Dolomit 白雲石飯店

今個歐遊trip有唔少值得推薦既單人房,繼上次推薦左羅騰堡果兩間後,今次黎到Munich都好彩住到好酒店房!不過不過,想book呢間酒店既話,有樣重要野要注意既,佢有新房舊房,個體驗差好遠架,風險要自行評估哈哈。呢篇會報告下呢幾晚既住宿體驗~

【歐遊遊記 2018】【資訊】獨遊瑞法德奧 童話小鎮仙境遊(二十一)DAY 9 奧地利薩爾斯堡 SALZBURG — SALZBURG CARD 資訊 攻略

黎到Salzburg,一定要買Salzburg Card!因為28歐既Salzburg Card真係包好多活動!!係度由朝玩到傍晚就啱啱好,張咭基本上包曬市內出名既景點同交通,仲有市外搭纜車上山睇景同一個幾有趣既宮殿都包,用佢一日可以有好多唔同既體驗,呢篇會詳細少少介紹下呢張咭可以點用,(如果想睇D景點咩黎,請睇另一篇我呢日既遊記~)

【歐遊遊記 2018】獨遊瑞法德奧 童話小鎮仙境遊(二十)DAY 9 奧地利薩爾斯堡 Salzburg — Salzburg Card 景點行程 交通 遊記

上次歐遊係奧地利無去位於西部既Salzburg 薩爾斯堡,今次就黎玩返喇~本來其實我黎既目的係方便我去國王湖,但結果Salzburg遊好驚喜,呢日好充實,因為28歐既Salzburg Card真係包好多活動!!係度由朝玩到傍晚就啱啱好,張咭基本上包曬市內出名既景點同交通,仲有市外搭纜車上山睇景同一個幾有趣既宮殿都包,用佢一日可以有好多唔同既體驗,絕對買得過!

【歐遊遊記 2018】獨遊瑞法德奧 童話小鎮仙境遊(十九)Day 8 德國國王湖 Königssee — 遊記 攻略

國王湖係位於德國邊境地區貝希特斯加登(Berchtesgaden)內既湖,呢個湖景大受好評,個個去完都讚歎不絕,可惜上次黎奧地利果時我無去埋,所以今次再去呢頭就一定要去埋啦!不過今次天氣真係麻麻,d陽光唔太夠,所以結果無預期咁靚…相信只睇到佢一半咁靚…但其實個風景係優美既,可惜因為少陽光,我無大家果種一致都有既好震撼既感覺,天氣好應該會好好多!呢篇會講下國王湖既超詳細資訊同當日遊記。

【歐遊遊記 2018】獨遊瑞法德奧 童話小鎮仙境遊(十八)重遊德國新天鵝堡 Neuschwanstein — 世上最美城堡之一

德國既新天鵝堡(Neuschwanstein)都可以話係黎到德國必去既景點,我都去左兩次,但我其實唔係因為太精彩所以想去多次,只係第一次去天氣差又整緊橋,靚相都唔多張,今次順路就去多轉啦,結果好成功啊!天氣好好!至於值唔值得去啦,我覺得係值得架,真係幾可愛幾靚,周邊都幾靚幾舒服!今日都玩得好開心。

【歐遊遊記 2018 】獨遊瑞法德奧 童話小鎮仙境遊(十七)Day 6 德國紐倫堡 — 一個重建既古城

紐倫堡呢個名話熟唔算好熟,但又好似邊度聽過咁——因為紐倫堡香腸就係呢度黎喇!如果你去慕尼克,發現plan左太多日係果度,想係附近搵個地方去,咁紐倫堡都係個唔錯既選擇黎,只要買邦票,搭一個幾鐘火車就可以輕鬆黎到啦!雖然紐倫堡古城遠遠不及羅騰堡靚,城堡又唔夠海德堡壯觀,但呢度又未至於無野好做既,我都係度搵到幾有趣既野做,佢亦有佢值得一睇既地方——佢既城堡有全世界最深既井,仲有個幾資訊性既高塔,我覺得呢日hea得黎都幾有趣,有時間不妨黎行下!

【歐遊遊記 2018 】獨遊瑞法德奧 童話小鎮仙境遊(十六)拜仁邦票資訊:德國 往返羅騰堡、紐倫堡、慕尼克、天鵝堡、國王湖、薩爾斯堡(奧地利)都可能用得著既拜仁邦票教學—— 慳錢必學!!

呢篇,我會講講往返羅騰堡、紐倫堡、慕尼克、天鵝堡、國王湖、薩爾斯堡(奧地利)都可以用得著既拜仁邦票教學!呢度提到既德國地方都係位於一個叫「巴伐利亞 (Bavaria)」既「邦(Federal State)」入面,簡易起見,你可以理解為佢係德國既其中一個區域,而呢個區域入面係有一種交通pass可以比你任搭區內既大部分既火車同巴士,更重要既係佢仲係團體票(Group Ticket),越多人同行就越平,佢就叫做「拜仁邦票」,別稱「拜揚邦票」、「巴伐利亞邦票」,2人或以上同行絕對會平到跳舞!拜仁邦票係遊覽德國時好大機會用到既Pass!睇下有咩使用時必須注意既地方啦~

【歐遊遊記 2018 】獨遊瑞法德奧 童話小鎮仙境遊(十五)浪漫之路 德國羅騰堡遊記 ROTHENBURG OB DER TAUBER — 德國最完整中古世紀古城 及 我最愛既德國必去小鎮!!(下)

羅騰堡既簡介上篇都講左了,呢篇係我係呢個好靚好舒服好歡樂既童話小鎮遊記!我真係超級鐘意呢個地方,任何會去德國既人,超級希望你唔好錯過佢啊!!!聖誕博物館&精品店、塔頂睇景、古城漫遊…全部都好正,呢篇遊記會好長好長好多圖!

【歐遊遊記 2018 】獨遊瑞法德奧 童話小鎮仙境遊(十二) DAY 5 德國法蘭克福遊記 + 一日集齊曬多種你唔會想遇到既阻滯:Miss車+上錯火車+火車延誤+錯過尾班車驚魂記

法蘭克福本來就無咩野好寫,偏偏呢日我就做左兩件錯事,最後搞到又Miss車、又上錯火車、仲遇埋火車延誤,錯過埋尾班火車,呢日交通驚魂記令呢篇Frankfurt遊記變成千字文,亦令呢日成為我呢世都會記得既一日!仲有仲有,我發現原來德國係一個超級有愛既國家,德國人真係好好心、好友善,令我好感動!!成件事真係一匹布咁長,不妨入黎食下花生,順便睇下如果因為德國國鐵 delay而miss尾班接駁火車,究竟可以點做啦~

【歐遊遊記 2018 】獨遊瑞法德奧 童話小鎮仙境遊(十一) DAY 4 德國海德堡遊記 (下)— 規律既海德堡古城、閒逛河畔、欣賞老橋景、晚餐餐廳推薦

參觀完海德堡既城堡,我就去閒逛下老城。海德堡既景點唔算多,半日都可以行曬。呢篇會講下海德堡除左城堡外仲有咩可以做~基本上都係一個字:hea,都幾舒服~另外仲會推薦下間食物好味既餐廳!

【歐遊遊記 2018 】獨遊瑞法德奧 童話小鎮仙境遊(十) DAY 4 德國海德堡遊記 (上)— 值得一睇既海德堡古堡 Heidelberger Schloss

海德堡既重點絕對係海德堡古堡,除左因為佢夠大夠搶眼,係山下已經見到成排城堡,而更重要既係,佢夠爛啊!!佢絕對係係爛同靚之中拎左個好好既平衡,成為一個精彩既廢墟;仲有城堡範圍既觀景台亦好值得去下,海德堡城堡既側面同古城一覽無遺,真係慶幸上到山上遇到好天氣!黎到南德,值得黎海德堡睇下呢個城堡啊!

【歐遊遊記 2018 】獨遊瑞法德奧 童話小鎮仙境遊(九) Day 4 德國海德堡住宿報告 Steffis Hostel Heidelberg — 第一次住dorm分享

今晚係海德堡既住宿係Steffis Hostel Heidelberg 斯海德堡斯特菲旅舍,亦係我第一次住hostel既dorm(無錯,我歐遊過百幾日都無住過dorm),事前都幾驚自己唔慣,因為成日聽d人講成晚會唔洗訓、d人好嘈、會被人偷野之類,都驚驚地,不過今次歐遊住左四晚hostel,整體上既體驗都比想像中易接受好多,今次就報告下係呢間hostel既情況啦。

【歐遊遊記 2018 】獨遊瑞法德奧 童話小鎮仙境遊(八) 阿爾薩斯首都 Strasbourg 史特拉斯堡攻略 短暫遊遊記 — 必睇全世界第六高既史特拉斯堡主教座堂!比小法蘭西區更值得睇!

因為搭巴士要轉車,所以有2個鐘左右快閃一下Strasbourg,結果呢度真係比到幾大驚喜我,因為佢個全世界第六高既大教堂實在太好J,佢俾我既震撼感真係太深刻,呢度已經值得花上一個鐘慢慢欣賞——無錯!就連見過好多唔同歐洲國家既教堂既我都覺得呢個真係好值得睇!另外,短短2個鐘既時間真係唔夠時間細味呢個大城市,就連最基本既景點都唔夠時間去睇曬啊,所以強烈建議,一場黎到Strasbourg 就比多幾個鐘留係Strasbourg啦!

【歐遊遊記 2018 】【資訊】獨遊瑞法德奧 童話小鎮仙境遊(三)巴塞爾去科爾馬 Basel to Colmar 交通 (+巴黎去科爾馬) | Colmar 住宿攻略

雖然Colmar係法國小鎮,但想去既話其實唔一定要從法國出發,從瑞士西北站或從南德去,係快過從巴黎去架,仲平好多!呢篇會講下我從Basel去Colmar既交通,仲有提供埋巴黎去Colmar既交通。 另外,呢篇仲會講下係Colmar既住宿應該揀咩位、要注意D咩(小心中伏!),同埋分享下我當時住既Hotel ibis budget Colmar Centre Ville!

【歐遊 2018】獨遊瑞法德奧 童話小鎮仙境遊(二)Day 2 Basel遊記 比想像中美麗既瑞士巴塞爾 Basel, Switzerland | 優美既萊茵河畔景色 德瑞法交界點 隨處可見既可愛小屋

Basel位於瑞士西北部邊境,如果純玩瑞士,唔少人會略過呢個地方,不過對於會去法國Colmar既我黎講,落機後係度行一行,再繼續搭巴士去Colmar就最好不過啦。起初睇網上遊記,真係睇到差D想skip左Basel,因為睇到我差D以為Basel係好現代化既城市,無咩風景睇。不過,往往毫無期望就會有驚喜。由於有啱啱落機對歐洲既「新鮮感」同超好既天氣,我都幾享受係Basel既呢日,亦覺得呢度係幾靚。對我黎講,佢最正既唔係現代藝術品或博物館,而係萊茵河畔既景色,同埋瑞士古城式屋仔既細節!另外,我非常推薦一個好多遊記都無提及既又抵又開心既活動! 資訊: Basel 前往瑞德法交界點交通

【歐遊遊記 2018】獨遊瑞法德奧(一)17日童話小鎮仙境遊 路線行程 【歐洲必去!】

雖然之前已經係歐洲四圍玩左百幾日,但歐洲靚既地方實在太多,返左黎之後又儲落左一堆自己覺得好靚、好想快d去既地方,於是係歐洲Exchange既兩年後,我終於都忍唔住,係今年5月即興買左歐洲機票,6月尾就展開左我呢個17日既歐遊睇風景之旅!今次去既地方我真係精挑細選,專搵可以影靚相既地方(除左當中兩三個只係踏腳石),我幾乎日日都睇到哇哇聲。所以行呢個路線,睇景真係會睇到好飽滿,有曬我超鐘意既童話小鎮、古鎮;又有靚到痴線、仙境咁既雪山、湖景等,真係超級推薦!!!!

【歐遊百幾日遊記】東歐四國篇(奧捷斯匈)(二十三)DAY 13 匈牙利 布達佩斯 BUDAPEST, HUNGARY(下) | Legenda多瑙河遊船河晚餐、NEW YORK CAFE 食甜品

呢日係Budapest既前半日,我地去左浸Szechenyi溫泉同睇動物,晚上,我就去去另一個重點行程——沿住Budapest既多瑙河遊船河喇!如果情侶結伴黎到Budapest,不妨考慮食個遊船河燭光晚餐,因為都幾有情調。呢篇,我會報告一下我地呢晚係Budapest食既Legenda 多瑙河遊船河晚餐,伏定唔伏、值唔值得一試呢,我會如實報告哈哈哈。另外,都會紀錄一下必試既New York Cafe體驗。

【歐遊百幾日遊記】東歐四國篇(奧捷斯匈)(二十二)DAY 13 匈牙利 布達佩斯 BUDAPEST, HUNGARY(上) | 英雄廣場、城市公園、布達佩斯動物園、必去塞切尼溫泉Szechenyi Bath

黎到Budapest既第2日,真係行程pack到滿一滿,由朝玩到晚上尾班車都無埋。雖然今日天氣真係好差好差好差,不過係布達佩斯都玩得好開心,覺得呢度真係幾多精彩野玩!超級推薦布達佩斯塞切尼溫泉Szechenyi Bath!! 【資訊:動物園、塞切尼溫泉】

【歐遊百幾日遊記】東歐四國篇(奧捷斯匈)(二十一)DAY 12 匈牙利 布達佩斯 BUDAPEST, HUNGARY | 中央市場 Central Market Hall、馬加什教堂 、漁夫堡 Fisherman’s Bastion

係Budapest既第一日,我地先去Central Market Hall掃街,試下匈牙利既特色小食,再去參觀(能見度極低版本既)漁夫堡 Fisherman's Bastion。其實漁夫堡真係值得一去,不過我地不幸地遇上伸手不見五指既天氣…

【歐遊百幾日遊記】東歐四國篇(奧捷斯匈)(二十)DAY 12 匈牙利 布達佩斯 Budapest, Hungary | 【資訊】從Bratislava到Budapest交通、一定要提防黑的 (已中黑的伏)- Budapest 常見的airbnb住宿簡介

布達佩斯係匈牙利既首都,呢度有著名既多瑙河夜景,亦有唔少精彩既活動可以做。呢篇會講下從Bratislava到Budapest既交通,我地係Budapest搭的士既中伏事件,同埋簡介下呢度常見既一種airbnb民宿種類~

【歐遊百幾日遊記】東歐四國篇(奧捷斯匈)(十八)DAY 10 斯洛伐克 布拉提斯拉瓦 BRATISLAVA, SLOVAKIA 古城半天遊

Bratislava係 Slovakia 斯洛伐克既首都,位於呢個國家既邊境,所以去Budapest 同 Vienna既遊客多數都會即日來回去埋Bratislava ,順便當去多個國家。黎到呢個城市,佢既行程其實好少好少,比CK更少。係Bratislava第一日,首先我地當然行古城區,呢篇就係Bratislava古城漫遊遊記喇~

【歐遊百幾日遊記】東歐四國篇(奧捷斯匈)(十七)DAY 9 抵達 布拉提斯拉瓦 BRATISLAVA, SLOVAKIA | 酒店住宿報告 — LOFT Hotel Bratislava 、Tulip House Boutique Hotel Bratislava | 餐廳、美食推薦 – FABRIKA The Beer Pub

係Bratislava stay左3晚(絕對無必要),因為佢既住宿價位實在太低,於是呢三晚我地住左LOFT Hotel Bratislava 同 Tulip House Boutique Hotel Bratislava 呢兩間酒店,係度報告下~順道推薦一間係Bratislava入面超正既餐廳!我地係度食左兩餐啊哈哈。

【歐遊百幾日遊記】東歐四國篇(奧捷斯匈)(十六)DAY 9 維也納 VIENNA — 百水屋 — 從維也納到布拉提斯拉瓦 (Bratislava, Slovakia) 交通

Vienna 第2日既行程其實只有一個,就係去百水屋——一間外觀設計好奇特既住宅。而係其餘既時間,我地就展開左雪糕hunting,搵左好耐邊度有冬天仲開既雪糕店,入黎睇下我地最後搵成點啦哈哈。另外,呢篇會簡介前往Slovakia斯洛伐克首都 Bratislava布拉提斯拉瓦既交通!

【歐遊百幾日遊記】東歐四國篇(奧捷斯匈)(十五)DAY 8 維也納 VIENNA 一日遊(下)| 納許跳蚤市場/中央市集 + 聖史提芬大教堂 + 必試3歐維也納國家歌劇院睇歌劇【攻略】

係Vienna既一日遊行程入面,行完博物館,就到左參觀教堂同睇歌劇既時候啦。好多人話,黎到Vienna呢個音樂之都,一定要係維也納國家歌劇院睇場歌劇。不過係度睇歌劇係可以要成千蚊港紙!呢篇會分享一個係維也納國家歌劇院以3歐就睇到歌劇既方法!

【歐遊百幾日遊記】東歐四國篇(奧捷斯匈)(十四)DAY 8 維也納 VIENNA 一日遊(上)| 英雄廣場一帶華麗建築巡禮 自然史博物館(入內參觀) 國立圖書館 國會大廈 霍夫堡皇宮 藝術史博物館

維也納呢個地方,對於唔係對音樂有特別興趣、又唔係想睇好多好多博物館既人黎講,可能會唔太精彩,好彩當時咁啱我初到歐洲,對所有歐洲既館、建築都好有興趣,所以係維也納都無覺得悶,都行得幾開心。係維也納行程第一日,我地上半日就係去左有好多華麗建築既英雄廣場一帶,仲即興參觀左自然史博物館,黎到維也納,不妨參觀下呢度既博物館,因為入面真係又大又靚啊!相當推薦!

【經驗分享】九次歐洲體驗Airbnb後感想——盡量唔會再住Airbnb

係歐洲玩左百幾日入面,我地主要既住宿都係有私人浴室既酒店,比預期中少用Airbnb,我地數返,我住Airbnb既次數係十隻手指都數得曬,無記錯既應該係8或9次,點解話「或」呢?因為其中一次屋主失左蹤,無真係住到。 去旅行住宿,Airbnb絕對唔係我既首選,首選一定係住酒店,然後會考慮booking.com上既旅館,或者hostel既連浴室私人房,如果全部都太貴,就最後先會考慮Airbnb。而過左學生時代後,以後旅行我都會寧願比多少少,直頭可以話如非必要,我都唔會再住 Airbnb。 點解我要盡量唔再住Airbnb?以下會分享下我過去幾次住Airbnb得出既感受同經驗。

【歐遊百幾日遊記】東歐四國篇(奧捷斯匈)(十二)DAY 7 HALLSTATT 哈修塔特 哈爾施塔特 白雪滿蓋的仙境——再去必去 Postcard 景  + 乘船到Hallstatt站 + 從Hallstatt到Vienna交通

係Hallstatt既第三日,係準備去Vienna既一日。從Hallstatt鎮到Hallstatt火車站,係需要搭一程船,於是我地就意外地「遊左湖」啦。上船前,我地再去多次Hallstatt最靚既postcard位,今日天氣比琴日好,有截然不同既感覺!呢篇亦有Hallstatt往來Vienna既交通資訊!

【歐遊百幾日遊記】東歐四國篇(奧捷斯匈)(十一)DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT (下)| 冬遊HALLSTATT | 堆雪人、擲雪球、必去世界最美小鎮POSTCARD位

黎到Hallstatt既第二日,早上係族館對住雪景食左頓寫意既早餐後,我地就出發喇。因為琴日已經行曬要行既街,今日我地有 3 個任務比自己:1) 搵postcard影相位出黎、2) 整雪人! 3) 擲雪球!!!

【歐遊百幾日遊記】東歐四國篇(奧捷斯匈)(十)DAY 5 Hallstatt 哈修塔特 哈爾施塔特 白雪滿蓋的仙境——Hallstatt (上)| 冬遊Hallstatt 每一步都係一個Postcard景 + 提防難食高級餐廳

我地終於黎到今次旅程最最最重點——Hallstatt!位於奧地利既Hallstatt號稱世上最美小鎮,每年暑假都吸引世界各地既遊客黎呢度旅遊。而今次,我地就係佢既淡季冬天黎,雖然叫淡季,但你能見到既、感受到既絕對係比起夏天係過之而無不及——呢個小鎮係冬天時既雪景係瘋狂級數,絕對係一步一感歎,更重要既係,呢度四圍都無咩遊客,你唔會見到一團團既人同你爭位影相、攝鏡啊!!

【歐遊新手必看攻略 尋找歐洲交通、車票方法】歐遊交通起步攻略 (巴士、火車、機票、渡輪)

呢一篇,係想整合同分享一下我地歐遊時如何計劃、搵到同買國家之間、城市之間既車票既,當中會分享幾個我搵巴士、火車車票時常用既網站。 另外仲會比一D常見問題既資訊,以及推薦一個外國交通超級大全網站,解決所有你首次搵歐洲車票既疑問!

【歐遊百幾日遊記】東歐四國篇(奧捷斯匈)(八)DAY 4 Cesky Krumlov 庫倫洛夫 (下)夜遊冬日童話小鎮CK小鎮 住在白雪小鎮裡 | Pension Kapr住宿報告(推薦) + 著名地窖餐廳 KRČMA V ŠATLAVSKÉ

係CK呢一晚,我地係一間好好既族館住左晚。晚上,我地係小鎮入面漫遊下,仲上左CK既城堡,另外亦去左呢度著名既地窖餐廳食晚餐~黎到CK,強烈推薦係小鎮住返晚,感受下呢度既寧靜。

【歐遊百幾日遊記】東歐四國篇(奧捷斯匈)(七)DAY 4 Cesky Krumlov 庫倫洛夫 (上) 漫遊冬日童話小鎮CK| 從布拉格前往CK小鎮交通 | CK小鎮美食推薦

今日既行程係去距離布拉格近3小時車程既捷克必去小鎮—— Cesky Krumlov ,亦即係我地通常叫既CK啦。CK小鎮係個我幾鐘意既地方,城堡同小鎮內既一堆屋仔被馬蹄型的伏爾塔瓦河(查理橋底下既都係呢條河)相隔住,從城堡高處望落去既景色相當特別,CK亦係我第一次見到白雪滿蓋既小鎮,所以印象特別深刻~呢篇會講漫遊冬日童話小鎮CK既遊記、從布拉格前往CK小鎮交通、午餐推薦等資訊